Share Market Opening : शेअर बाजाराला लाल रंगाची भुरळ, सेन्सेक्स 150 तर निफ्टीत 50 अंकांची घसरण

Stock market crash News : गेल्या एक महिन्यापेक्षा अधिक काळापासून देशांतर्गत मार्केटमध्ये गडगडाट सुरू असल्याचे पाहायला मिळत आहे. अशातच आजही (9 जानेवारी) सेन्सेक्स आणि निफ्टी दोन्हीही लाल रंगात व्यवहार करत आहेत.

Share Market Opening Bell Marathi : भारतीय शेअर बाजारात अस्थिरता थांबण्याचं नाव घेत नाही. गेल्या महिन्याभरात अधिक काळापासून देशांतर्गत मार्केटमध्ये गडगडाट सुरु असल्याचे पाहायला मिळत आहे. अशातच आज ही (9 जानेवारी 2025) शेअर बाजाराची सुरुवात चांगली झालेली नाही. शेअर बाजारात आज घसरण झाली असून जवळपास 150 अंकांच्या घसरणीसह सेन्सेक्स 78,000च्या पातळीवर व्यवहार करत आहे. त्याच वेळी, निफ्टीमध्ये सुमारे 50 अंकांची घसरण आहे, तो 23,650 च्या पातळीवर व्यवहार करत आहे.

बॉम्बे स्टॉक एक्सचेंज (BSE) चा सेन्सेक्स आणि नॅशनल स्टॉक एक्सचेंज (NSE) चा निफ्टी दोन्हीही लाल रंगात व्यवहार करत आहेत. बाजारातील या घसरणीमुळे अनेक हेवीवेट शेअर्स देखील घसरणीत आहेत. दरम्यान सेन्सेक्स ७७,६८५.८३ वर पोहोचला होता आणि निफ्टी २३,५४६.२५ वर पोहोचला होता.

Top 10 richest Indian : ‘हे’ आहेत देशातील टॉप १० सर्वात श्रीमंत व्यक्ती; वाचा जानेवारी २०२५ पर्यंतची संपूर्ण यादी

शेअर बाजारावर अमेरिकेचा प्रभाव

आज बाजारात घसरण होण्याचे एक कारण म्हणजे अमेरिकन शेअर बाजारातील कमकुवतपणा. बुधवारी म्हणजेच 8 जानेवारीला अमेरिकेचा प्रमुख निर्देशांक नॅस्डॅक घसरणीसह बंद झाला. बुधवारी रोख क्षेत्रात परदेशी संस्थात्मक गुंतवणूकदारांनी (FIIs) 3,362.18 कोटी रुपयांचे शेअर्स विकले होते.

कोणत्या शेअर्समध्ये घट

शेअर बाजारातील घसरणीमुळे टाटा मोटर्सपासून ते एसबीआयपर्यंत अनेक कंपन्यांचे शेअर्स घसरले आहेत. टाटा मोटर्सचे शेअर्स २ टक्क्यांहून अधिक घसरणीसह व्यवहार करत होते. त्याचप्रमाणे, एसबीआय (१.३८%), ऑइल इंडिया (६.६५%) आणि पीजी इलेक्ट्रोप्लास्ट (२.४८%) यांचे शेअर्सही घसरणीसह व्यवहार करत होते. शेअर बाजार उघडताच सेन्सेक्स सुमारे ३०० अंकांनी घसरला, नंतर तो थोडा सुधारला पण नंतर त्यात मोठी घसरण झाली. सकाळी ११ वाजेपर्यंत सेन्सेक्स ४३६.९५ अंकांनी आणि निफ्टी १३८.०५ अंकांनी घसरला होता.

शेवटच्या 3 महिन्याच वाचवायचा आहे Income Tax? एक काम करणं गरजेचं, नाहीतर CA देखील करू शकणार नाही मदत

आशियाई बाजारात मंदी

भारतासोबतच आशियातील इतर बाजारपेठांमध्येही घसरण दिसून आली आहे. जपानचा निक्केई निर्देशांक जवळपास एक टक्क्याने घसरला आहे. हाँगकाँगचा हँग सेंग निर्देशांक आणि दक्षिण कोरियाचा कोस्पी निर्देशांकही लाल रंगात व्यवहार करताना दिसले. या सर्व बाजारपेठांमधील मंदीचे मुख्य कारण म्हणजे अमेरिकेत व्याजदर कपातीची कमकुवत अपेक्षा.

अमेरिकेची मध्यवर्ती बँक फेड रिझर्व्हच्या म्हणण्यांनुसार महागाईचा धोका वाढला आहे. अशा परिस्थितीत, २०२५ मध्ये कमी दर कपात होण्याची शक्यता आहे. फेडच्या मिनिट्सवरून असे दिसून आले की सर्व समिती सदस्यांना विश्वास आहे की या वर्षी महागाई वाढेल. अमेरिकेत व्याजदरात मर्यादित किंवा थोडीशी कपात होण्याची शक्यता असल्याने गुंतवणूकदार सध्या सावध झाल्याचे पाहायला मिळत आहे.

सेन्सेक्समधील 30 शेअर्सपैकी 14 वाढले आणि 16 घसरले. त्याच वेळी, निफ्टीच्या 50 शेअर्सपैकी 22 शेअर्समध्ये वाढ आणि 28 शेअर्समध्ये घसरण झाली. NSE च्या क्षेत्रीय निर्देशांकात, तेल आणि वायू क्षेत्रात सर्वाधिक 1.54% वाढ दिसून आली. तर निफ्टी कन्झ्युमर ड्युरेबल्स 2.16% च्या कमाल घसरणीसह बंद झाला.