९ वीच्या विद्यार्थ्यांसाठी खूशखबर! NCERT चे ‘हे’ नवे पुस्तक लवकरच बाजारात येणार

NCERT Class 9 New Textbooks 2026 Released : NCERT ने २०२६-२७ या शैक्षणिक सत्रासाठी इयत्ता ९ वीची सुधारित पाठ्यपुस्तके जारी करण्यास सुरुवात केली आहे. याअंतर्गत गणिताचे नवीन पुस्तक बाजारात उपलब्ध झाले आहे, तर सामाजिक शास्त्राचे नवीन पुस्तकही लवकरच विद्यार्थ्यांना उपलब्ध होणार आहे.

NCERT Class 9 New Textbooks 2026 Released : इयत्ता ९ वीमध्ये शिकणाऱ्या विद्यार्थ्यांसाठी नवीन शैक्षणिक वर्षात अभ्यासाची पद्धत आणि अभ्यासक्रम बदलण्याच्या दिशेने नॅशनल कौन्सिल ऑफ एज्युकेशनल रिसर्च अँड ट्रेनिंगने (NCERT) आणखी एक पाऊल उचलले आहे. NCERT ने २०२६-२७ या शैक्षणिक सत्रासाठी इयत्ता ९ वीची सुधारित पाठ्यपुस्तके जारी करण्यास सुरुवात केली आहे. याअंतर्गत गणिताचे नवीन पुस्तक बाजारात उपलब्ध झाले आहे, तर सामाजिक शास्त्राचे नवीन पुस्तकही लवकरच विद्यार्थ्यांना उपलब्ध होणार आहे.

ही नवीन पुस्तके सुधारित शालेय अभ्यासक्रमानुसार तयार करण्यात आली आहेत. NCERT ने दिलेल्या माहितीनुसार, ही नवीन आवृत्ती राष्ट्रीय शिक्षण धोरण (NEP) २०२० आणि नॅशनल करिअर फ्रेमवर्क फॉर स्कूल एज्युकेशन (NCF-SE) २०२३ ला अनुसरून तयार करण्यात आली आहे.

गणिताचे ‘गणित मंजरी’ पुस्तक बाजारात दाखल

इयत्ता ९ वीच्या गणिताच्या सुधारित पुस्तकाची ‘गणित मंजरी भाग २’ (Ganita Manjari Part 2) ची छपाई पूर्ण झाली असून, २१ सप्टेंबर २०२६ पासून ते विक्रीसाठी उपलब्ध करून देण्यात आले आहे. विद्यार्थी, पालक, शिक्षक आणि शाळा अधिकृत माध्यमांतून हे पुस्तक खरेदी करू शकतात. नवीन शैक्षणिक वर्षातील अपडेटेड अभ्यासक्रमानुसारच हे पुस्तक विद्यार्थ्यांना उपलब्ध करून दिले जात असल्याचे NCERT ने स्पष्ट केले आहे.

३० सप्टेंबरपासून मिळणार सामाजिक शास्त्राचे नवीन पुस्तक

गणितानंतर आता इयत्ता ९ वीचे सामाजिक शास्त्राचे सुधारित पाठ्यपुस्तकही जारी केले जाणार आहे. ‘अंडरस्टँडिंग सोसायटी- इंडिया अँड बियॉन्ड भाग २’ ची विक्री ३० सप्टेंबर २०२६ पासून सुरू होईल. या दोन्ही महत्त्वाच्या विषयांच्या नवीन आवृत्त्या वेगवेगळ्या तारखांना विद्यार्थ्यांसाठी उपलब्ध होत आहेत.

Dubai Crane Operator Salary: दुबईत क्रेन ऑपरेटर बनून कसा कमावतोय लाखो रुपये? जाणून घ्या एका क्लिकवर..

NCERT ची नवीन पुस्तके कोठून खरेदी करावीत?

NCERT ने विद्यार्थी, पालक आणि शाळांना अधिकृत विक्रेत्यांकडूनच पुस्तके खरेदी करण्याचा सल्ला दिला आहे. गणिताचे पुस्तक सध्या उपलब्ध आहे, तर सामाजिक शास्त्राचे पुस्तक ३० सप्टेंबरपासून खरेदी करता येईल. ही दोन्ही पुस्तके खालील ठिकाणी उपलब्ध असतील:

• NCERT सेल काउंटर
• NCERT ची अधिकृत वेबसाईट
• ॲमेझॉन ऑनलाईन प्लॅटफॉर्म

SBI Clerk पूर्व परीक्षेच्या तारखा अन् हॉल तिकीट जारी;’असे’ डाऊनलोड करा हॉल तिकीट

NEP २०२० आणि NCF-SE २०२३ अंतर्गत बदल

इयत्ता ९ वीची ही नवीन पुस्तके विद्यार्थ्यांच्या बदलत्या गरजा लक्षात घेऊन तयार करण्यात आली आहेत. शाळांमध्ये सुधारित अभ्यासक्रम प्रभावीपणे लागू करण्यासाठी या नवीन आवृत्त्या मदत करतील. गणिताची आणि सामाजिक शास्त्राची पुस्तके निश्चित नियोजन आणि पूर्वस्वीकृत वेळापत्रकानुसारच उपलब्ध करून दिली जात असल्याचे NCERT ने स्पष्ट केले आहे.