माँडेलीझ इंडियाचा ‘शुभ आरंभ’! २०० हेल्थ अँड वेलनेस सेंटर्सला पाठिंबा

माँडेलीझ इंडियाच्या ‘शुभ आरंभ’ उपक्रमांतर्गत २०० हेल्थ अँड वेलनेस सेंटर्सला पाठिंबा देण्यात आला असून, ८०० हून अधिक गावांमधील १.४५ दशलक्ष लोकांना आरोग्यसेवा मिळण्यास मदत झाली आहे.

माँडेलीझ इंडियाने आपल्या ‘शुभ आरंभ’ या सीएसआर उपक्रमाच्या माध्यमातून हिमाचल प्रदेश, मध्यप्रदेश, आंध्रप्रदेश आणि महाराष्ट्रातील २०० हेल्थ अँड वेलनेस सेंटर्सना पाठिंबा दिला आहे. या प्रयत्नांमुळे ८०० हून अधिक गावांमधील १.४५ दशलक्ष नागरिकांना आरोग्यसेवा मिळण्यास मदत झाली आहे. या उपक्रमाअंतर्गत मातृ व बाल आरोग्य सुधारणा, असंसर्गजन्य आजार व्यवस्थापन आणि समुदाय सहभाग वाढवण्यावर भर दिला गेला आहे. भारत सरकारच्या आयुष्मान आरोग्य मंदिर उपक्रमाशी संलग्न या ब्रँडने संबंधित अधिकाऱ्यांकडे प्रभाव अहवाल सादर केला असून, यात या २०० केंद्रांच्या व्यवस्थापनाबाबत महत्त्वपूर्ण माहिती समाविष्ट आहे.

उन्हाळ्यात दुपारच्या जेवणाची चव वाढवण्यासाठी काकडीपासून बनवा चविष्ट सॅलड, नोट करून घ्या रेसिपी

या उपक्रमामुळे रूग्ण उपस्थितीत ५८% वाढ झाली असून, ११,६१८ उच्च-जोखीम गर्भधारणा ओळखण्यात आल्या आणि विशेष उपचारांसाठी संदर्भित केल्या गेल्या. तसेच, पाच वर्षांखालील ७,८०० हून अधिक मुलांना प्रगत उपचार मिळाले, तर १६० आरोग्य समित्यांना समुदाय-आधारित आरोग्यसेवा देखरेखीसाठी आवश्यक साधने देण्यात आली.

माँडेलीझ इंडियाच्या उपाध्यक्षा व सीजीए प्रमुख ओफिरा भाटिया म्हणाल्या, “दशकभर आम्ही समुदाय सशक्तीकरण आणि उदरनिर्वाह सुधारण्यावर लक्ष केंद्रित केले आहे. या प्रयत्नांचा एक महत्त्वाचा भाग म्हणजे दर्जेदार आरोग्यसेवा सर्वसामान्यांपर्यंत पोहोचवणे. आरोग्यसेवा हे आमच्या कटिबद्धतेचे प्रमुख क्षेत्र असून, आम्ही सरकारच्या नेतृत्वाखालील हेल्थ अँड वेलनेस सेंटरच्या विस्तारासाठी स्थानिक आरोग्य अधिकाऱ्यांसोबत सक्रिय सहकार्य करत आहोत. आमच्या या प्रयत्नांमुळे केवळ प्राथमिक आरोग्यसेवा अधिक सहज उपलब्ध झाल्या नाहीत, तर त्या अधिक परवडणाऱ्या आणि गुणवत्तापूर्णदेखील बनल्या आहेत. ग्रामीण आणि उपनगरीय भागातील नागरिकांना आवश्यक आरोग्यसेवा वेळेवर मिळावी, यासाठी आम्ही सातत्याने नव्या उपाययोजना राबवत आहोत. या उपक्रमाच्या माध्यमातून समुदायाला दीर्घकालीन फायदा होत असून, हेल्थकेअर सुविधांची गुणवत्ता आणि पोहोच अधिक व्यापक होत आहे.”

महिला दिनी फोर्टिस हॉस्पिटलच्या महिला डॉक्‍टरांनी जीवघेण्या वैद्यकीय आणीबाणीत वाचवले प्रवाशाचे प्राण

या उपक्रमामुळे अत्यावश्यक वैद्यकीय सेवा अधिक सहज उपलब्ध झाल्या असून, स्थानिक समुदायांचा वैद्यकीय खर्च २१% कमी झाला आहे, ज्यामुळे अनेक कुटुंबांना आर्थिक दिलासा मिळाला आहे. यामुळे केवळ व्यक्तीगत आरोग्य सुधारत नाही, तर व्यापक सामाजिक आणि आर्थिक सकारात्मक परिणाम घडत आहेत. हाच प्रयोग देशभरातील प्राथमिक आरोग्यसेवा सुधारण्यासाठी आदर्श ठरू शकतो आणि आरोग्यसेवेच्या क्षेत्रात समुदाय-केंद्रित आणि परिणामकारक बदल घडवण्यासाठी प्रेरणा देऊ शकतो.