MBBS चे शिक्षण घेणाऱ्यांसाठी आनंदाची बातमी; मेडिकल सीट्समध्ये ७५ हजाराने वाढ

MBBS चे शिक्षण घेणाऱ्या विद्यार्थ्यांच्या संख्येमध्ये दरवर्षी मोठ्या प्रमाणामध्ये वाढ दिसून येत आहे. या कारणास्तव शासन MBBS च्या जागेच्या संख्येमध्ये वाढ करण्याचे योजिले आहे. पुढील पाच वर्षांमध्ये ७५ हजारांनी वाढ करण्यात येणार आहे.

भारतामध्ये वैद्यकीय क्षेत्रामध्ये करिअर घडवू पाहणाऱ्या विद्यार्थ्यांच्या संख्येत मोठ्या पटीने वाढ झाली आहे. दरवर्षी या संख्येमध्ये वाढ होत असते. या वाढत्या संख्येने भविष्यात मेडिकल सीट्सची कमतरता पडू नये म्हणून शासन प्रयत्नशील आहे. शासनाने या संबंधित काही पाऊले उचलण्यास सुरुवात केली आहे. पुढील ५ वर्षांमध्ये मेडिकल जागांमध्ये ७५,००० हजाराने वाढ करण्याचा निर्धार करण्यात आला आहे. त्यासाठी सरकार वेगवेगळे निर्णय घेत आहेत.

हे देखील वाचा : ITBP ने आयोजित केली भरतीची प्रक्रिया; ५४५ रिक्त पदांसाठी होणार उमेदवारांची नियुक्ती

केंद्रीय स्वास्थ्य मंत्री जेपी नड्डा यांचे म्हणणे आहे कि नॅशनल मेडिकल कमिशन (NMC)ने गेल्या चार वर्षांमध्ये UG आणि PG च्या जागांमध्ये २५ हजाराच्या संख्येने वाढ केली आहे. त्यांचे म्हणणे आहे कि,” मेडिकल प्रोफेशनमध्ये वाढत्या मागणीला पाहता पंतप्रधान मोदी यांनी पुढील पाच वर्षांमध्ये प्रत्येक वर्षी १५ हजाराने वाढवण्यावर लक्ष देण्यास सांगितले आहे. याची पूर्तता करण्यास NMC तत्पर आहे.”

केंद्रीय स्वास्थ्य सचिव अपूर्व चंद्रा म्हणतात कि,” यंदाच्या वर्षी मेडिकल सीट्समध्ये १२ हजारांची वाढ करण्यात आली आहे. लवकरच, १५ हजाराच्या ध्येयाला गाठले जाईल.” त्यांचे असे म्हणणे आहे कि, MBBS तसेच सुपर स्पेशियलीटी PG कोर्सेजच्या एकूण संख्येमध्ये वाढ करण्यात येईल. वैद्यकीय महाविद्यालयांमध्ये बेड्सच्या संख्येमध्ये वाढ करण्यात येईल तसेच MBBS आणि PG कोर्सेसच्या जागांमध्ये वाढ करण्याची मागणी सतत केली जाईल.

हे देखील वाचा : ‘या’ नोकरीसाठी लिखित परीक्षा देण्याची गरज नाही; महिन्याला कमवाल लाखोंची रक्कम

दरवर्षी वैद्यकीय महाविद्यालयांमध्ये वाढ होताना दिसत आहे. २०१३-१४ या शैक्षणिक वर्षांमध्ये देशात वैद्यकीय महाविद्यालयांची संख्या ३८७ होती, तर शैक्षणिक वर्ष २०२४-२५ मध्ये ही संख्या ७६६ वर येऊन ठेपली आहे. एकंदरीत, या संख्येमध्ये ९८% ने वाढ झाली आहे. शैक्षणिक वर्ष २०२३-२४ मध्ये देशामध्ये वैद्यकीय महाविद्यालयांची संख्या ७०६ होती. आताच्या काळात देशामध्ये ४२३ सरकारी वैद्यकीय महाविद्यालय तर ३४३ खाजगी वैद्यकीय महाविद्यालय आहेत. देशात २०२३-२४ शैक्षणिक वर्षात १,०८,९४० MBBS ची सीट्स होती, जी यंदाच्या वर्षात वाढ होऊन १,१५,८१२ वर येऊन ठेपली आहेत. गेल्या दहा वर्षांमध्ये MBBS च्या जागांमध्ये १२५% नी वाढ झाली आहे.