गुरुवार, 22 ऑक्टोबर 2026
Mi Jinkun Ghein Saara Marathi Serial: (फोटो सौजन्य- सोशलमीडिया)
कलर्स मराठीवरील लोकप्रिय मालिका ‘मी जिंकून घेईन सारं’ मध्ये प्रेक्षकांना एका अत्यंत भावनिक, मजेशीर आणि रोमँटिक वळणाचा अनुभव घेता येणार आहे. मालिकेच्या आगामी महाएपिसोडमध्ये छवी आणि अनिकेत एका वाड्यामध्ये एकत्र अडकलेले असताना, छवी अनोख्या अंदाजात आपल्या प्रेमाची कबुली देताना दिसेल. Mi Jinkun Ghein Saara Marathi Serial
अनिकेतचा शर्ट घालून ती त्याच्याशी भांडत आणि अगदी निरागसपणे आपल्या मनातील भावना व्यक्त करताना दिसणार आहे. विशेष म्हणजे, राधा-कृष्णाच्या प्रेमाचे दाखले देत ती अनिकेतवर असलेलं आपलं अफाट प्रेम व्यक्त करेल, ज्याची अनिकेतला अजिबात कल्पना नाहीये. छवीचा हा क्युट आणि हटके प्रपोजल ड्रामा प्रेक्षकांसाठी मनोरंजनाची मोठी मेजवानी ठरणार आहे. पहा मी जिंकून घेईन सारं महारविवार, २५ ऑक्टोबर रोजी संध्या. ७ वा. कलर्स मराठीवर. आणि कधीही कुठेही JioHotstar.
Edits Film Festival: इंस्टाग्रामच्या ‘एडिट्स’ अ‍ॅपमधून क्रिएटर्सनी दाखवली कमाल; तिघांनी पटकावला विजय
मात्र, या रोमँटिक प्रपोजलनंतर मालिकेतील इतर घडामोडींनी प्रचंड वेग घेतला असून कथानकात मोठे वळण पाहायला मिळणार आहे. एकीकडे जेसिकाचे अनिकेतवरील प्रेम अचानक समोर येते आणि ती अनिकेतचा जीव वाचवण्यासाठी तात्याला फोन करून विनंती करताना दिसणार आहे.
पण तात्याचा राग शांत झालेला नसून ते बंदूक घेऊन थेट त्या वाड्याच्या दिशेने जाणार आहे. वाड्यात सकाळी छवीला रात्री घडलेल्या गोष्टींचा विसर पडलेला असतो आणि ती अनिकेतला त्याबद्दल विचारत असते, नेमक्या याच वेळेस नेमके असे काय घडते ज्यामुळे संपूर्ण वातावरणात कमालीचा तणाव निर्माण होतो.
छवीचे हे अनपेक्षित प्रपोजल आणि त्यानंतर वाड्यात घडणारा हा जीवघेण्या घटना प्रेक्षकांना महारविवार, २५ ऑक्टोबर रोजी संध्याकाळी ७ वा. आपल्या कलर्स मराठीवर आणि कधीही कुठेही JioHotstar वर पाहता येईल.
Ans: छवी अनिकेतसमोर आपल्या प्रेमाची कबुली देणार आहे.
Ans: अनिकेतचा शर्ट घालून आणि राधा-कृष्णाच्या प्रेमाचे दाखले देत ती आपल्या भावना व्यक्त करणार आहे.
Ans: अनिकेतचा जीव वाचवण्यासाठी जेसिका तात्याला फोन करून विनंती करणार आहे.
