फोटो सौजन्य-iStock
क्रॉनिक मायलॉइड ल्युकेमिया (सीएमएल) हा एक असा कर्करोग आहे, जो बोन मॅरोमधील रक्त तयार करणाऱ्या पेशींमध्ये सुरू होतो आणि रक्तात पसरू शकतो. योग्य ते प्रश्न विचारल्याने तुमच्यावरील उपचार प्रभावी आणि तुमच्या गरजांनुरूप आहेत याची खात्री करण्यासाठी महत्त्वाचे ठरतात.
डॉ. समीर तुळपुळे (कोकीलाबेन धीरूभाई अंबानी हॉस्पिटल येथील सीनियर कन्‍सल्‍टण्‍ट हेमॅटोलॉजिस्‍ट) म्‍हणाले, ”माझ्या डॉक्‍टरी सरावामध्‍ये मला निदर्शनास आले आहे की, क्रोनिक मायलॉइड ल्युकेमिया (सीएमएल)चे व्यवस्थापन करण्यासाठी नियमितपणे डॉक्‍टरांकडून तपासणी करण्याची गरज आहे. रूग्‍णांनी त्‍यांच्‍या बीसीआर-एबीएल पातळ्यांवर देखरेख ठेवणे महत्त्वाचे आहे, यामुळे आम्‍हाला रूग्‍णांच्‍या उपचार प्रतिसादावर देखरेख ठेवण्‍यास आणि गरज असलयास वेळेवर बदल करण्‍यास मदत होते. रूग्‍णांनी डॉक्टरांसोबत खुल्‍या मनाने संवाद साधणे अत्‍यंत महत्त्वाचे आहे. यामुळे कोणत्‍याही आवश्‍यक बदलांचे त्‍वरित निराकरण होण्‍याची, सीएमएलच्या प्रभावी व्‍यवस्‍थापनाला साह्य मिळण्‍याची आणि संपूर्ण उपचार प्रवासादरम्‍यान जीवनाचा दर्जा कायम राहण्‍याची खात्री मिळेल.”
१. नियमित मॉनिटरिंगद्वारे प्रगतीवर लक्ष कसे ठेवायचे?
सीएमएलच्या व्यवस्थापनासाठी नियमित बीसीआर- एबीएल तपासणी महत्त्वाची ठरते. या चाचण्या बीसीआर-एबीएल प्रोटीन पातळ्या तपासतात. त्यामुळे तुम्हाला तुमच्या उपचारांची प्रगती तपासता येते. युरोपियन ल्युकेमियानेट (ईएलएन) मार्गदर्शक तत्त्वांनुसार विशिष्ट बीसीआर- एबीएल टप्पे गाठल्यामुळे तुमचे उपचार प्रभावी आहेत की नाही हे दिसून येते.
२. माझ्या सध्याच्या उपचारांमध्ये संभाव्य प्रतिरोध किंवा असहनशीलतेबाबत मला काय माहीत असणे गरजेचे आहे?
टायरोसीन किनेस इनहिबिटर्स (टीकेआयएस) हा सीएमएल उपचारांमधील एक महत्त्वाचा टप्पा आहे. परंतु कधी-कधी रूग्णांना त्यांच्याबाबत प्रतिरोध किंवा असहनशीलता होऊ शकते. सातत्याने मळमळ होणे, स्नायूदुखी किंवा प्रचंड थकवा ही लक्षणे ओळखणे महत्त्वाचे आहे, कारण त्यामुळे वेगळे उपचार करण्याची गरज दिसू शकते.
३. सीएमएल उपचारांमधील नवीन सुधारणा काय आहेत?
सीएमएल उपचार सध्या बदलत आहेत. नवनवीन उपचार पद्धती सुधारित सुरक्षा आणि उपयुक्तता दर्शवतात. हे उपचार चांगले परिणाम दर्शवू शकतात, विशेषतः ज्यांचा रोग पुढच्या टप्प्यात गेलेला आहे त्यांच्यासाठी हे फायदेशीर ठरतात. या पर्यायांची तुमच्या डॉक्टरांसोबत चर्चा करा.
४. माझ्या सीएमएलचे संपूर्ण कालावधीत योग्यरित्या व्यवस्थापन केले आहे हे मला कसे कळेल?
सीएमएलचे व्यवस्थापन ही एक बदलती प्रक्रिया आहे. तिला नियमित मॉनिटरिंग आणि अ‍ॅडजस्टमेंट्सची गरज पडते. प्रभावी व्यवस्थापनात फक्त उपचारांचे पालनच नाही तर वेळोवेळी पाठपुरावा अपॉइंटमेंट्सच्या तसेच चाचण्यांच्या वेळा ठरवून तुमच्या रोगांवर तसेच उपचारांना प्रतिसादांवर लक्ष ठेवणे या गोष्टींचा समावेश आहे.
.png "Videos"){kind=small}
