NTA UGC NET 2025 सिटी स्लिप जाहीर; कशाप्रकारे करावे डाउनलोड? वाचा

UGC NET डिसेंबर २०२५ परीक्षेसाठी NTA कडून एग्जाम सिटी इंटिमेशन स्लिप जाहीर करण्यात आली आहे. ही परीक्षा ३१ डिसेंबर २०२५ ते ७ जानेवारी २०२६ दरम्यान होणार असून सिटी स्लिप ugcnet.nta.nic.in वर उपलब्ध आहे.

• अ‍ॅडमिट कार्ड परीक्षा तारखेच्या साधारण ३ ते ४ दिवस आधी जाहीर केले जाणार
• ३१ डिसेंबर २०२५ रोजी होणारी UGC NET परीक्षा केवळ एकाच शिफ्टमध्ये घेतली जाईल
• उमेदवारांनी वेळेचे योग्य नियोजन करून परीक्षा केंद्रावर वेळेत पोहोचण्याचे आवाहन

राष्ट्रीय परीक्षण एजन्सी (NTA) कडून UGC NET डिसेंबर २०२५ परीक्षेसाठी एग्जाम सिटी इंटिमेशन स्लिप जाहीर करण्यात आली आहे. UGC NET डिसेंबर २०२५ परीक्षा ३१ डिसेंबर २०२५ ते ७ जानेवारी २०२६ या कालावधीत घेण्यात येणार असून उमेदवारांना आपली परीक्षा कोणत्या शहरात होणार आहे, याची माहिती आता अधिकृत संकेतस्थळावर उपलब्ध करून देण्यात आली आहे. ही सिटी स्लिप ugcnet.nta.nic.in या वेबसाइटवर पाहता आणि डाउनलोड करता येणार आहे.

अनुसूचित जमातीच्या विद्यार्थ्यांसाठी ५८३ जागांसाठी १ मार्च रोजी प्रवेश परीक्षा; ‘एकलव्य’मध्ये प्रवेशाची सुवर्णसंधी

एग्जाम सिटी इंटिमेशन स्लिपमुळे उमेदवारांना परीक्षा केंद्राचे शहर आधीच कळते. त्यामुळे प्रवास, राहण्याची व्यवस्था आणि इतर नियोजन वेळेत करता येते. सिटी स्लिप डाउनलोड करण्यासाठी उमेदवारांकडे अर्ज क्रमांक (Application Number) आणि जन्मतारीख असणे आवश्यक आहे. NTA कडून ही सुविधा उमेदवारांच्या सोयीसाठी उपलब्ध करून देण्यात आली आहे.

UGC NET डिसेंबर २०२५ : एग्जाम सिटी स्लिप कशी डाउनलोड करावी?

सिटी स्लिप डाउनलोड करण्यासाठी खालील सोप्या टप्प्यांचे पालन करा:

• सर्वप्रथम ugcnet.nta.nic.in या अधिकृत संकेतस्थळाला भेट द्या.
• होमपेजवर “UGC NET December 2025 City Intimation Slip” या लिंकवर क्लिक करा.
• यानंतर लॉगिन पेज उघडेल.
• तेथे आपला अर्ज क्रमांक आणि जन्मतारीख भरा.
• सबमिट केल्यानंतर स्क्रीनवर एग्जाम सिटी इंटिमेशन स्लिप दिसेल.
• त्यामध्ये आपल्याला दिलेले परीक्षा शहर तपासा.
• सिटी स्लिप डाउनलोड करून त्याची प्रिंट काढून ठेवा.

महत्त्वाची माहिती लक्षात ठेवा

उमेदवारांनी हे लक्षात घ्यावे की एग्जाम सिटी स्लिप म्हणजे अ‍ॅडमिट कार्ड नाही. सिटी स्लिपमध्ये केवळ परीक्षा शहराची माहिती दिलेली असते. परीक्षेचे अचूक केंद्र, संपूर्ण पत्ता, रिपोर्टिंग वेळ, परीक्षा वेळापत्रक आणि आवश्यक सूचनांचा तपशील अ‍ॅडमिट कार्डवर दिला जातो. UGC NET चे अ‍ॅडमिट कार्ड परीक्षा तारखेच्या साधारण ३ ते ४ दिवस आधी जाहीर केले जाणार आहे.

अ‍ॅडमिट कार्ड मिळाल्यानंतर उमेदवारांनी त्यावरील सर्व तपशील काळजीपूर्वक तपासणे अत्यंत आवश्यक आहे. यामध्ये उमेदवाराचे नाव, जन्मतारीख, अर्ज क्रमांक, प्रवर्ग (कॅटेगरी), विषय, परीक्षा शहर, फोटो आणि स्वाक्षरी यांचा समावेश आहे. कोणतीही चूक आढळल्यास तातडीने NTA किंवा संबंधित अधिकाऱ्यांशी संपर्क साधावा, असे आवाहन करण्यात आले आहे.

Buldhana News: निर्धारित क्षेत्रापैकी ८२ टक्के रब्बी पेरणी पूर्ण; हरभरा, गहू पिकांना शेतकऱ्यांची पसंती

 ३१ डिसेंबरच्या परीक्षेबाबत महत्त्वाची सूचना

NTA ने स्पष्ट केले आहे की ३१ डिसेंबर २०२५ रोजी होणारी UGC NET परीक्षा केवळ एकाच शिफ्टमध्ये घेतली जाईल. ही परीक्षा सकाळी ९ ते दुपारी १२ वाजेपर्यंत असेल. त्या दिवशी कोणतीही दुसरी शिफ्ट असणार नाही. त्यामुळे उमेदवारांनी वेळेचे योग्य नियोजन करून परीक्षा केंद्रावर वेळेत पोहोचण्याचे आवाहन करण्यात आले आहे.