Share Market Today: गुंतवणूकदारांनो सावध राहा! घसरणीसह होणार शेअर बाजाराची सुरुवात, तज्ज्ञांनी दिले महत्त्वाचे संकेत

Share Market Update: भारतीय शेअर बाजारासाठी आजचा दिवस महत्त्वाचा ठरणार असून, सुरुवातीला बाजारावर दबाव राहण्याची शक्यता आहे. दरम्यान, तज्ज्ञांनी काही निवडक शेअर्समध्ये खरेदी-विक्रीच्या संधींकडे गुंतवणूकदारांचे लक्ष वेधले आहे.

• जागतिक संकेत आणि गिफ्टी निफ्टी पाहता आज सेन्सेक्स-निफ्टीची सुरुवात दबावात होण्याची शक्यता आहे.
• तज्ज्ञांनी रेमंड, बीईएल, इंडिगो, एनटीपीसी, तेजस नेटवर्क्स यांसह विविध शेअर्सवर लक्ष ठेवण्याचा सल्ला दिला आहे.
• जना स्मॉल फायनान्स बँक, जीएचसीएल टेक्सटाइल्स, भारत सीट्ससह काही ब्रेकआउट शेअर्सचीही शिफारस करण्यात आली आहे.

India Share Market Update: जागतिक पातळीवरील संमिश्र संकेतांचा विचार करता, आज १४ ऑगस्ट रोजी भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५० घसरणीसह किंवा नकारात्मक पातळीवर उघडण्याची शक्यता तज्ज्ञांनी वर्तवली आहे. गिफ्ट निफ्टीच्या ट्रेंडनेही भारतीय बेंचमार्क निर्देशांकाची सुरुवात संथ असल्याचे संकेत दिले. गिफ्ट निफ्टी, निफ्टी फ्युचर्सच्या मागील बंद भावापेक्षा २९ अंकांनी घसरून सुमारे २४,४३९ वर व्यवहार करत होता.

Todays Gold-Silver Price: सोन्याच्या दरात पुन्हा बदल, चांदीनेही गाठला नवा टप्पा! 10 ग्रॅम खरेदीसाठी मोजावे लागणार इतके पैसे

मागील सत्रात देशांतर्गत शेअर निर्देशांक संमिश्र स्थितीत बंद झाले, बेंचमार्क निफ्टी ५० २४,४०० च्या पातळीखाली बंद झाला. सेन्सेक्स ११३.६१ अंकांनी, म्हणजेच ०.१५ टक्क्यांनी वधारून ७८,०७९.९६ अंकांवर बंद झाला, तर निफ्टी ५० ४०.१० अंकांनी, म्हणजेच ०.१६ टक्क्यांनी घसरून २४,३९५.८५ अंकांवर स्थिरावला.  (फोटो सौजन्य – AI Created) 

चॉईस ब्रोकिंगचे सुमीत बागडिया, गणेश डोंगरे आणि आनंद राठी येथील वरिष्ठ व्यवस्थापक, तांत्रिक संशोधन यांनी भारतीय शेअर बाजारात व्यवहार करणाऱ्या गुंतवणूकदारांना खरेदी आणि विक्री करण्यासाठी आठ स्टॉक्सची शिफारस केली आहे. तज्ज्ञांनी निवडलेल्या या शेअर्समध्ये रेमंड लिमिटेड, एसजी मार्ट लिमिटेड, भारत इलेक्ट्रॉनिक्स लिमिटेड (बीईएल), मोतीलाल ओसवाल फायनान्शियल सर्व्हिसेस लिमिटेड, इंटरग्लोब एव्हिएशन लिमिटेड (इंडिगो), ब्लॅक बॉक्स लिमिटेड, अनंत राज लिमिटेड आणि ग्रीव्हज कॉटन लिमिटेड यांचा समावेश आहे.

प्रभुदास लिलाधरच्या तांत्रिक संशोधन विभागाच्या उपाध्यक्ष वैशाली पारेख यांनी आजच्या व्यवहारात गुंतवणूकदारांना खरेदी आणि विक्री करण्यासाठी तीन स्टॉक्सची शिफारस केली आहे. वैशाली पारेख यांनी एनटीपीसी, तेजस नेटवर्क्स आणि रेमंड या स्टॉक्सची शिफारस केली आहे. भारतीय शेअर बाजारातील गुंतवणूकदार आज अशोक लेलँड, एनएमडीसी, कोचीन शिपयार्ड, भारत डायनॅमिक्स, फिजिक्सवाला, पतंजली फूड्स, मॅक्स फायनान्शियल सर्व्हिसेस, एलजी इलेक्ट्रॉनिक्स इंडिया, टाटा मोटर्स पीव्ही, होनासा कंझ्युमर, इंडिगो पेंट्स, केआरबीएल या स्टॉक्सवर लक्षल केंद्रीत करू शकतात.

स्वस्तात मस्त जेवण! Swiggy वर बजेट फूडची क्रेझ; प्रत्येक 7 पैकी 1 ऑर्डर 99 Store वरून

चॉईस ब्रोकिंगचे कार्यकारी संचालक सुमीत बागडिया यांनी आज गुंतवणूकदारांना खरेदी करण्यासाठी जना स्मॉल फायनान्स बँक, जीएचसीएल टेक्सटाइल्स, ऑथम इन्व्हेस्टमेंट अँड इन्फ्रास्ट्रक्चर, नॉलेज मरीन अँड इंजिनिअरिंग वर्क्स आणि भारत सीट्स या पाच ब्रेकआउट शेअर्सची शिफारस केली आहे. मोतीलाल ओसवाल फायनान्शियल सर्व्हिसेस लिमिटेडच्या वेल्थ मॅनेजमेंट विभागाचे डेरिव्हेटिव्हज आणि टेक्निकल प्रमुख, चंदन तापारिया यांनी दिलेल्या आज गुंतवणूकदार रॅडिको खैतान , वन ९७ कम्युनिकेशन्स (पेटीएम) आणि डीएलएफचे शेअर्स खरेदी करू शकतात.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)