फोटो सौजन्य - Social Media
इंडो तिबेटियन बॉर्डर पोलीस फोर्स (ITBP)ने भरतीच्या प्रक्रियेला सुरुवात केली आहे. या भरतीच्या प्रक्रियेच्या माध्यमातून ४८ रिक्त पदांना भरण्यात येणार आहे. या भरतीच्या माध्यमातून उमेदवारांची टेलीकम्युनिकेशनच्या विभागात असिस्टंट कमांडंट म्हणून भरती केली जाणार आहे. संपूर्ण भारतभरात या भरतीचे नियोजन करण्यात आले आहे. तसेच या भरतीसाठी अर्ज करण्यास इच्छुक उमेदवारांना ऑनलाईन स्वरूपात अर्ज करायचे आहे. अर्ज ITBP च्या recruitment.itbpolice.nic.in या अधिकृत संकेतस्थळावर करता येणार आहे. ऑनलाईन अर्ज करण्याची पद्धत २१ जानेवारी २०२५ पासून सुरु आहे. तसेच उमेदवारांना १९ फेब्रुवारी २०२५ पर्यंत अर्ज करता येणार आहे. या कालावधीत उमेदवारांना त्यांचे अर्ज पूर्ण करायचे आहे.
या भरती संदर्भात ITBP ने अधिकृत अधिसूचना जाहीर केली आहे. या भरती संदर्भात अधिक माहिती जाणून घेण्यासाठी उमेदवारांनी या अधिसूचनेचा आढावा घेण्यात यावा. अर्ज करताना उमेदवारांना अर्ज शुल्क भरावे लागणार आहे. सामान्य प्रवर्गातून येणाऱ्या उमेदवारांना अर्ज शुल्क म्हणून ४०० रुपये भरायचे आहे. तसेच OBC आणि EWS प्रवर्गातून येणाऱ्या उमेदवारांनादेखील सारखी रक्कम अर्ज शुल्क म्हणून भरायची आहे. अनुसूचित जाती तसेच अनुसूचित जमाती या प्रवर्गातून येणाऱ्या उमेदवारांना या भरतीसाठी निशुल्क अर्ज करता येणार आहे. तसेच महिला उमेदवारांनादेखील या भरतीसाठी निशुल्क अर्ज करता येणार आहे.
अर्ज करण्यास इच्छुक उमेदवारांना या भरतीसाठी काही पात्रता निकषांना पात्र करणे अनिवार्य आहे. या अटी शर्ती शैक्षणिक आहेत तसेच वयोमर्यादेची संबंधित आहेत. एकंदरीत, किमान १८ वर्षे आयु असणाऱ्या उमेदवारांना या भरतीसाठी अर्ज करता येणार आहे. तर जास्तीत जास्त ३० वर्षे आयु असणाऱ्या उमेदवारांना या भरतीसाठी अर्ज करता येणार आहे. शासनाच्या नियमांनुसार, आरक्षीत प्रवर्गातून येणाऱ्या उमेदवारांना वयोमर्यादेत काही प्रमाणात सूट देण्यात येणार आहे. तसेच अर्ज करता उमेदवार संबंधित क्षेत्रात पदवीधर असणे आवश्यक आहे.
नियुक्तीच्या प्रक्रियेत अनेक टप्प्यांचा समावेश आहे. उमेदवारांना लेखी परीक्षेस पात्र करावे लागणार आहे. तसेच इतर काही टप्यांना पात्र करावे लागणार आहे. यात फिजिकल एफिशिअन्सी टेस्ट (PET) तसेच फिजिकल स्टॅंडर्ड टेस्ट (PST), दस्तऐवजांची पडताळणी यासाठी उमेदवारांना उपस्थित राहावे लागणार आहे. तसेच उमेदवारांची वैद्यकीय चाचणी घ्यावी लागणार आहे. तसेच मुलाखतीसाठी उमेदवारांना उपस्थित राहावे लागणार आहे. अधिक माहितीसाठी जाहीर करण्यात आलेल्या अधिकृत अधिसूचनेचा आढावा घेण्यात यावा.
.png "Videos"){kind=small}
