By Poll Elections: विधानसभा निवडणुकांची घोषणा; चार राज्यांत १९ जूनला होणार मतदान

NDA शासित राज्यांचे मुख्यमंत्री आणि उपमुख्यमंत्र्यांचे दिल्लीत एकत्र येणार; नेमकं काय आहे कारण?

उद्या अधिसूचना जारी केली जाईल

निवडणूक आयोगाने दिलेल्या माहितीनुसार, ज्या पाच जागांसाठी पोटनिवडणूक होणार आहे त्यासाठी उद्या म्हणजे २६ मे रोजी अधिसूचना जारी केली जाईल. नामांकनाची शेवटची तारीख २ जून आहे. उमेदवारी अर्जांची छाननी ३ जून रोजी होईल. उमेदवारांना ५ जूनपर्यंत नावे मागे घेण्याची संधी असेल. या जागांवर सर्व निवडणूक प्रक्रिया २५ जूनपूर्वी पूर्ण कराव्या लागतील.

बिहारमध्येही नगरपालिका निवडणुका

राज्य निवडणूक आयोगाने बिहारमध्येही निवडणुका जाहीर केल्या आहेत. निवडणूक आयोगाकडून शनिवारी (२४ मे) सहा नगरपालिका संस्थांमधील सार्वत्रिक निवडणुका तसेच ५१ नगरपालिका संस्थांमधील पोटनिवडणुकांच्या तारखा जाहीर केल्या. २८ जून रोजी सकाळी ७ ते सायंकाळी ५ वाजेपर्यंत मतदान होईल. ज्या महापालिका क्षेत्रात आणि ज्या वॉर्डांमध्ये निवडणुका होणार आहेत तिथे आदर्श आचारसंहिता लागू झाली आहे. आयोगाने जाहीर केलेल्या वेळापत्रकानुसार, २८ मे रोजी अधिसूचना प्रसिद्ध झाल्यानंतर नामांकन प्रक्रिया सुरू होईल. नामांकनाची शेवटची तारीख ५ जून निश्चित करण्यात आली आहे.

184 मिलियनहून अधिक पासवर्ड आणि लॉगिन डेटा लीक! Apple, Facebook, Snapchat युजर्सचा समावेश

नामनिर्देशन पत्रांची छाननी ६ जून ते ९ जून या काळात

नामनिर्देशन पत्रांची छाननी ६ जून ते ९ जून या कालावधीत केली जाईल. उमेदवारांची नावे मागे घेण्याची अंतिम तारीख १० ते १२ जून निश्चित करण्यात आली आहे. उमेदवारी अर्ज मागे घेतल्यानंतर, उमेदवारांना १३ जून रोजी निवडणूक चिन्ह मिळेल. २८ जून रोजी सकाळी ७ ते सायंकाळी ५ वाजेपर्यंत मतदान होईल आणि ३० जून रोजी सकाळी ८ वाजता मतमोजणी सुरू होईल.