Share Market Today: अरिहंत कॅपिटल मार्केट्ससह बाजार तज्ज्ञांनी केली हे शेअर्स खरेदी करण्याची शिफारस, जाणून घ्या सविस्तर

Share Market Update: मंगळवारी बीएसई मिडकॅप आणि स्मॉलकॅप निर्देशांकांमध्ये अनुक्रमे ०.२० टक्के आणि ०.२२ टक्क्यांनी वाढ झाली. तेल आणि वायू, रिअल्टी आणि सार्वजनिक क्षेत्रातील बँकांनी कमी कामगिरी केली.

• शेअर बाजारातील तेजी कायम
• आशियाई बाजारांमध्ये तेजीचे वातावरण
• सुमित बगडिया यांनी केली पाच ब्रेकआउट स्टॉकची शिफारस

१० सप्टेंबर रोजी देखील भारतीय शेअर वाढीसह बंद झाला. गेल्या दोन दिवसांपासून शेअर बाजारत तेजी पाहयला मिळत आहेत. शेअर बाजाराची सुरुवात आणि शेवट दोन्ही सकारात्मक पद्धतीने होत असल्याचं पाहयला मिळत आहे. यामुळे गुंतवणूकदारांमध्ये आनंदाचे वातावरण आहे. गेल्या दोन दिवसांपासून सुरु असलेल्या तेजीनंतर आज शेअर बाजारात काय परिस्थिती असणार आहे, कोणते शेअर्स गुंतवणूकदारांसाठी फायद्याचे ठरणार आहेत, तसेच बाजार तज्ज्ञांनी गुंतवणूकदारांसाठी कोणते शेअर्स खरेदी करण्याची शिफारस केली आहे, याबाबत आता सविस्तर जाणून घेऊया.

काल्पनिक जगात अनुभवा स्वत:चं अस्तित्व, Ghibli नंतर Gemini AI चं हे फीचर होतंय ट्रेंड, तुम्ही ट्राय केलं का?

जागतिक बाजारातील उत्साहवर्धक संकेतांमुळे आज बुधवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, सकारात्मक पातळीवर उघडण्याची शक्यता वर्तवण्यात आली आहे. त्यामुळे गेल्या दोन दिवसांपासून सुरु असलेली शेअर बाजारातील तेजी आज देखील पाहायला मिळणार आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी सकारात्मक सुरुवात दर्शवितात. गिफ्ट निफ्टी २५,००० च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ५० अंकांचा प्रीमियम होता. (फोटो सौजन्य – Pinterest) 

मंगळवारी, शेअर बाजाराने तेजी दाखवली, बेंचमार्क निफ्टी ५० २४,८०० च्या वर बंद झाला. सेन्सेक्स ३१४.०२ अंकांनी म्हणजेच ०.३९% ने वाढून ८१,१०१.३२ वर बंद झाला, तर निफ्टी ५० ९५.४५ अंकांनी म्हणजेच ०.३९% ने वाढून २४,८६८.६० वर बंद झाला. मंगळवारी बँक निफ्टी निर्देशांक २९.२० अंकांनी किंवा ०.०५% ने वाढून ५४,२१६.१० वर बंद झाला. आशियाई बाजारांमध्ये तेजी दिसून आली, तर अमेरिकन शेअर बाजाराने रात्रभर तेजी दाखवली, वॉल स्ट्रीटच्या तिन्ही प्रमुख निर्देशांकांनी विक्रमी उच्चांक गाठला.

आजच्या व्यवहारात गुंतवणूकदार व्होडाफोन आयडिया, बिकाजी फूड्स, बजाज ऑटो, कोटक महिंद्रा बँक, सन फार्मा, ब्लू जेट हेल्थकेअर, संवर्धन मदरसन इंटरनॅशनल, स्टर्लिंग आणि विल्सन, टाटा मोटर्स, भारत इलेक्ट्रॉनिक्स या शेअर्सवर लक्ष केंद्रीत करू शकतात. चॉइस ब्रोकिंगचे कार्यकारी संचालक सुमित बगडिया यांनी आज गुंतवणूकदारांना खरेदी करण्यासाठी पाच ब्रेकआउट स्टॉकची शिफारस केली आहे. ज्यामध्ये इंडिया ग्लास, अरिहंत कॅपिटल मार्केट्स, अफल 3i, कोवाई मेडिकल सेंटर अँड हॉस्पिटल आणि टॅलब्रोस ऑटोमोटिव्ह कंपोनेंट्स यांचा समावेश आहे.

युजर्सचा ताण होणार कमी, नोकरीमधील वाढते घोटाळे रोखण्यासाठी LinkedIn ने सादर केलं नवं फीचर

प्रभुदास लिलाधर येथील तांत्रिक संशोधनाच्या उपाध्यक्षा वैशाली पारेख यांनी आज गुंतवणूकदारांना खरेदी करण्यासाठी इंट्राडे स्टॉकची शिफारस केली आहे. ज्यामध्ये उज्जीवन स्मॉल फायनान्स बँक, अदानी एनर्जी सोल्युशन्स आणि तितागढ रेल सिस्टम्स यांचा समावेश आहे.

आज खरेदी करायच्या स्टॉकबाबत चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल यांनी आठ इंट्राडे स्टॉकची शिफारस केली आहे. ज्यामध्ये कमिन्स इंडिया लिमिटेड, राम रत्न वायर्स लिमिटेड, पिडिलाइट इंडस्ट्रीज लिमिटेड, टाटा पॉवर कंपनी लिमिटेड, रेडिंग्टन लिमिटेड, ऑलेक्ट्रा ग्रीनटेक लिमिटेड, वारी एनर्जीज लिमिटेड आणि रेमंड लाइफस्टाइल लिमिटेड यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)

FAQs (संबंधित प्रश्न)

अर्बन कंपनी आयपीओ सबस्क्रिप्शन कधीपर्यंत खुले राहणार आहे?
अर्बन कंपनी आयपीओ सबस्क्रिप्शन १२ सप्टेंबर २०२५ पर्यंत खुले राहील

सुमित बगडिया यांनी आज कोणत्या शेअर्सची शिफारस केली आहे?
इंडिया ग्लास, अरिहंत कॅपिटल मार्केट्स, अफल 3i, कोवाई मेडिकल सेंटर अँड हॉस्पिटल आणि टॅलब्रोस ऑटोमोटिव्ह कंपोनेंट्स