दिल्ली मेट्रोचा प्रवास होणार आणखी सोपा; लवकरच लाँच करणार व्हर्च्युअल स्मार्ट कार्ड

दिल्ली मेट्रो हा प्रवास करण्यासाठी सर्वात सोपा आणि सोयीचा पर्याय आहे. ज्याद्वारे लांबचे अंतरही सहज पार करता येते. दिल्ली मेट्रोने रोज प्रवास करणाऱ्यांसाठी ही बातमी आहे. लवकरच दिल्ली मेट्रो रेल कॉर्पोरेशन (DMRC) व्हर्च्युअल स्मार्ट कार्ड जारी करणार आहे ज्याद्वारे तुम्ही एका QR कोडसह सगळीकडे प्रवास करू शकाल.

नवी दिल्ली : ट्रॅफिक जाम टाळण्यासाठी तुम्हीही दिल्ली मेट्रोने प्रवास करत असाल तर लवकरच तुमचा प्रवास अधिक सोयीस्कर होणार आहे. दिल्ली मेट्रो रेल कॉर्पोरेशन (DMRC) लवकरच एक नवीन डिजिटल फीचर लॉन्च करणार आहे. ते म्हणजे व्हर्च्युअल स्मार्ट कार्ड. हे फीचर सुरु केल्यानंतर तुम्हाला मेट्रो कार्ड सोबत ठेवण्याची गरज भासणार नाही.

व्हर्च्युअल स्मार्ट कार्ड सिस्टम म्हणजे काय?

सध्याच्या तिकीट प्रक्रियेची ही स्मार्ट आवृत्ती किंवा अपग्रेड केलेली आवृत्ती असेल. सध्या प्रवासी त्यांचे भौतिक स्मार्ट कार्ड वापरून किंवा मोमेंटम 2.0 ॲपमध्ये उपलब्ध QR कोड वापरून मेट्रोमध्ये कुठेही प्रवास करतात. हा QR कोड फक्त एका प्रवासासाठी वैध आहे. जर तुम्ही दिवसातून दोनदा मेट्रोने प्रवास करत असाल तर तुम्हाला प्रत्येक वेळी नवीन QR कोड घ्यावा लागेल. परंतु व्हर्च्युअल स्मार्ट कार्ड सादर केल्यानंतर तुम्ही एकाच QR कोडने अनेकवेळा प्रवास करू शकाल.

व्हर्च्युअल स्मार्ट कार्ड कसे काम करतील?

यामुळे प्रवाशांना अनेक फायदे होतील.

प्रवाशांना प्रत्यक्ष कार्ड किंवा पैसे घेऊन जाण्याची गरज नाही.

व्हर्च्युअल कार्ड ॲपद्वारे कधीही, कुठेही रिचार्ज केले जाऊ शकते. व्हेंडिंग मशीन आणि ग्राहक काउंटरवर उभे राहण्याची गरज भासणार नाही.

मोबाईल हरवल्यास कार्डची शिल्लक सुरक्षित राहील.

दुसऱ्या किंवा नवीन डिव्हाइसवरून तुमच्या खात्यात लॉग इन करून शिल्लक तपासली जाऊ शकते.

हे व्हर्च्युअल कार्ड कसे काम करेल?

दिल्ली मेट्रो व्हर्च्युअल स्मार्ट कार्ड तुमच्या फिजिकल स्मार्ट कार्डप्रमाणेच काम करेल.

आणि हे तुम्हाला तुमच्या स्मार्टफोनमध्ये मिळेल.

प्रवासी DMRC मोबाइल ॲप वापरून त्यांचे QR वॉलेट टॉप अप करू शकतात आणि प्रवासासाठी QR कोड जनरेट करण्यासाठी डिजिटल वॉलेट वापरू शकतात.