गुरुवार, 22 ऑक्टोबर 2026
सौजन्य फोटो - सोशल मीडीया
देशाला हादरवून टाकणारी आणि अंगावर काटा आणणारी एक अत्यंत संतापजनक घटना राजस्थानमधील दौसा जिल्ह्यातून समोर आली आहे. वयाच्या सोळाव्या वर्षी जिथे जगण्याचे स्वप्न पाहण्याचे वय असते, तिथे एका अल्पवयीन मुलीवर नराधमांनी केलेल्या अमानुष अत्याचारामुळे संपूर्ण देशात संतापाची लाट पसरली आहे. आधीच गर्भवती असलेल्या या अल्पवयीन मुलीचे तीन नराधमांनी कारमधून अपहरण केले आणि दिल्ली-मुंबई एक्स्प्रेसवेच्या परिसरात तिच्यावर धावत्या गाडीत आलटून-पालटून सामूहिक बलात्कार केला. या भीषण यातना सहन करत असतानाच पीडितेची गाडीमध्येच प्रसूती झाली. या घटनेने मानवता पूर्णपणे लाजीत झाली आहे.
प्राप्त माहितीनुसार, राजस्थानमधील दौसा जिल्ह्यात ही नराधमांनी काळजाचा थरकाप उडवणारी घटना घडवली. संबंधित १६ वर्षीय पीडित अल्पवयीन मुलगी आधीपासूनच गर्भवती होती. रात्रीच्या वेळी तीन नराधमांनी तिला बळजोरीने कारमध्ये बसवून त्याचे अपहरण केले. त्यानंतर त्यांनी दिल्ली-मुंबई एक्स्प्रेसवेच्या दिशेने गाडी नेऊन धावत्या कारमध्ये तिच्यावर अमानुषपणे सामूहिक बलात्कार केला. या प्रचंड शारीरिक व मानसिक यातना आणि वेदनेदरम्यान पीडितेची धावत्या गाडीतच प्रसूती झाली आणि तिने एका कन्येला जन्म दिला. विकृतीची सर्व सीमा ओलांडल्यानंतर नराधमांनी त्या रक्तबंबाळ व वेदनेने विव्हळणाऱ्या अल्पवयीन मुलीला दौसा कलेक्टरेट चौकातील रस्त्यावर तसेच सोडून दिले आणि तिथून पसार झाले.
रस्त्यावर असहाय्य अवस्थेत सोडून दिलेल्या आणि वेदनेने कळवळणाऱ्या पीडितेने कशीबशी हिंमत करून तेथील एका स्थानिक नागरिकाकडे मदतीची भिक मागितली. त्या नागरिकाने कोणतीही वेळ वाया न घालवता तातडीने तिला उपचारासाठी दौसा जिल्हा रुग्णालयात दाखल केले. पीडितेने आपल्या नवजात बालकाला एका कपड्यात गुंडाळून रुग्णालयात आणले होते. मात्र, रुग्णालयातील डॉक्टरांनी तातडीने तपासणी केली असता, जन्माला आलेल्या त्या नवजात बालकाला मृत घोषित केले. या घटनेमुळे रुग्णालयात आणि परिसरात शोककळा पसरली असून प्रचंड संताप व्यक्त होत आहे.
पोलीस तपासात समोर आलेल्या माहितीनुसार, संबंधित पीडित अल्पवयीन मुलगी आधीपासूनच गर्भवती होती. यापूर्वी साधारण फेब्रुवारी आणि मे महिन्यात अजय कुमार मीणा नावाच्या तरुणाने तिच्यावर लैंगिक अत्याचार केला होता, असा गंभीर आरोप समोर येत आहे. त्यातूनच ती अल्पवयीन मुलगी गर्भवती राहिली होती. या घटनेची गंभीर दखल घेत स्थानिक पोलिसांनी तात्काळ दौसा जिल्हा रुग्णालयात धाव घेतली. पोलिसांनी पीडितेचा सविस्तर जबाब नोंदवून घेण्याचे काम सुरू केले असून, आरोपींविरोधात अपहरण आणि सामूहिक बलात्कारासह पोक्सो (POCSO) कायद्यांतर्गत गुन्हा दाखल करण्यात आला आहे. या प्रकरणातील फरार आरोपींचा शोध घेण्यासाठी आणि त्यांना लवकरात लवकर बेड्या ठोकण्यासाठी पोलिसांची विविध पथके रवाना करण्यात आली आहेत.
Ans: राजस्थानमधील दौसा जिल्ह्यात दिल्ली-मुंबई एक्स्प्रेसवेच्या परिसरात ही घटना घडली.
Ans: अपहरण करून धावत्या कारमध्ये सामूहिक बलात्कार सुरू असतानाच पीडितेची प्रसूती झाली, आणि रुग्णालयात पोहोचल्यावर नवजात बालकाला मृत घोषित करण्यात आले.
Ans: पोलिसांनी गुन्हा दाखल करून पीडितेचा जबाब नोंदवला असून, फरार आरोपींच्या शोधासाठी विशेष पथके तैनात केली आहेत.
