फोटो सौजन्य: iStock
आज शहरी भागात एका चांगल्या ठिकाणी कॉफी प्यायचे म्हंटले तर अनेकांची पाऊले स्टारबक्सकडे वळताना दिसतात. स्टारबक्स आपल्या चांगल्या अँबियन्स आणि कॉफीमुळे ओळखली जाते. अनेक कॉर्पोरेट क्षेत्रात काम करणारी लोकं स्टारबक्सच्या कॅफेत आपली मीटिंग किंवा महत्वाची कामं करताना दिसतात.
अनेकदा काही असे देखील लोकं असतात जे फक्त स्टारबक्सच्या कॅफेत बसायला येत असतात. ही लोकं कॅफेत ना कॉफी मागवत ना काही ऑर्डर करत. म्हणूनच आता कंपनीने एक महत्वाचा नियम जरी केला आहे. चला याबद्दल जाणून घेऊया.
अमेरिकन कॉफी ब्रँड स्टारबक्स पुन्हा एकदा चर्चेत आले आहे. कंपनीने एक नवीन नियम जारी केला आहे, ज्या अंतर्गत तुम्हाला मोफत वाय-फाय किंवा वॉशरूम वापरायचे असेल, कॅफेमधून काहीतरी खरेदी केल्याशिवाय तुम्ही ते करू शकणार नाही. याचा अर्थ असा की जर तुम्ही स्टारबक्समध्ये प्रवेश केला तर तुम्हाला त्यांची सेवा घ्यावीच लागेल. हा नवीन नियम २७ जानेवारीपासून लागू होणार आहे.
स्टारबक्सने आपल्या निवेदनात म्हटले आहे की, कंपनी त्यांचे पॉलिसी बदलणार आहे, ज्या अंतर्गत पूर्वी कोणीही त्यांच्या कॅफेमध्ये प्रवेश करू शकत होते किंवा बाहेर पडू शकत होते. तथापि, नवीन नियमांनुसार, फक्त पैसे देणाऱ्या ग्राहकांनाच प्राधान्य दिले जाईल. स्टारबक्सचे प्रवक्ते जेसी अँडरसन म्हणाले की, अनेक रिटेल स्टोअरमध्ये हा नियम आधीच लागू आहे. आमच्या कॅफेत येणाऱ्या ग्राहकांना आरामदायी वाटावे अशी आमची इच्छा आहे. यासाठी, आपल्याला योग्य वातावरण निर्माण करायचे आहे.
Defence Budget 2025: देशाच्या संरक्षणाचा खर्च सरकार किती वाढवणार? पेन्शनमध्ये पुन्हा वाढ होणार का?
कंपनीच्या नवीन आचारसंहितेनुसार, कॅफेमध्ये बसून मद्यपान करणे, धूम्रपान करणे, अंमली पदार्थांचे सेवन करणे इत्यादींवर आता कडक नजर ठेवली जाईल. जर कोणी असे करताना आढळले तर त्याला ताबडतोब कॅफे सोडण्यास सांगितले जाईल. तसेच गरज पडल्यास पोलिसांचीही मदत घेतली जाईल. आता कॅफेमधील कर्मचाऱ्यांना प्रशिक्षणासोबतच या नवीन नियमाची माहिती दिली जाणार आहे.
खरंतर, २०१८ मध्ये, पोलिसांनी Philadelphia मधील Starbucks स्टोअरमधून दोन कृष्णवर्णीय पुरुषांना अटक केली होती. हे स्टोअर मॅनेजरच्या सूचनेनुसार केले गेले. दोघेही दुकानातून काहीही खरेदी करत नव्हते किंवा त्यांच्या जागेवरून हलत नव्हते. वांशिक भेदभावाचे हे प्रकरण चर्चेत येताच, कंपनीला त्यांच्या वेबसाइटवर माफी मागावी लागली होती.
यानंतर, कंपनीने आपला नियम बदलला, ज्या अंतर्गत कोणालाही स्टारबक्स कॅफेमध्ये बसण्याची परवानगी होती, परंतु आता कंपनीने हा नियम पुन्हा बदलला आहे.
.png "Videos"){kind=small}
