ऐनपूर येथे बारा गाड्यांखाली येऊन एकाचा मृत्यू; सहा जखमी

[read_also content=”कल्याणमध्ये दोन कुमारिका मुलींची वेश्या व्यवसायातून सुटका; अनिल पॅलेस नंबर एक लॉजिंग व बोर्डिंगमध्ये सुरू होता गोरखधंदा https://www.navarashtra.com/crime/crime-news-rescue-of-two-virgin-girls-from-prostitution-in-kalyan-anil-palace-number-one-lodging-and-boarding-business-was-going-on-nrvb-390692.html”]

अक्षय तृतीयेच्या दुसऱ्या दिवशी या बारा गाड्या ओढण्यात येतात, अक्षयतृतीया निमित्त दि.२३ एप्रिल रोजी ऐनपूर येथील बारिघाट येथे या बारा गाड्या ओढण्यात आल्या. परंतु त्या ओढत असताना गाड्यांचा ताबा सुटल्याने प्रेक्षकांमधून दिनकर रामकृष्ण कोळी यांच्या सह भगतीन मंगलाबाई प्रकाश भिल,सुभाष भील,ईश्वर भील,नामदेव भील,किशोर हरी पाटील ,मोहन एकनाथ महाजन, तर बगल्यांमध्ये सुनील राजाराम महाजन तसेच ज्यु ओढणारे नारायण शामराव महाजन, ईश्वर रूपा भिल्ल, हे जखमी झाले.

पोलीस प्रशासन व गावकरी मंडळी यांनी जखमींना तात्काळ तेथून हलवून रुग्णालयात दाखल केले. यात दिनकर रामकृष्ण कोळी वय ६० वर्ष यांना जास्त मार लागल्याने त्यांना रावेर ग्रामीण रुग्णालय येथे घेऊन गेले असता त्यांना मयत घोषित केले. तर बाकी जखमीवर उपचार सुरू आहेत.

[read_also content=”आजचे राशीभविष्य : 23 April 2023, कसा जाईल आजचा दिवस; वाचा सविस्तर https://www.navarashtra.com/web-stories/today-daily-horoscope-23-april-2023-rashibhavishya-in-marathi-nrvb/”]

त्यावेळी भगत म्हणून सोपान भील तर बगले म्हणून सुनील महाजन आणि सचिन महाजन हे सहाय्यक होते. निंभोरा पोलिस स्टेशनचे सहाय्यक पोलीस निरीक्षक गणेश धुमाळ यांच्या मार्गदर्शनाखाली पोलीस हवालदार ज्ञानेश्वर चौधरी, नितीन पाटील योगेश चौधरी व होमगार्ड यांनी चौक बंदोबस्त ठेवला होता.