JEE Main 2025 परीक्षेचाअर्ज भरण्यासाठी कोणतीही मुदतवाढ नाही; ‘या’ तारखेपर्यंत भरा अर्ज

NTA कडून स्पष्ट करण्यात आले आहे की, जेईई मेन 2025 च्या अर्ज भरण्यासाठी मुदतवाढ दिली जाणार नसून दिलेल्या तारखेपर्यंतच अर्ज भरायचा आहे. उमेदवार अर्ज भरल्यानंतर त्यात काही बदल करु शकतात.

फोटो सौजन्य- iStock

Follow Us

Follow Us:

नॅशनल टेस्टिंग एजन्सी (NTA) ने JEE मेन 2025 परीक्षेसाठी अर्ज प्रक्रिया सुरू केली असून अर्ज भरण्याची अंतिम मुदत 22 नोव्हेंबर 2024 आहे. NTA ने स्पष्ट केले आहे की अर्जाची अंतिम तारीख वाढवली जाणार नाही. यामुळे इच्छुक उमेदवारांनी अंतिम तारखेपूर्वी अधिकृत वेबसाइटवर अर्ज प्रक्रिया पूर्ण करणे आवश्यक आहे.

उमेदवारास काही बदल करण्यासाठीचा कालावधी

अर्ज प्रक्रिया संपल्यानंतर, 26 नोव्हेंबरपासून सुधारणा विंडो उघडली जाईल, जी 27 नोव्हेंबर रोजी रात्री 11.50 पर्यंत खुली राहील. सुधारणा प्रक्रियेदरम्यान उमेदवारांना काही फील्डमध्ये बदल करण्याची परवानगी असेल. तथापि, मोबाईल नंबर, ईमेल पत्ता, कायम/सध्याचा पत्ता, आपत्कालीन संपर्क तपशील आणि छायाचित्रे यामध्ये बदल करता येणार नाहीत.

भारतीय रेल्वेत क्रीडा कोट्यातून भरतीला सुरुवात; ‘या’ पदांसाठी होणार नियुक्ती

उमेदवार खालील तपशीलांमध्ये बदल करू शकतात:
1. नाव
2. आईचे नाव
3. वडिलांचे नाव

तसेच, इतर फील्ड जसे की इयत्ता 10 आणि 12 चे तपशील, पॅन क्रमांक, जन्मतारीख, लिंग, श्रेणी, उपश्रेणी, पीडब्ल्यूडी स्थिती आणि स्वाक्षरी यातही सुधारणा करता येईल.

परीक्षेचे वेळापत्रक:JEE मेन 2025 परीक्षा दोन सत्रांमध्ये घेतली जाणार आहे. पहिल्या सत्राची तात्पुरती तारीख 22 जानेवारी ते 31 जानेवारी 2025 अशी आहे.

अर्ज करण्याची प्रक्रिया:

उमेदवाराने अर्ज भरण्यासाठी खालील पायऱ्यांचे  अनुसरण करावे:

1.  jeemain.nta.nic.in या अधिकृत वेबसाइट ला भेट द्या.
2. त्यानंतर मुख्यपृष्ठावर “JEE (Main) – 2025 सत्र-1 साठी ऑनलाइन अर्ज फॉर्म” लिंकवर क्लिक करा.
3. “नवीन नोंदणी” टॅबवर क्लिक करून आवश्यक तपशीलांसह नोंदणी करा.
4. नोंदणी क्रमांक आणि पासवर्डसह लॉगिन करा.
5. संपूर्ण  अर्ज व्यवस्थितपणे भरा.
6. अर्ज फी भरून सबमिट करा.
7. अर्जाची प्रिंटआउट काढून भविष्यासाठी जतन करा.

Campus Placement: कॉलेजमध्येच असताना मिळेल नोकरी ; केवळ ‘या’ खास टिप्स लक्षात ठेवा

जेईई मेन्ससाठी अखेरच्या टप्प्यात करा अशी तयारी