'तृणमूल काँग्रेस म्हणजे गुंडांचा पक्ष, मुर्शिदाबादमध्ये हिंदू मुली...' ; विवेक अग्निहोत्रींचा गंभीर आरोप
काश्मीर फाइल्सचे दिग्दर्शक विवेक अग्निहोत्री त्यांच्या नवीन चित्रपटामुळे पुन्हा एकदा चर्चेत आले आहेत. त्यांचा नवीन चित्रपट बंगाल फाइल्स हा राज्यातील जातीय हिंसाचार आणि इतर घटनांवर आधारित आहे. एका यूट्यूब पॉडकास्टमध्ये अग्निहोत्री यांनी ममता बॅनर्जी आणि तृणमूल काँग्रेस सरकारचा अतिशय कठोर शब्दात निषेध केला आहे. बंगाल एकेकाळी भारताच्या सांस्कृतिक क्रांतीचं केंद्र होतं. आज अशी परिस्थिती आहे की बंगालच्या लोकांच्या मनात राज्य सोडून जाण्याची भावना निर्माण होत आहे. आज बंगालमध्ये गुंडगिरीचे राज्य बनलं आहे, असा घणाघात त्यांनी सरकारवर केला.
Bihar Election : बिहार निवडणुकांसाठी NDA चा मास्टर प्लान ठरला; या नेत्याच्या नेतृत्वात लढणार निवडणूक
अग्निहोत्री म्हणाले की जर तुम्हाला काश्मीरबद्दल दुःख झाले असेल तर बंगाल तुम्हाला त्रास देईल. तृणमूल काँग्रेस सरकारवर टीका करताना ते म्हणाले की मी असे म्हणत नाही की उच्च न्यायालयाने मुर्शिदाबाद हिंसाचारात राज्य सरकारने योग्य काम केले नाही असे म्हटले आहे. पण आज तुम्ही बंगालला जा. मुर्शिदाबादला जा. हिंदू कुटुंबांमध्ये तुम्हाला मुली सापडणार नाहीत. बंगाल फाइल्स लोकांना जातीय हिंसाचाराच्या विरोधात जागरूक करेल. आज बंगालमधील परिस्थिती अशी झाली आहे की ही जागा मुस्लिम कुटुंबातील मुलींसाठीही सुरक्षित नाही. मी मुस्लिमांच्या विरोधात नाही. मी इस्लामिक धोरणाच्या विरोधात असल्याचं ते म्हणाले.
‘द काश्मीर फाईल्स’ या वादग्रस्त चित्रपटानंतर दिग्दर्शक विवेक अग्निहोत्री पुन्हा एकदा चर्चेत आले आहेत. त्यांच्या आगामी चित्रपट ‘बंगाल फाईल्स’ वरून राजकीय आणि सामाजिक क्षेत्रात खळबळ उडाली आहे. यूट्यूबर शुभांकर मिश्रा यांच्या पॉडकास्टमध्ये त्यांनी पश्चिम बंगालमधील धार्मिक हिंसा, TMC सरकारची कार्यपद्धती आणि मुख्यमंत्री ममता बॅनर्जी यांच्यावर थेट आणि कठोर शब्दांत टीका केली.
अग्निहोत्री म्हणाले की, “कधी काळी सांस्कृतिक क्रांतीचं केंद्र असलेला बंगाल आज गुंडागर्दीचं राज्य बनलं आहे. TMC ही गुंडांची पार्टी आहे. राज्यात आज अशी परिस्थिती निर्माण झाली आहे की तिथले नागरिकही आपलं राज्य सोडून जायला तयार आहेत.”
त्यांनी मुर्शिदाबादमधील हिंसेचा उल्लेख करत उच्च न्यायालयाच्या टिप्पणीकडे लक्ष वेधलं, आणि म्हटलं की, “मी काहीही स्वतःहून बोलत नाही, कोर्टानेच म्हटलं आहे की सरकारने योग्य प्रकारे कारवाई केली नाही.”
विवेक अग्निहोत्री यांच्या मते, ‘बंगाल फाईल्स’ हा चित्रपट धार्मिक अत्याचार आणि सामाजिक असमतोल उघड करून लोकांना सत्याशी परिचित करेल. त्यांनी सांगितलं की, “आज बंगालमध्ये असे हाल झाले आहेत की हिंदू आणि मुस्लिम दोन्ही समाजातील महिलांसाठी तिथे सुरक्षितता उरलेली नाही. माझा विरोध मुसलमानांना नाही, मी इस्लामिक पॉलिसीज विरोधात आहे.”चित्रपटावर बंदी घालण्याच्या शक्यतेबाबत त्यांनी स्पष्टपणे सांगितलं की, “या चित्रपटात काहीही असे नाही की तो बंदी घालावा लागेल. ही बंदी लावली तर ते सत्यावरचं आक्रमण असेल.” ते म्हणाले, “माझा काहीही संबंध नाही ना डाव्या विचारसरणीशी, ना उजव्या. मी भारतीय आहे.”
बॉलिवूडमधील काही मोठ्या नावांवरही त्यांनी नाव न घेता टीका केली. ‘तुम्हाला लोक राइट विंगचा अनुराग कश्यप म्हणतात’ या प्रश्नावर त्यांनी उत्तर दिलं की, “मी त्याच्यासारखा दारू प्यायचो नाही.” तसेच शाहरुख खान यांच्यावर अप्रत्यक्षपणे टीका करत म्हणाले, “एखाद्या अभिनेत्याचं काम हे नाही की तो आपल्या घरासमोर लाखोंचा जमाव जमवेल आणि त्यांना हात दाखवत राहील.”
Tejashwi Yadav : ‘जावई झाले आता मेहुणे, पत्नी आयोग स्थापन करा’; तेजस्वींचा CM नितीश कुमारांना टोला
विवेक अग्निहोत्रींच्या या विधानांमुळे आणि ‘बंगाल फाईल्स’मुळे पुन्हा एकदा राजकीय आणि सामाजिक क्षेत्रात वादळ निर्माण होण्याची शक्यता आहे. चित्रपटाच्या माध्यमातून ते बंगालमधील घटनांची एक वेगळी बाजू समोर आणणार असल्याचं त्यांनी स्पष्ट केलं आहे. आता पाहावं लागेल की, हा चित्रपट सत्याचा आवाज ठरेल की नवा वाद निर्माण करणारा अजून एक प्रयत्न.
.png "Videos"){kind=small}
