New Delhi : वेदांता रिसोर्सेस लिमिटेडचे (Vedanta Resources) अध्यक्ष अनिल अग्रवाल यांनी ‘जयप्रकाश असोसिएट्स’च्या (Jaiprakash Associates) अधिग्रहणाबाबत एक खळबळजनक दावा केला आहे. या कंपनीसाठी वेदांताने सर्वाधिक बोली लावली होती आणि आम्हाला तसे लेखी कळवण्यातही आले होते, मात्र नंतर हा निर्णय अचानक बदलण्यात आला, असे अग्रवाल यांनी म्हटले आहे. सोशल मीडिया प्लॅटफॉर्म ‘X’ वर पोस्ट करत त्यांनी या प्रक्रियेला कायदेशीर आव्हान देण्याचे संकेत दिले आहेत.
अग्रवाल यांच्या म्हणण्यानुसार, जयप्रकाश असोसिएट्ससाठीची बोली प्रक्रिया ‘इन्सॉल्व्हन्सी अँड बँकरप्टसी कोड’ (IBC) अंतर्गत लेनदारांच्या समितीद्वारे (CoC) सार्वजनिक लिलावाद्वारे पार पडली होती. “अनेक बोलीदार या प्रक्रियेतून बाहेर पडल्यानंतर वेदांता ही सर्वाधिक बोली लावणारी कंपनी ठरली. आम्हाला लेखी स्वरूपात आम्ही जिंकल्याचे कळवण्यात आले होते, मात्र काही दिवसांनंतर अचानक हा निकाल बदलण्यात आला. याची सविस्तर माहिती मी योग्य व्यासपीठावर मांडणार आहे,” असे त्यांनी नमूद केले.
डॉलरच्या तुलनेत रुपयाची घसरण सुरुच; निच्चांक गाठल्याने गुंतवणूकदारांची झाली नाचक्की
वेदांताने जयप्रकाश असोसिएट्ससाठीच्या अदानी एंटरप्रायझेसच्या प्रतिस्पर्धी बोलीच्या मंजुरीला आव्हान दिल्यानंतर अग्रवाल यांनी हा दावा केला आहे. या महिन्याच्या सुरुवातीला, वेदांताने राष्ट्रीय कंपनी कायदा न्यायाधिकरणाच्या (NCLT) एका आदेशाविरुद्ध राष्ट्रीय कंपनी कायदा अपील न्यायाधिकरणाकडे (NCLAT) धाव घेतली होती. एनसीएलटीच्या अलाहाबाद खंडपीठाने १७ मार्च रोजी या ठराव योजनेला मंजुरी दिली आणि अदानी एंटरप्रायझेसला यशस्वी ठराव अर्जदार म्हणून मान्यता दिली. ₹५७,००० कोटींचे कर्ज आणि IBC प्रक्रियेचा पेच
हा संपूर्ण वाद दिवाळखोरीत निघालेल्या जेपी (Jaypee) ग्रुपच्या अशा मालमत्तांशी संबंधित आहे, ज्यांच्यावर सुमारे ₹५७,००० कोटींचे थकीत कर्ज आहे. ‘इन्सॉल्व्हन्सी अँड बँकरप्टसी कोड’ (IBC) अंतर्गत या कंपनीची निवारण प्रक्रिया सुरू आहे. या प्रक्रियेत संभाव्य खरेदीदारांना २४ जून २०२५ पर्यंत आपल्या बोली (Bids) सादर करायच्या होत्या. या शर्यतीत अदानी ग्रुप आणि वेदांता हे दोन दिग्गज एकमेकांसमोर उभे ठाकले. या मालमत्तांसाठी अदानी आणि वेदांता या दोन्ही कंपन्यांनी बोली लावली होती. मात्र, अंतिम टप्प्यात अदानी ग्रुपने बाजी मारली, कारण सुमारे ९०% कर्जदात्यांनी अदानींच्या ‘रिझोल्यूशन प्लॅन’च्या बाजूने मतदान केले.
तपशील, अदानी ग्रुप (Adani Group) वेदांता (Vedanta)
एकूण बोली, ₹१४,५३५ कोटी ₹१७,००० कोटी”
आगाऊ रक्कम (Advance) ₹६,००० कोटी ₹४,००० कोटी”
उर्वरित रक्कम फेडण्याचा काळ २ ते ३ वर्षे ६ वर्षे
वेदांताची एकूण बोली (१७,००० कोटी) ही अदानींच्या बोलीपेक्षा जास्त असूनही कर्जदात्यांनी अदानींना पसंती दिली. याची मुख्य कारणे खालीलप्रमाणे आहेत:
१.जास्त रोख रक्कम:अदानी ग्रुपने ₹६,००० कोटींची मोठी रक्कम आगाऊ (Upfront) देण्याचे मान्य केले होते.
२. कमी कालावधी: अदानी उर्वरित रक्कम २-३ वर्षांत परत करणार होते, तर वेदांतासाठी हाच काळ ६ वर्षांचा होता.
कर्जदात्यांच्या मते, भविष्यातील जास्त रकमेपेक्षा सध्या हातात येणारी मोठी रक्कम आणि कमी कालावधीत होणारी परतफेड अधिक फायदेशीर ठरली. यामुळेच वेदांताची मोठी बोली असूनही अदानींच्या प्रस्तावावर मोहोर उमटवण्यात आली.
“वेदांता समूहाचे अध्यक्ष अनिल अग्रवाल यांनी जयप्रकाश असोसिएट्सच्या लिलाव प्रक्रियेवर गंभीर प्रश्न उपस्थित केले आहेत. सर्वाधिक बोली लावून आणि लेखी स्वरूपात निकाल जाहीर होऊनही अचानक निर्णय बदलण्यात आल्याचा दावा त्यांनी केला आहे. या प्रक्रियेला कायदेशीर आव्हान देण्याचे संकेत देत त्यांनी जयप्रकाश गौर यांच्याशी झालेल्या जुन्या भेटीचा संदर्भ दिला आहे.”
.png "Videos"){kind=small}
