Airport Authority Of India मध्ये 197 जागांकरिता भरतीप्रक्रिया सुरु ! असा करा अर्ज

भारतीय विमान प्राधिकरण (AAI) मध्ये अप्रेंटिसशिप करिता 197 जागांवर भरतीप्रक्रिया सुरु करण्यात आली आहे. आयटीआय, डिप्लोमा धारक, पदवीधर उमेदवार या भरतीप्रक्रियेमध्ये सहभागी होऊ शकतात. जाणून घेऊया या भरतीप्रक्रियेबद्दल

भारतीय विमान प्राधिकरण (AAI) ने 28 नोव्हेंबर रोजी जारी केलेल्या भरती अधिसूचनेनुसार पदवीधर, डिप्लोमा, आयटीआय ट्रेड शिकाऊ पदांकरिता ( ॲप्रेंटिसशिप )197 जागांसाठी भरती जाहीर केल्या आहेत. जे उमेदवार या भरतीसाठी इच्छुक आहेत. त्यांनी   नॅशनल ॲप्रेंटिसशिप ट्रेनिंग स्कीम (NATS) education.gov.in. पोर्टलद्वारे ऑनलाइन अर्ज करायचा आहे. 25 डिसेंबर अर्ज करण्याची शेवटची तारीख आहे. या भरतीप्रक्रियेसाठी असलेल्या निवड प्रक्रियेमध्ये कागदपत्र पडताळणी, मुलाखती आणि वैद्यकीय तपासणी यांचा समावेश आहे.

AAIॲप्रेंटिसशिप भरती 2024 

शिक्षण

• एआयसीटीई ( AICTE ) अथवा  भारत सरकारच्या मान्यताप्राप्त संस्थेकडून अभियांत्रिकीमध्ये चार वर्षांची पदवी किंवा तीन वर्षांचा डिप्लोमा अभ्यासक्रम पूर्ण केलेला असावा.
• AICTE किंवा सरकारी मान्यताप्राप्त संस्थांकडून ITI/NCVT प्रमाणपत्र.

वयोमर्यादा

या भरतीप्रक्रियेमध्ये सहभागी होणाऱ्या अर्जदाराचे  वय हे किमान १८ वर्षे आणि कमाल २६ वर्षांपेक्षा जास्त नसावे.

AAI शिकाऊ अर्ज 2024: अर्ज करण्याचे टप्पे

• सर्व प्रथम apprenticeshipindia.org वर भारतीय विमानतळ प्राधिकरणाच्या करिअर पेजवर जा आणि “RHQ NR, नवी दिल्ली” शोधा.
• त्यानंतर  अप्लाय बटणावर क्लिक करा.
• तिथे आवश्यक ती माहिती सबमिट करा.
• भविष्याकरिता  प्रिंटआउट जतन करा.

अर्ज शुल्क

• विशेष म्हणजे या भरतीप्रक्रियेमध्ये सहभागी होणाऱ्या अर्जदारांना अर्ज सादर करण्यासाठी कोणतेही शुल्क भरण्याची आवश्यकता नाही.
• तसेच तुम्ही भरती प्रक्रियेबद्दल तपशीलवार माहितीसाठी, उमेदवार अधिकृत वेबसाइट पाहू शकतात.

AAI ॲप्रेंटिसशिप भरती 2024: स्टायपेंड 

AAI  2024 भरतीप्रक्रिये अंतर्गत निवडलेल्या शिकाऊ उमेदवारांना  एक वर्षाच्या प्रशिक्षण कालावधीत दर महा  स्टायपेंड दिला जाणार आहे. तो स्टायपेंड विविध पदानुसार वेगवेगळा असणार आहे.

• पदवीधर प्रशिक्षणार्थी असलेल्या उमेदवारांना  15,000 रुपये देण्यात येणार आहे.
• डिप्लोमा आणि अप्रेंटिसशीप करत असेलेल्या उमेदवारांना  12,000 रुपये स्टायपेंड दिला जाणार आहे.
• ITI ट्रेड आणि अप्रेंटिसशीप करत असलेल्या उमेदवारांना  9,000 रुपये स्टायपेंड दिले जाणार आहेत.

भारतीय विमान प्राधिकरण (AAI) बद्दल

भारतीय विमातळ प्राधिकरण (AAI) ची स्थापना ही  1995 मध्ये झाली. ही स्थापना  भारतीय विमानतळ प्राधिकरण कायदा, 1994 द्वारे नागरी विमान वाहतूक मंत्रालयाच्या अधिपत्याखाली करण्यात आली आहे. त्यामुळे हे प्राधिकरण एक  वैधानिक संस्था आहे. AAI द्वारे भारतातील या  भारतीय विमानतळ प्राधिकरणाचे मुख्यालय हे नवी दिल्ली येथे आहे.

भारतीय विमान प्राधिकरण (AAI) कार्ये

 AAI चे प्रमुख कार्य म्हणजे भारतीय प्रदेश आणि शेजारच्या महासागर क्षेत्राशी संबंधित असलेल्या हवाई क्षेत्रांवर हवाई वाहतूक व्यवस्थापन सेवा प्रदान करणे आहे.नागरी विमान वाहतूक पायाभूत सुविधांची इमारत, वर्धित, सेवा आणि व्यवस्थापन व्यवस्थापित केल्या जातात.  ही संस्था CNS (कम्युनिकेशन नेव्हिगेशन सर्व्हिलन्स) देखील प्रदान करते . देशातील विमान वाहतूक पायाभूत सुविधांची निर्मिती, व्यवस्थापन, देखभाल आणि सुधारणा यासाठी एएआय ही संस्था जबाबदार आहे. आंतरराष्ट्रीय विमानतळ, देशांतर्गत विमानतळ, सीमाशुल्क विमानतळ आणि संरक्षण हवाई क्षेत्रांमधील नागरी एन्क्लेव्हचे व्यवस्थापन एएआय कडे असते.