Stock Market Today: सेन्सेक्सच्या 300 अंकाच्या उसळीसह उघडला शेअर बाजार, Nifty 23,250 च्या आसपास; ‘हे’ शेअर्स तेजीत

बुधवारी (१५ जानेवारी) जागतिक बाजारपेठेतून देशांतर्गत शेअर बाजारांना स्थिर संकेत मिळत आहेत. गिफ्ट निफ्टी १८ अंकांच्या वाढीसह २३,२९० च्या आसपास व्यवहार करत होता, जाणून घ्या सद्यस्थिती

बुधवारी अर्थात १५ जानेवारी रोजी सकाळी देशांतर्गत शेअर बाजारांनी जोरदार व्यवहार सुरू केले आहेत. सेन्सेक्स ३८० अंकांच्या वाढीसह ७६,९०० च्या जवळ व्यवहार करत होता. त्याच वेळी, निफ्टी ९० अंकांच्या वाढीसह २३,२६६ च्या वर होता. बँक निफ्टी २०० अंकांनी वधारला आणि निर्देशांक ४८,९३० च्या आसपास होता. मिडकॅप निर्देशांक सुमारे ३०० अंकांनी वाढून ५३,९८० वर पोहोचला.

निफ्टी वर Maruti, Bajaj Auto, Cola India, NTPC, BPCL तेजी दिसून आली, तर Shriram Finance, M&M, Tata Consumer, Dr Reddy, Axis Bank चे दर कोसळलेले दिसून आले. BSE वर Zomato, Maruti, NTPC, IndusInd Bank, HCL Tech, Tech Mahindra, PowerGrid सारखे शेअर्सच्या अंकांनी उसळी मारली असून M&M, Nestle India, Bajaj Finance, Axis Bank, Bajaj Finserv यांच्या अंकात घसरण झालेली दिसून आली आहे. मात्र इतके असूनही आज बाजार स्थिर असल्याचे संकेत मिळत आहेत. मुळात जागतिक बाजार स्थिर असल्याची स्थिती सध्या आहे

जागतिक बाजार स्थिर

सकाळी जागतिक बाजारातून स्थिर संकेत होते. गिफ्ट निफ्टी १८ अंकांच्या वाढीसह २३,२९० च्या आसपास व्यवहार करत होता. काल अमेरिकन बाजारांमध्ये चढ-उतारांमध्ये संमिश्र वातावरण होते. डाउ २२० अंकांनी वाढून दिवसाच्या उच्चांकाजवळ बंद झाला, तर नॅस्डॅक सलग पाचव्या दिवशी कमकुवत स्थितीत बंद झाला, वरून २२५ अंकांनी घसरला आणि ४० अंकांनी घसरला. आज होणाऱ्या डिसेंबरच्या सीपीआय डेटाच्या आधी डाऊ फ्युचर्स जवळजवळ ५० अंकांनी वाढले होते. निक्केई सपाट होता.

Share Market : शेअर मार्केटने बनवलं कंगाल; गुंतवणूकदारांच्या तब्बल ६० लाख कोटी रुपयांचा चुराडा

See more

देशांतर्गत निधी 

काल FIIs आणि देशांतर्गत फंडांकडून मोठे आकडे आले असून देशांतर्गत फंडांनी २० दिवसांच्या सतत खरेदीच्या ओघात ७९०० कोटी रुपयांचे शेअर्स खरेदी केले, तर तेजीच्या बाजारात एफआयआयंनी ८१०० कोटी रुपयांचे शेअर्स रोखीने विकले. आज, निफ्टीमध्ये एचडीएफसी लाइफचे निकाल जाहीर होतील, तर फ्युचर्समध्ये, लक्ष एल अँड टी टेक आणि ओरॅकलवर असेल.

कमोडिटी मार्केटमध्ये तीन दिवसांच्या वाढीनंतर, कच्च्या तेलाचा भाव एक टक्क्याने घसरून $८१ च्या खाली आला. सोन्याचा भाव १५ डॉलरने वाढून २६९० डॉलरच्या जवळ पोहोचला तर चांदीचा भाव ३० डॉलरच्या वर स्थिर राहिला. आंतरराष्ट्रीय बाजारात कच्च्या साखरेची किंमत ५ महिन्यांच्या नीचांकी पातळीवर घसरली. जागतिक पुरवठ्यात सुधारणा होण्याची अपेक्षा असल्याने दबाव होता.

Makar Sankranti: मकर संक्रांतीच्या दिवशी खुला राहणार शेअर बाजार आणि बँक? जाणून घ्या संपूर्ण अपडेट

See more

आजच्या बाजारासाठी महत्त्वाचे ट्रिगर

• डाउ २२१ अंकांनी वधारला, तर नॅस्डॅक ४३ अंकांनी घसरला
• सोने $२६८० च्या वर, कच्चे $८१ च्या खाली
• DIIs २० दिवसांपासून खरेदीदार आहेत, तर FIIs दीड महिन्यात मोठे विक्रेते आहेत.
• एचडीएफसी लाईफ, एल अँड टी टेक आणि ओएफएसएसचे निकाल येतील
• नुवामामध्ये बीएसईमध्ये तेजी, ६,७३० रुपयांचे लक्ष्य