पाकिस्तानची घबराट वाढली! अरबी समुद्रात भारताचा अचूक डाव; पाकच्या हालचालींवर नौदलाची नजर

जागतिक घडामोडी संबंधित बातम्या- मॉकड्रिलच्या आदेशाने हादरला पाकिस्तान! भारताच्या कठोर निर्णयावर पाक आर्मी चीफ बरळले; म्हणाले, “आमची प्रतिष्ठा…”

भारताचे P-8I विमान समुद्री सुरक्षेतील एक महत्वाची ताकद

भारताचे P-8I विमान हे समुद्री सुरक्षेतील एक महत्वाची ताकद आहे. अमेरिकेच्या बोईंग कंपनीने तयार केलेले हे विमान आहे. या विमानाला उडती नजर म्हणून ओळखले जाते. हे अत्याधुनिक विमान शत्रूंच्या पाणबुड्यांच्या हालचालींपासून ते जहाजांच्या हालचालींवर लक्ष ठेवण्यास सक्षम आहे. भारताच्या या ताकदीला पाकिस्तानच्या नौदल सरावाच्या अगदी जवळ उडाताना पाहण्यात आले असल्याचे फ्लाइट ट्रॅकिंग संकेतस्थाने माहिती दिली आहे. यामुळे भारताचे सर्वेलन्स आर्क म्हणजेच पाळत ठेवण्याचे क्षेत्र किती मजबूत आहे हे यावरुन स्पष्ट होते.

भारत नौदल आणि हवाई दलाच्या मोहीम

याशिवय भारत सध्या नौदल आणि हवाई दलाच्या संयुक्त मोहिमा राबवत आहे. भारताने समुद्रातील शत्रूंच्या हालचालींवर कटाक्ष नजर ठेवली आहे. नुकतेच भारतीय नौदलाने आणि DRDO ने एकत्र येऊन स्वदेशी मल्टी-इंफ्लुएंस ग्राऊंड माईनची यशस्वी चाचणी केली आहे. ही स्फोटके शत्रूच्या जहाजांना लक्ष्य करण्यास सक्षम आहे. पहलगाम हल्ल्यानंतर पाकिस्तानसोबत वाढत्या तणावाच्या पार्श्वभूमीवर ही चाचणी घेण्यात आली. भारताच्या या हालचालींनी पाकिस्तानची घाबरगुंडी उडालेली आहे.

या सर्व घडामोडींच्या पार्श्वभूमीवर नौदलाचे, वायुदलाचे प्रमुख आणि संरक्षण सचिव यांची पंतप्रदान मोदी यांच्यासह बैठक झाली. या बैठकीत सागरी सुरक्षेची सरकारकडून गांभीर्याने दखल घेण्यात आली.

भारताच्या हालचालीने वाढवली पाकिस्तानची चिंता

सध्या भारत केवळ बचावात्मक दृष्टीने नव्हे तर प्रत्येक संभाव्य हल्ल्याला ठोस प्रतिसाद देण्यासाठी सुसज्ज होत आहे. अरबी समुद्रातील भारताच्या उडती नजर चे दर्शन ही भारताची सागरी हद्दीत आणि संरक्षण व्यवस्थेतील सतर्कतेचे उदाहरण आहे. भारताच्या या लष्करी हालचालींमुळे पाकिस्तानची बोबडी वळली आहे. भारताच्या या हालचाली जागतिक स्तरावर ताकदीचा एक संदेश आहेत. दरम्यान आता भारत-पाकिस्तान तणाव काय वळण घेईल याकडे सर्वांचे लक्ष लागले आहे.

जागतिक घडामोडी संबंधित बातम्या- भारत-पाकिस्तान युद्धाचा भडका उडणार; Indian Navy ने केले ‘या’ घातक स्वदेशी मिसाईलचे परीक्षण