Share Market Holiday: महाराष्ट्र दिनानिमित्त शेअर बाजार राहील बंद की व्यवहार होतील? जाणून घ्या

Share Market Holiday: आज म्हणजेच गुरुवारी, महाराष्ट्र दिनानिमित्त मल्टी कमोडिटी एक्सचेंज म्हणजेच एमसीएक्स एक्सचेंज सकाळच्या सत्रात म्हणजेच सकाळी ९:०० ते सायंकाळी ५:०० वाजेपर्यंत व्यवहारांसाठी खुले राहणार नाही.

Share Market Holiday Marathi News: गुरुवार, १ मे २०२५ रोजी भारतीय शेअर बाजार बंद राहील. २०२५ च्या शेअर बाजार सुट्टीच्या कॅलेंडरनुसार, १ मे २०२५ रोजी महाराष्ट्र दिनानिमित्त शेअर बाजारातील कोणतेही व्यवहार होणार नाहीत. बॉम्बे स्टॉक एक्सचेंज (BSE) आणि नॅशनल स्टॉक एक्सचेंज (NSE) दोन्ही मुंबईत आहेत. त्यामुळे गुरुवारी या दोन्ही एक्सचेंजेसवर इक्विटी, डेरिव्हेटिव्ह आणि एसएलबी सेगमेंटमध्ये कोणतेही व्यवहार होणार नाहीत.

बाजार पुन्हा कधी उघडेल?

आज म्हणजेच गुरुवारी, महाराष्ट्र दिनानिमित्त मल्टी कमोडिटी एक्सचेंज म्हणजेच एमसीएक्स एक्सचेंज सकाळच्या सत्रात म्हणजेच सकाळी ९:०० ते सायंकाळी ५:०० वाजेपर्यंत व्यवहारांसाठी खुले राहणार नाही. एमसीएक्स इंडेक्स पुन्हा संध्याकाळी ५:०० ते रात्री ११:५५ पर्यंत व्यवहारासाठी खुला राहील. भारतीय शेअर बाजार शुक्रवार २ मे २०२५ पासून पुन्हा उघडेल.

मदर डेअरीनंतर आता ‘या’ कंपनीने केली दुधाच्या किमतीत 2 रुपयांची वाढ, 1 मे पासून नवे दर लागू

शेअर बाजार सुट्टी कॅलेंडर २०२५

२०२५ च्या शेअर बाजार सुट्टीच्या कॅलेंडरनुसार, २०२५ मध्ये एकूण १४ अधिकृत सुट्ट्या आहेत. ज्यामध्ये महाराष्ट्र दिनाची सुट्टी देखील समाविष्ट आहे. १ मे नंतर येणाऱ्या काळात या दिवशी शेअर बाजार बंद राहील – १५ ऑगस्ट रोजी स्वातंत्र्यदिनानिमित्त, २७ ऑगस्ट रोजी गणेश चतुर्थीनिमित्त, २ ऑक्टोबर रोजी गांधी जयंतीनिमित्त, २१ ऑक्टोबर रोजी दिवाळी लक्ष्मी पूजननिमित्त, २२ ऑक्टोबर रोजी दिवाळी बलिप्रदानिमित्त, ५ नोव्हेंबर रोजी गुरुपर्वनिमित्त आणि २५ डिसेंबर रोजी ख्रिसमसनिमित्त शेअर बाजार बंद राहील. या सुट्ट्या वगळता प्रत्येक आठवड्याच्या शनिवारी आणि रविवारी शेअर बाजार बंद असतो, या दिवशी बाजारात कुठलाही व्यवहार होत नाही.

काल बाजारातील स्थिती

जागतिक बाजारातील संमिश्र ट्रेंडमध्ये बुधवारी (३० एप्रिल) अस्थिर व्यापारात भारतीय शेअर बाजार लाल रंगात बंद झाले. बजाज फिनसर्व्ह आणि बजाज फायनान्स सारख्या हेवीवेट शेअर्समध्ये मोठ्या घसरणीमुळे बेंचमार्क निर्देशांक निफ्टी५० आणि सेन्सेक्समध्ये घसरण झाली. शेवटच्या ३० मिनिटांच्या व्यवहारात बाजारात विक्रीचे वर्चस्व होते. मारुतीच्या नेतृत्वाखालील ऑटो समभागांमध्ये खरेदी केल्याने बाजाराला काही आधार मिळाला.

बीएसईच्या ३० शेअर्सचा सेन्सेक्स ८०,३७०.८० अंकांवर किरकोळ वाढीसह उघडला. व्यवहारादरम्यान, तो ७९,८७९.१५ अंकांवर घसरला होता. अस्थिर व्यापारानंतर, सेन्सेक्स ४६.१४ अंकांनी किंवा ०.०६% ने घसरून ८०,२४२.२४ वर बंद झाला.

सेन्सेक्स आणि निफ्टी ५० लाल रंगात बंद, गुंतवणूकदारांचे ४ लाख कोटी स्वाहा! काय म्हणतात तज्ज्ञ?