बक्कळ पैसा कामवायचाय? मग बना स्पोर्ट्स फिजिओथेरपिस्ट! पैसेच पैसे

बक्कळ पैसे कमवण्याची संधी हवी आहे मग मग बना स्पोर्ट्स फिजिओथेरपिस्ट! पैसाच पैसा असेल.

• पुनर्प्रशिक्षण देण्यामध्ये स्पोर्ट्स फिजिओथेरपिस्टची भूमिका अत्यंत महत्त्वाची
• BPT (Bachelor of Physiotherapy) किंवा B.Sc. पदवी असणे बंधनकारक
• 12वीमध्ये किमान 60% पेक्षा अधिक गुण मिळवलेले असणे आवश्यक

क्रीडा क्षेत्रात दुखापती टाळणे, खेळाडूंची फिटनेस वाढवणे आणि त्यांना पुनर्प्रशिक्षण देण्यामध्ये स्पोर्ट्स फिजिओथेरपिस्टची भूमिका अत्यंत महत्त्वाची असते. या क्षेत्रात करिअर करू इच्छिणाऱ्या विद्यार्थ्यांसाठी आवश्यक पात्रता, प्रवेश प्रक्रिया आणि रोजगाराच्या संधी जाणून घेऊया. (How to be Physiotherapy)

पात्रता निकष

स्पोर्ट्स फिजिओथेरपी कोर्समध्ये प्रवेश घेण्यासाठी उमेदवाराकडे मान्यताप्राप्त विद्यापीठाची BPT (Bachelor of Physiotherapy) किंवा B.Sc. पदवी असणे बंधनकारक आहे.

• सामान्य प्रवर्गासाठी पदवीत किमान 55% गुण आवश्यक.
• राखीव श्रेणीतील विद्यार्थ्यांसाठी पात्रता निकषात सूट असून 45% गुण पुरेसे मानले जातात.

ही किमान शैक्षणिक अट पूर्ण झाल्यानंतर विद्यार्थ्यांना पुढील टप्प्यात प्रवेशासाठी अर्ज करता येतो.

ट्रम्पच्या ‘हेकेखोरगिरीचा’ दिसू लागला परिणाम! अमेरिकेत भारतीय विद्यार्थ्यांच्या प्रवेशाच्या संख्येत कमालीची घट

प्रवेश प्रक्रिया व प्रवेश परीक्षा

स्पोर्ट्स फिजिओथेरपी कोर्ससाठी प्रवेश दोन पद्धतींनी मिळू शकतो — गुणुत्तरी (Merit) आधारित किंवा प्रवेश परीक्षा (Entrance Exam) आधारित.

• गुणवत्तेवर आधारित प्रवेशासाठी, विद्यार्थ्यांनी 12वीमध्ये किमान 60% पेक्षा अधिक गुण मिळवलेले असणे आवश्यक असते. संबंधित संस्था बारावीच्या गुणांनुसार गुणवत्ता यादी जाहीर करून प्रवेश देते.
• प्रवेश परीक्षेच्या आधारे, उमेदवारांना संस्था, राज्य किंवा राष्ट्रीय पातळीवर आयोजित करण्यात येणाऱ्या परीक्षेत बसावे लागते. या परीक्षेतील गुणांच्या आधारे विद्यार्थ्यांची निवड केली जाते.

प्रवेश घेताना पुढील कागदपत्रे आवश्यक असतात :

2वी मार्कशीट व प्रमाणपत्र, प्रवेश परीक्षा स्कोअरकार्ड (असल्यास), पदवीचे प्रमाणपत्र आणि गुणपत्रिका, कॉलेज लिव्हिंग सर्टिफिकेट, माइग्रेशन, प्रोव्हिजनल सर्टिफिकेट, ५ पासपोर्ट साईज फोटो, जात प्रमाणपत्र (SC/ST साठी) आणि दिव्यांग प्रमाणपत्र (लागू असल्यास).

जॉब व्याप्ती (Career Opportunities)

कोर्स पूर्ण झाल्यावर विद्यार्थ्यांसाठी अनेक रोजगाराच्या संधी उपलब्ध होतात. त्यातील प्रमुख भूमिका पुढीलप्रमाणे —

• जनरल फिजिओथेरपिस्ट
• ऑस्टिओपॅथ
• व्यावसायिक थेरपिस्ट
• हेल्थ एज्युकेटर
• दुखापती सल्लागार (Injury Consultant)
• फिटनेस ट्रेनर / स्पोर्ट्स फिटनेस एक्सपर्ट

IIM Ranchi ठरले कमिन्स इंडियाच्या ‘रिडिफाइन २०२५’ चे चॅम्पियन! प्रमुख बी-स्कूल केस स्टडी स्पर्धेवर नाव कोरले

खेळाडूंच्या दुखापती कमी करणे, त्यांची कार्यक्षमता वाढवणे आणि त्यांच्या पुनर्वसनाची प्रक्रिया योग्य पद्धतीने पार पाडणे ही प्रमुख जबाबदाऱ्या असतात.

अर्ज प्रक्रिया

स्पोर्ट्स फिजिओथेरपी कोर्ससाठी अर्ज करण्यासाठी विद्यार्थ्यांनी इच्छित संस्थेच्या वेबसाइटला भेट द्यावी.

• प्रथम नोंदणी करून लॉगिन आयडी तयार करावा.
• नंतर ऑनलाइन अर्ज भरून आवश्यक कागदपत्रे अपलोड करावी.
• अर्ज शुल्क भरल्यानंतर पावती जतन करावी.
• त्यानंतर संस्था गुणवत्तेनुसार किंवा प्रवेश परीक्षेच्या गुणांनुसार पात्र उमेदवारांची यादी जाहीर करते.
• शेवटी काउन्सेलिंगमध्ये जागा निवडून प्रवेश प्रक्रिया पूर्ण होते.