रविवार, 18 ऑक्टोबर 2026
सौजन्य फोटो - सोशल मिडीया
नाशिक : नाशिक जिल्ह्यातील नांदुरी गडाच्या पायथ्याशी मध्यरात्री भीषण अपघाताची घटना घडली. नांदुरी-अभोणा टी-पॉइंट परिसरात बंदोबस्तासाठी तैनात असलेल्या पोलीस अधिकारी आणि कर्मचाऱ्यांना भरधाव कारने धडक दिली. या दुर्घटनेत वाहतूक शाखेचे पोलीस उपनिरीक्षक विजय गायकवाड यांचा उपचारादरम्यान मृत्यू झाला. तसेच पोलीस अधिकारी, कर्मचारी आणि भाविकांसह अनेक जण जखमी झाले. या घटनेमुळे पोलीस दलात हळहळ व्यक्त होत आहे.
शारदीय नवरात्रोत्सव सुरू असल्याने नांदुरी गडाच्या पायथ्याशी असलेल्या अभोणा टी-पॉइंटवर पोलिसांचा बंदोबस्त तैनात करण्यात आला होता. रात्री आठ ते सकाळी सहा या वेळेत पोलीस अधिकारी आणि कर्मचारी कर्तव्यावर होते. यामध्ये पोलीस उपनिरीक्षक विजय गायकवाड, दिनकर मुंडे आणि हेड कॉन्स्टेबल सचिन राऊत यांचा समावेश होता. दरम्यान, नाशिकच्या दिशेने येणाऱ्या मारुती सियाज कारने स्पीड ब्रेकरजवळ एका दुचाकीला धडक दिली. त्यानंतर कार चुकीच्या बाजूने जाऊन समोरून येणाऱ्या दुसऱ्या कारला चालकाच्या बाजूने धडकली. पुढे रस्त्याच्या मध्यभागी लावलेल्या पोलीस बॅरिकेड्सला धडक देत कारने बंदोबस्तावरील पोलीस अधिकारी आणि कर्मचाऱ्यांनाही जोरदार धडक दिल्याची माहिती आहे.
या अपघातात पोलीस उपनिरीक्षक दिनकर मुंडे यांच्या पायाला दुखापत झाली, तर हेड कॉन्स्टेबल सचिन राऊत यांच्या डाव्या पायाच्या पंजाला फ्रॅक्चर झाले. मुंबई येथील मोरेश्वर बाळू पाटील (वय 52) यांचाही डावा पाय फ्रॅक्चर झाल्याची माहिती आहे. अपघाताची माहिती मिळताच वाहतूक शाखेचे पोलीस निरीक्षक आहेर यांनी घटनास्थळी धाव घेतली. जखमींना तातडीने वणी येथील ग्रामीण रुग्णालयात दाखल करण्यात आले. त्यानंतर काही जखमींना पुढील उपचारासाठी नाशिक येथे हलविण्यात आल्याचे सांगण्यात आले. दरम्यान, पोलीस उपनिरीक्षक विजय गायकवाड यांचा उपचारादरम्यान मृत्यू झाला.
या दुर्घटनेत पोलीस अधिकारी आणि कर्मचाऱ्यांसह भाविकही जखमी झाले आहेत. उपलब्ध माहितीनुसार, दिनकर मुंडे, सचिन राऊत, कपिल साळी, मोरेश्वर पाटील, गोपाळ सोनवणे, दुर्गेश चौधरी, सोहम पवार, राजाराम जाधव आणि राधाबाई गावित यांच्यासह अनेक जण जखमी झाले आहेत. अपघातातील जखमींवर रुग्णालयात उपचार सुरू आहेत. अपघात नेमका कशामुळे झाला, याबाबत अधिक तपासातून माहिती स्पष्ट होणार आहे.
नवरात्रोत्सवाच्या पार्श्वभूमीवर भाविकांची गर्दी लक्षात घेऊन नांदुरी गडाच्या पायथ्याशी पोलीस बंदोबस्त ठेवण्यात आला होता. मात्र, मध्यरात्री झालेल्या या अपघातामुळे बंदोबस्तावरील पोलिसांसह भाविकांनाही फटका बसला. पोलीस उपनिरीक्षक विजय गायकवाड यांच्या मृत्यूमुळे पोलीस दलात शोक व्यक्त होत आहे.
Ans: नांदुरी गडाच्या पायथ्याशी नांदुरी-अभोणा टी-पॉइंट परिसरात हा अपघात झाला.
Ans: वाहतूक शाखेचे पोलीस उपनिरीक्षक विजय गायकवाड यांचा उपचारादरम्यान मृत्यू झाला.
Ans: दिलेल्या माहितीनुसार, पोलीस अधिकारी आणि कर्मचाऱ्यांसह 11 भाविक जखमी झाले. एकूण जखमींची अधिकृत संख्या तपासून नमूद करावी.
