उन्हाळ्यात दुपारच्या जेवणाची चव वाढवण्यासाठी काकडीपासून बनवा चविष्ट सॅलड, नोट करून घ्या रेसिपी

सकाळच्या नाश्त्यात किंवा इतर वेळी काकडीचे सेवन केले जाते. मात्र नेहमी नेहमी मीठ लावून काकडी खाण्यापेक्षा घरी सोप्या पद्धतीमध्ये काकडी सॅलड बनवून पहा. हे सॅलड चवीला अतिशय सुंदर लागते. काकडी सॅलड बनवण्याची रेसिपी.

दुपारच्या जेवणाची चव वाढवण्यासाठी काकडीपासून बनवा चविष्ट सॅलड

Follow Us:

Follow Us:

उन्हाळ्यात वातावरणातील उष्णतेचा परिणाम आरोग्यावर लगेच दिसून येतो. त्यामुळे या दिवसांमध्ये शरीर हायड्रेट आणि थंड राहील अशाच पदार्थांचे सेवन करावे. उन्हाळ्याच्या दिवसांमध्ये बाजारात काकडी मोठ्या प्रमाणावर उपलब्ध असते. काकडीमध्ये ९२ टक्के पाणी असते. त्यामुळे उन्हाळ्यासह इतर सर्वच दिवशी काकडीचे सेवन केले जाते. काकडीचे सेवन केल्यामुळे आरोग्यासह त्वचा अतिशय हायड्रेट राहते. त्वचेसंबंधित सर्व समस्यांपासून आराम मिळवण्यासाठी काकडीचे सेवन करावे. दुपारच्या किंवा संध्याकाळच्या जेवणात तुम्ही काकडीपासून बनवलेले सॅलड बनवू शकता. सॅलड खाणे आरोग्यासाठी अतिशय फायदेशीर आहे. चला तर जाणून घेऊया काकडी सॅलड बनवण्याची सोपी रेसिपी. (फोटो सौजन्य – iStock)

होळी सणानिमित्त घरी बनवा ‘लुसलुशीत मऊ पुरणपोळी’, पारंपरिक पद्धतीने बनवा पदार्थ

दुपारच्या जेवणात अनेकांना कांदा, टोमॅटो, काकडी, गाजर इत्यादी भाज्या कच्च्या खाण्याची सवय असते. या भाज्यांच्या सेवनामुळे शरीराला आवश्यक घटक मिळतात. याशिवाय कच्च्या भाज्यांचे सेवन केल्यामुळे शरीराची रोगप्रतिकारशक्ती सुधारते आणि आरोग्याला फायदे होतात. शरीरात निर्माण झालेली लोहाची आणि कॅल्शियमची कमतरता भरून काढण्यासाठी बीटरूट, काकडी इत्यादी भाज्यांचे सेवन करावे.

साहित्य:

• काकडी
• मीठ
• दही
• लसूण
• शेपूच्या भाजीचे देठ
• पुदिना
• कांदा
• लिंबाचा रस
• काळीमिरी पावडर

गोड पदार्थ खाण्याची इच्छा झाल्यास अवघ्या २० मिनिटांमध्ये बनवा साजूक तुपातला मैसूरपाक

कृती:

• काकडी सॅलड बनवण्यासाठी सर्वप्रथम, काकडी स्वच्छ पाण्याने धुवून घ्या. त्यानंतर काकडीच्या पातळ चकत्या करा.
• त्यानंतर त्यात चवीनुसार मीठ टाकून मिक्स करा. मीठ टाकल्यामुळे काकडीला पाणी सुटेल. काकडीला सुटलेले पाणी काढून घ्या.
• सॅलड बनवताना मोठ्या वाटीमध्ये दही, किसलेला लसूण, लिंबाचा रस, बारीक चिरून घेतलेली शेपूचे दांडे घालून मिक्स करा.
• नंतर त्यात चवीनुसार मीठ, काळीमिरी पावडर आणि उभा बारीक चिरून घेतलेला कांदाआणि काकडी टाकून मिक्स करा.
• तयार आहे सोप्या पद्धतीमध्ये बनवलेले काकडी सॅलड. या पद्धतीने बनवलेले सॅलड घरातील सगळ्यांचं नक्की आवडेल.

Web Title: How to make cucumber salad at home summer speacial recipe simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com