IOCL मध्ये भरती! नोकरीच्या शोधात आहात? मग वाट कसली पाहताय? करा अर्ज

IOCL इंजिनिअर/ऑफिसर भरती २०२५ साठी अर्ज प्रक्रिया ५ ते २१ सप्टेंबरदरम्यान सुरू राहणार आहे. उत्कृष्ट वेतनमान आणि जागतिक स्तरावर काम करण्याची ही सुवर्णसंधी अभियंत्यांसाठी उपलब्ध आहे.

इंडियन ऑइल कॉर्पोरेशन लिमिटेड (IOCL) ही महारत्न दर्जाची कंपनी आणि भारतातील अग्रगण्य ऊर्जा क्षेत्रातील सार्वजनिक कंपनी असून, तिने २०२५ सालासाठी इंजिनिअर/ऑफिसर (ग्रेड A) पदांसाठी मोठी भरती अधिसूचना जाहीर केली आहे. देशातील उत्कृष्ट शैक्षणिक रेकॉर्ड असलेल्या पदवीधर अभियंत्यांना IOCL च्या “ग्लोबली अॅडमायर्ड एनर्जी कंपनी” बनण्याच्या प्रवासात सहभागी होण्याची ही उत्तम संधी आहे. या भरती प्रक्रियेत केमिकल, इलेक्ट्रिकल आणि इन्स्ट्रुमेंटेशन अभियांत्रिकी शाखेतील बीई/बी.टेक पदवीधर उमेदवार अर्ज करू शकतात. अर्ज करण्याची मुदत ५ सप्टेंबर २०२५ पासून २१ सप्टेंबर २०२५ पर्यंत निश्चित करण्यात आली आहे. भरती प्रक्रियेत संगणकाधारित परीक्षा (CBT), गटचर्चा, गटकार्य आणि वैयक्तिक मुलाखत अशा चार टप्प्यांतून उमेदवारांची निवड केली जाणार आहे.

टाटा मोटर्सच्‍या उपचारात्‍मक प्रशिक्षणामुळे बीएमसी शाळेमधील विद्यार्थीनीला मदत! परीक्षेत उत्तम कामगिरी

IOCL इंजिनिअर भरती २०२५ अंतर्गत पात्र उमेदवारांना सुरुवातीचे मूलभूत वेतन ₹५०,०००/- देण्यात येणार असून एकूण वेतनमान ₹५०,००० ते ₹१,६०,०००/- इतके असेल. यासोबत मिळणाऱ्या भत्त्यांमुळे आणि परफॉर्मन्स रिलेटेड पे (PRP) मुळे एकूण वार्षिक CTC अंदाजे ₹१७.७ लाखांपर्यंत जाईल. वेतनासोबतच या नोकरीत दीर्घकालीन करिअर स्थैर्य आणि प्रतिष्ठा मिळणार आहे. मात्र, उमेदवारांना नोकरी स्वीकृतीनंतर बाँड द्यावा लागेल. सामान्य प्रवर्गातील उमेदवारांसाठी ₹३ लाखांचा तर SC/ST/OBC/EWS/PwBD गटातील उमेदवारांसाठी ₹५०,०००/- चा बाँड तीन वर्षांसाठी लागू असेल.

वयोमर्यादेच्या दृष्टीने, उमेदवारांचे वय १ जुलै २०२५ रोजी २६ वर्षांपेक्षा जास्त नसावे. तसेच आरक्षण गटांनुसार शासकीय नियमांप्रमाणे सवलती दिल्या जाणार आहेत. OBC (NCL) उमेदवारांना ३ वर्षे, SC/ST उमेदवारांना ५ वर्षे, PwBD उमेदवारांना १० वर्षे आणि माजी सैनिकांना नियमांनुसार सवलत मिळेल. संगणकाधारित परीक्षा (CBT) ३१ ऑक्टोबर २०२५ रोजी होणार असून, तिचे वेळापत्रक १५० मिनिटांचे असेल. प्रश्नपत्रिकेत १०० गुणांचे बहुपर्यायी प्रश्न विचारले जातील आणि प्रत्येक चुकीच्या उत्तरासाठी ०.२५ गुण वजा केले जातील. त्यामुळे उमेदवारांनी प्रश्न काळजीपूर्वक सोडवणे आवश्यक आहे.

अर्ज प्रक्रिया पूर्णपणे ऑनलाइन असेल. उमेदवारांनी IOCL च्या अधिकृत करिअर पेजवर जाऊन “Engineer/Officer Recruitment 2025” या लिंकवर क्लिक करावे. त्यानंतर वैध ईमेल आयडी आणि मोबाईल नंबर वापरून नोंदणी करावी. अर्ज भरताना सर्व माहिती अचूकपणे भरून, छायाचित्र, स्वाक्षरी आणि अंगठ्याचा ठसा या सर्व कागदपत्रांच्या स्कॅन प्रती अपलोड कराव्या लागतील. नंतर लागू असल्यास ऑनलाइन शुल्क भरून अर्ज सबमिट करावा आणि शेवटी अर्जाची पीडीएफ कॉपी डाउनलोड करून ठेवावी.

सध्या राज्य भरात चर्चा असणारी ‘IPS अंजना कृष्णा’ कोण? तरुणांसाठी प्रेरणास्थान

राष्ट्रीय व आंतरराष्ट्रीय स्तरावर मोठे स्थान असलेल्या IOCL मध्ये काम करण्याची ही सुवर्णसंधी आहे. आकर्षक वेतन, जागतिक दर्जाचे प्रशिक्षण आणि दीर्घकालीन करिअर स्थैर्य यामुळे ही नोकरी अभियंत्यांसाठी अत्यंत प्रतिष्ठेची आणि आशादायी ठरणार आहे. त्यामुळे पात्र आणि इच्छुक उमेदवारांनी या भरतीसाठी संधी न गमावता तातडीने अर्ज करावा.