Price Hike October 2026 : एका झटक्यात वाढले ‘या’ वस्तूंचे भाव; ऑक्टोबर महिन्यात काय-काय महागले? जाणून घ्या लिस्ट

Price Hike October 2026 : ऑक्टोबर महिना सुरू होताच सणासुदीच्या काळात सर्वसामान्यांच्या खिशावर महागाईचा मोठा भार पडला आहे. १ ऑक्टोबरपासून बऱ्याच गोष्टींच्या किमतीत वाढ झाली आहे. याशिवाय बरेच नियम देखील बदलले आहेत. काय काय महागलंय? जाणून घेऊयात.

• एका झटक्यात वाढले ‘या’ वस्तूंचे भाव
• ऑक्टोबर महिन्यात काय-काय महागले?
• जाणून घ्या यादीत कोण कोण?

Price Hike October 2026 : ऑक्टोबर महिना सुरू होण्यापूर्वीपासूनच महागाईचे वारे वाहायला सुरुवात झाली होती. बऱ्याच नियमांमधील बदल बऱ्याच गोष्टींचा किमतीत बदल होणार होते. आता ऑक्टोबर महिना सुरु झालाच आहे तर या काळात अनेक वस्तूंच्या किमती वाढल्या आहेत, ज्यामुळे सणासुदीच्या काळात तुम्हाला जास्त पैसे मोजावे लागू शक्यता आहे. चला तर मग जाणून घेऊयात नेमक्या कोणत्या वस्तूंच्या किमती वाढल्या आहेत. ( Price Hike October 2026 )

Insurance घेणाऱ्यांसाठी धोक्याची घंटा! IRDAI च्या नव्या रिफॉर्म्सचा दुहेरी फटका? कोणत्या ग्राहकांचं होणार नुकसान जाणून घ्या

कमर्शियल सिलेंडर्स

सरकारी तेल विपणन कंपन्या IOC, HPCL आणि BPCL यांनी १९-किलोच्या कमर्शियल सिलेंडरच्या दरात ६२.५० रुपयांची वाढ केली आहे. यामुळे दिल्लीत कमर्शियल गॅस सिलेंडरची किंमत आता २,८१० रुपयांवर पोहोचली आहे. मुंबईत हा दर २,७६४ रुपयांपर्यंत वाढला आहे. पाटणामध्ये सर्वाधिक ७१.५० रुपयांची वाढ झाली आहे. कमर्शियल सिलेंडरच्या दरातील या वाढीमुळे ढाबे, रेस्टॉरंटमधील जेवण आणि लग्नातील केटरिंग थोडे महाग होण्याची शक्यता आहे.

एविएशन टर्बाइन फ्यूल (ATF)

सरकारी तेल कंपन्यांनी आज विमानांसाठी वापरल्या जाणाऱ्या एविएशन टर्बाइन फ्यूलच्या दरात वाढ केली आहे. दरात प्रति लिटर १६ रुपयांची वाढ करण्यात आली आहे. विमान कंपनीच्या एकूण परिचालन खर्चापैकी ४०% खर्च केवळ इंधनावर होत असल्याने, या दरवाढीमुळे दसरा, दिवाळी आणि छठ पूजेच्या काळात विमान भाडे वाढण्याची शक्यता आहे. याचा अर्थ, सर्वसामान्य व्यक्तीला विमान प्रवासाच्या तिकिटांवर पूर्वीपेक्षा जास्त खर्च करावा लागू शकतो.

घरगुती उपकरणे

दिवाळी आणि दसऱ्याच्या पार्श्वभूमीवर इलेक्ट्रॉनिक वस्तूदेखील महाग झाल्या आहेत. तांबे, स्टील आणि ॲल्युमिनियम यांसारख्या कच्च्या मालाच्या जागतिक दरवाढीमुळे कंपन्यांना घरगुती उपकरणांच्या किमती वाढवण्यास भाग पडले आहे. इलेक्ट्रॉनिक उपकरणांच्या किमतीतील या ५% ते ८% वाढीमुळे आता स्मार्ट टीव्ही, स्प्लिट एसी, रेफ्रिजरेटर आणि वॉशिंग मशीनच्या किमती वाढल्या आहेत. तुम्हाला आता यासाठी अतिरिक्त १,२०० ते ३,५०० रुपये मोजावे लागू शकतात.

पासपोर्ट

जर तुम्ही नवीन पासपोर्ट काढण्याचा किंवा जुन्या पासपोर्टचे नूतनीकरण करण्याचा विचार करत असाल, तर तुम्हाला जास्त पैसे मोजावे लागू शकतात. याचे कारण असे की, सर्वसाधारण प्रवर्गाअंतर्गत नवीन पासपोर्ट मिळवणे अधिक महाग झाले आहे. त्याच्या दरात ₹१,००० ने वाढ झाली आहे.

Diwali Gold Rate Prediction : बापरे… यंदाच्या दिवाळीत Gold 1.80 लाखांच्या पार जाणार? Global Market मध्ये बदलतेय परिस्थिती?