NPCIL मध्ये भरतीची सुवर्णसंधी; जाणून घ्या ‘या’ भरती संदर्भात सखोल माहिती

NPCIL काकरापार गुजरात साइटवर 284 शिकाऊ उमेदवारांची भरती करीत आहे, ज्यात ट्रेड, डिप्लोमा, आणि ग्रॅज्युएट अप्रेंटिसच्या जागा आहेत. निवड प्रक्रिया गुणांच्या आधारे होणार असून स्थानिक उमेदवारांना प्राधान्य दिले जाईल.

न्यूक्लियर पॉवर कॉर्पोरेशन ऑफ इंडिया लिमिटेड (NPCIL) ने काकरापार गुजरात साइटवर शिकाऊ उमेदवारांच्या भरतीसाठी अधिसूचना जाहीर केली आहे. या अंतर्गत ट्रेड अप्रेंटिस, डिप्लोमा अप्रेंटिस, आणि ग्रॅज्युएट अप्रेंटिस पदांसाठी एकूण 284 जागा भरल्या जाणार आहेत. ट्रेड अप्रेंटिससाठी 176 जागा, डिप्लोमा अप्रेंटिससाठी 32 जागा, आणि ग्रॅज्युएट अप्रेंटिससाठी 76 जागा उपलब्ध आहेत. या पदांसाठी अर्ज करणाऱ्या उमेदवारांना आजपासून अर्ज करता येणार आहे. अर्जाची विंडो आजपासून खुली करण्यात आली आहे. तसेच २१ जानेवारी २०२५ पर्यंत उमेदवारांना या भरतीसाठी अर्ज करता येणार आहे.

Manmohan Singh Death News: मनमोहन सिंग पंतप्रधानपदाच्या खुर्चीपर्यंत कसे पोहचले?

अर्ज करताना उमेदवारांना काही अटी शर्ती पात्र करावे लागणार आहेत. या अटी शर्ती उमेदवारांच्या शिक्षणासंदर्भात आहेत तसेच वयोमर्यादे संदर्भात आहेत. या पदांसाठी अर्ज करणाऱ्या उमेदवारांचे वय किमान 18 वर्षे असावे. कमाल वयोमर्यादा ट्रेड अप्रेंटिससाठी 24 वर्षे, डिप्लोमा अप्रेंटिससाठी 25 वर्षे, आणि ग्रॅज्युएट अप्रेंटिससाठी 26 वर्षे ठेवण्यात आली आहे. महत्वाची बाब अशी आहे कि सरकारी नियमांनुसार वयोमर्यादेत सवलत लागू असेल. आरक्षित प्रवर्गातून येणाऱ्या उमेदवारांना काही प्रमाणात सूट देण्यात येणार आहे.

अधिसूचनेमध्ये नमूद शैक्षणिक अटीनुसार, ट्रेड अप्रेंटिससाठी संबंधित ट्रेडमध्ये ITI उत्तीर्ण प्रमाणपत्र, डिप्लोमा अप्रेंटिससाठी अभियांत्रिकी/तंत्रज्ञान शाखेत डिप्लोमा, आणि ग्रॅज्युएट अप्रेंटिससाठी अभियांत्रिकी/तंत्रज्ञान शाखेतील पदवी किंवा सामान्य शाखेत B.A./B.Sc./B.Com. पदवी आवश्यक आहे. अर्ज करणाऱ्या उमेदवारांनी मान्यताप्राप्त संस्थेतून शिक्षण पूर्ण केलेले असावे. निवड प्रक्रियेत उमेदवारांची प्राथमिक शॉर्टलिस्टिंग त्यांच्या ITI/डिप्लोमा/पदवी परीक्षेतील गुणांच्या आधारे केली जाईल. तसेच, काकरापार गुजरात साइटपासून 16 कि.मी.च्या परिसरातील स्थानिक उमेदवारांना प्राधान्य दिले जाईल. जर दोन उमेदवारांचे गुण सारखे असतील, तर ज्येष्ठ उमेदवाराला (वयोमानाने मोठ्या व्यक्तीला) प्राधान्य दिले जाईल.

मोठी बातमी! पंजाबमध्ये खाजगी बस नदीत कोसळली; 8 प्रवाशांचा मृत्यू, अनेकजण जखमी

NPCIL ची ही भरती प्रक्रिया उमेदवारांना उत्तम शिकाऊ अनुभव व कामाचा सराव मिळवून देण्यासाठी चांगली संधी आहे. या प्रक्रियेत निवड झालेल्या उमेदवारांना त्यांच्या संबंधित क्षेत्रात कौशल्य विकसित करण्याची आणि NPCIL सारख्या प्रतिष्ठित संस्थेसोबत काम करण्याची संधी मिळेल. उमेदवारांनी अधिकृत वेबसाइटवर जाऊन या भरतीसाठी आपले अर्ज सादर करावेत. या भरतीसाठी अर्ज करण्याची अंतिम तारीख, अर्ज प्रक्रियेचे तपशील, तसेच इतर आवश्यक माहिती NPCIL च्या अधिकृत वेबसाइटवर उपलब्ध आहे. इच्छुक आणि पात्र उमेदवारांनी अर्ज सादर करून या सुवर्णसंधीचा लाभ घ्यावा. तसेच या भरती संदर्भात अधिक माहितीसाठी अधिसूचनेचा आढावा घेण्यात यावा.