शनिवार, 29 ऑगस्ट 2026
Orry and Samay Raina: समय रैनाच्या शोमध्ये ओरीचा राडा? (फोटो सौजन्य- सोशलमीडिया)
दोघांच्या उपस्थितीमुळे कार्यक्रमात चांगलीच रंगत आली. शोमधील काही मजेशीर प्रसंगांचे व्हिडिओ सध्या सोशलमीडियावर वेगाने फिरत आहेत. समय रैना आपल्या खास विनोदी शैलीसाठी ओळखला जातो. त्याच्या शोमध्ये कोण कधी काय बोलेल, याचा नेम नसतो. या एपिसोडमध्येही त्याने ओरीसोबत चांगलीच मस्करी केली. ओरीनेही त्याला तितक्याच मजेशीर पद्धतीने उत्तर दिले. त्यामुळे दोघांमधील हा संवाद प्रेक्षकांसाठी खास ठरला. Orry and Samay Raina:
शोदरम्यान समयने ओरीला Orry टोमणे मारत काही विनोदी प्रश्न आणि कमेंट्स केल्या. त्यावर ओरीनेही हसत उत्तर दिले. मजेत बोलताना त्याने समयला एक प्रकारे इशाराच दिला. माझ्या ओळखीतील लोकांशी पंगा घेतलास तर परिस्थिती कठीण होऊ शकते, अशा अर्थाची त्याची गंमतीदार टिप्पणी होती. ओरीच्या या बोलण्यावर समयनेही लगेच उत्तर दिले.
त्याच्या उत्तरामुळे सेटवर उपस्थित असलेल्या लोकांमध्ये हशा पिकला. दोघेही हा संपूर्ण संवाद विनोदाच्या स्वरूपात घेत असल्याचे दिसून आले. याच क्षणाचा छोटा व्हिडीओ इंटरनेटवर शेअर होत असून नेटकऱ्यांकडून त्यावर वेगवेगळ्या प्रतिक्रिया पाहायला मिळत आहेत.
‘इंडियाज गॉट लॅटंट’ या कार्यक्रमाचे नाव याआधीही मोठ्या वादामुळे समोर आले होते. मागील वर्षीच्या एका भागात युट्युबर रणवीर इलाहाबादिया सहभागी झाला होता. त्याच्यासोबत आशीष चंचलानी आणि अपूर्वा मखीजा हे देखील कार्यक्रमात दिसले होते. या एपिसोडमध्ये रणवीरने एका स्पर्धकाला आई-वडिलांशी संबंधित आक्षेपार्ह आणि वादग्रस्त प्रश्न विचारला होता. हा भाग सोशल मीडियावर समोर आल्यानंतर अनेकांनी कार्यक्रमावर नाराजी व्यक्त केली. प्रश्नाची भाषा आणि विषयावरून मोठा वाद निर्माण झाला.
Ram Kapoor-श्रेया यांच्या किसिंग सीनवरून वाद; आरोपांवर अभिनेत्याने अखेर सोडलं मौन, म्हणाले की…
यानंतर रणवीर इलाहाबादियासह समय रैना आणि कार्यक्रमाशी संबंधित इतर व्यक्तींविरोधात पोलिसांकडे तक्रारी दाखल झाल्या. कार्यक्रमातून अशा प्रकारच्या कंटेंटला प्रोत्साहन दिल्याचा आरोपही करण्यात आला. या प्रकरणामुळे सोशल मीडियावर अनेक दिवस चर्चा सुरू होती.
वाद वाढल्यानंतर समय रैनाने आपल्या युट्युब चॅनेलवरून ‘इंडियाज गॉट लॅटंट’चे आधीचे भाग हटवले. एवढेच नाही, तर त्याने आपले नियोजित कॉमेडी टूरही काही काळासाठी रद्द केले होते. या संपूर्ण प्रकरणामुळे शोच्या निर्मात्यांपासून सहभागी कलाकारांपर्यंत अनेक जण चर्चेत आले होते. त्यामुळे कार्यक्रमाचा प्रत्येक नवीन भाग प्रेक्षकांचे लक्ष वेधून घेताना दिसतो.
आता मात्र ओरी आणि समय रैनाच्या मजेशीर गप्पांमुळे नव्या एपिसोडची चर्चा सुरू झाली आहे. जुन्या वादापेक्षा यावेळी प्रेक्षकांचे लक्ष त्यांच्या विनोदी संवादाकडे आहे. सोशल मीडियावर व्हिडीओ किती वेगाने पसरतो, यावरून या एपिसोडबद्दल लोकांमध्ये उत्सुकता असल्याचे दिसत आहे.
