गेल्या काही दिवसांपासून अपघाताचे सत्र सुरु आहेत. अशातच आज (30 मे) जम्मू-काश्मीरमधील राजौरी जिल्ह्यात दर्शनासाठी जात असताना एक मोठी दुर्घटना घडली. भाविकांना घेऊन जाणारी बस रस्त्यावरून घसरून 150 खोल खड्ड्यात पडून 15 भाविकांचा मृत्यू झाला. तर अनेक प्रवासी जखमी झाले. मृतांचा आकडा वाढू शकतो, अशी माहिती अधिकाऱ्यांकडून देण्यात आली.
जम्मू-काश्मीरमधील भोले बाबाचे दर्शन घेण्यासाठी भाविक शिवखोडीकडे जात होते. कालीधर मंदिराजवळ बस अचानक खोल खड्ड्यात पडल्याने हा मोठा अपघात झाला आहे. जिल्ह्यातील कालीधर भागात ही बस रस्त्यावरून घसरून दीडशे फूट खोल खड्ड्यात पडल्याचे त्यांनी सांगितले.
मिळालेल्या माहितीनुसार, बस भाविकांना शिवखोडीकडे घेऊन जात होती. बचावकार्य सुरू करण्यात आले असून जखमींना रुग्णालयात नेण्यात येत असल्याचे अधिकाऱ्यांनी सांगितले.
यात्रेकरूंनी भरलेली बस उत्तर प्रदेशातील हाथरस येथून जम्मू-काश्मीरमधील शिव खोडीकडे जात असल्याचीही माहिती समोर आली आहे.
हा अपघात झाला तेव्हा बस चोकी चोरा परिसरातील टांगली वळणावर पोहोचली होती. तेथे हा अपघात झाला आणि बस सुमारे 150 फूट खाली खड्ड्यात पडली, मात्र, बससमोर अचानक वाहन आले की आणखी काही घडले हे अद्याप समजू शकलेले नाही.
.png "Videos"){kind=small}
