Gujarat: वापीमध्ये ड्रग्जचा मोठा साठा उघड! ATSच्या छाप्यात ३० कोटींचे MD ड्रग्ज जप्त तर ३०० किलो….

आंतरराष्ट्रीय बाजारात या ड्रग्जची किंमत अंदाजे ३० कोटी रुपये आहे. या कारवाईत एका आरोपीला अटक करण्यात आली असून, ड्रग्ज निर्मितीसाठी वापरण्यात येणारा ३०० किलोग्रॅम कच्चा माल आणि अनेक उपकरणेही जप्त करण्यात आली आहेत.

• गुजरातमध्ये ड्रग्जचा मोठा साठा उघड!
• ATSच्या छाप्यात ३० कोटींचे MD ड्रग्ज जप्त तर ३०० किलो…
• ३०० किलो कच्चा माल आणि उपकरणे जप्त

गुजरात: गुजरात दहशतवादविरोधी पथक (ATS) आणि दमन गुन्हे शाखेने संयुक्त कारवाई करत वलसाड जिल्ह्यातील वापी येथून सुमारे ६ किलोग्रॅम मेफेड्रोन (MD) ड्रग्जचा मोठा साठा जप्त केला आहे. आंतरराष्ट्रीय बाजारात या ड्रग्जची किंमत अंदाजे ३० कोटी रुपये आहे. या कारवाईत एका आरोपीला अटक करण्यात आली असून, ड्रग्ज निर्मितीसाठी वापरण्यात येणारा ३०० किलोग्रॅम कच्चा माल आणि अनेक उपकरणेही जप्त करण्यात आली आहेत.

फार्म हाऊसमध्ये ड्रग्ज निर्मिती, वापीत साठा

एटीएसला मिळालेल्या गुप्त माहितीनुसार, आरोपी मेहुल ठाकूर, विवेक राय आणि मोहनलाल पालीवाल हे दमनजवळील एका फार्म हाऊसमध्ये ड्रग्जची निर्मिती करत होते. तयार झालेला माल वापी येथील चला रोड परिसरात मनोज सिंग ठाकूर यांच्या बंगल्यात साठवला जात होता.

या माहितीच्या आधारे गुजरात एटीएसने दमन गुन्हे शाखा आणि वलसाड स्पेशल ऑपरेशन ग्रुप (SOG) सोबत संयुक्तपणे वापीतील बंगला आणि दमनमधील फार्म हाऊसवर छापे टाकले.

• वापीतून जप्ती: बंगल्याच्या तपासणीदरम्यान पोलिसांना ५.९ किलोग्रॅम तयार एमडी ड्रग्ज जप्त केले.
• निर्मितीचा पर्दाफाश: फार्म हाऊसवर ड्रग्ज निर्मितीचे काम सुरू असल्याचे पथकाला आढळले.

See more

Daman, Gujarat: ATS, along with Valsad SOG and Daman Police, busted a major MD drugs racket in simultaneous raids at Vapi’s Chala area and Daman. Over 5.9 kg of MD drugs worth ₹30 crore was seized from a bungalow in Chala. One accused, Mohan Paliwal, was arrested while two… pic.twitter.com/MpPGRt4RQR— IANS (@ians_india) October 3, 2025

Surat: संतापजनक! जन्मदात्या आईनेच मुलाला १३ व्या मजल्यावरुन फेकलं, अन् नंतर स्वत:ही… घटना CCTV मध्ये कैद

३०० किलो कच्चा माल आणि उपकरणे जप्त

दमन येथील फार्म हाऊसवरील कारवाईत ड्रग्ज निर्मितीसाठी वापरण्यात येणारा मोठ्या प्रमाणात कच्चा माल जप्त करण्यात आला.

• कच्चा माल: फार्म हाऊस मधून जवळपास ३०० किलोग्रॅम एमडी ड्रग्ज निर्मितीसाठीचे विविध रसायने आणि केमिकल्सचा साठा सापडला. यामध्ये २५ किलोग्रॅम बोरोकेमिकल, ५० किलोग्रॅम कॉस्टिक सोडा, हायड्रोक्लोरिक ॲसिड आणि मीठाचे पॅकेट्स तसेच २५-लिटरचे १० केमिकलचे ड्रम आणि अनेक रिकामे कंटेनर जप्त करण्यात आले.
• उपकरणे: ड्रग्ज बनवण्यासाठी वापरले जाणारे ग्राइंडर, मोटर, ग्लास फ्लास्क, मीटर आणि इतर वस्तू जप्त करण्यात आल्या. एमडी ड्रग्ज बनवण्याची ही उपकरणे बमन पजऊ येथील मेडिकल स्टोअरमधून आणल्याचे तपासात उघड झाले.

एक आरोपी ताब्यात, दोन प्रमुख फरार

एटीएसने गुरुवारी रात्री छापा टाकून आरोपी मोहनलाल पालीवाल याला अटक केली आहे. मात्र, या प्रकरणातील मुख्य आरोपी मेहुल ठाकूर आणि केमिस्ट विवेक राय हे दोघेही फरार होण्यात यशस्वी झाले आहेत. दमन गुन्हे शाखेने दिलेल्या माहितीनुसार, या संपूर्ण प्रकरणाची पुढील चौकशी सुरू आहे आणि फरार आरोपींचा शोध घेण्यात येत आहे.

मृत्यूचं इंजेक्शन! १९ वर्षीय तरुणाच्या प्राईव्हट पार्टमध्ये दिलं इंजेक्शन , तपासात समोर आलं असं कारण की वाचून हादराल…