केजरीवालांच्या स्वीय सहाय्यकाने पोटात बुक्की मारली अन्…; स्वाती मलिवाल यांनी ‘त्या’ संपूर्ण घटनेचा जबाब नोंदवला

नवी दिल्ली : आम आदमी पक्षाच्या राज्यसभा खासदार स्वाती मालीवाल यांनी त्यांच्यासोबत असभ्य वर्तन केल्याप्रकरणी मुख्यमंत्री अरविंद केजरीवाल यांचे स्वीय सहाय्यक विभव कुमार यांच्याविरोधात जबाब नोंदवला आहे. 13 मे रोजी नेमकं काय झालं, त्या घटनेची संपूर्ण माहिती त्यांनी दिल्ली पोलिसांना दिली. त्यानंतर आता पोलिस या प्रकरणाचा तपास सुरू करणार आहेत.

सूत्रांनी दिलेल्या माहितीनुसार, स्वाती मालीवाल जेव्हा मुख्यमंत्री निवासस्थानी पोहोचल्या तेव्हा मुख्यमंत्र्यांचे स्वीय सहाय्यक विभव कुमार यांनी कानाखाली लगावल्याचा, लाथा घातल्याचा, काठीने मारहाण केल्याचा आणि पोटात मारल्याचा गंभीर आरोप केला आहे. स्वाती मलिवाल यांनी दावा केला आहे की, मुख्यमंत्री निवासस्थानी बिभव कुमार यांच्याकडून मारहाण होत असताना आपण त्यांना मला सोडून द्या अशी विनंती केली. यानंतर त्या बाहेर आल्या आणि थेट पोलिसांना फोन केला असं तक्रारीत लिहिलं आहे.

स्वाती मलिवाल यांनी सोमवारी कुमारने आपल्यावर हल्ला केल्याचा आरोप केला. आम आदमी पक्षाने या आरोपांची पुष्टी केली आहे. मात्र, याप्रकरणी कोणतीही रीतसर तक्रार दाखल झाली नव्हती. अखेर तक्रार दाखल झाल्यानंतर दिल्ली पोलिसांनी बिभव कुमारविरुद्ध महिलेचा विनयभंग, गुन्हेगारी धमकी, शब्द आणि हावभाव किंवा महिलेचा अपमान करण्याच्या हेतूने केलेली कृती आणि स्वेच्छेने दुखापत केल्याच्या आरोपाखाली एफआयआर नोंदवला आहे.

अतिरिक्त पोलिस आयुक्त (एसीपी) दर्जाच्या अधिकाऱ्याच्या नेतृत्वाखालील पोलीस पथकाने स्वाती मलिवाल यांच्या निवासस्थानी जाऊन त्यांचा जबाब नोंदवला. तपास पथकाने तब्बल 4 तास त्यांची चौकशी केली आणि संपूर्ण घटनाक्रम जाणून घेण्याचा प्रयत्न केला. यानंतर स्वाती मलिवाल यांनी सोशल मीडियावर पोस्ट शेअर करत योग्य कारवाई केली जावी अशी आशा व्यक्त केली.

विभव कुमार हे बिहारमधील सासाराम येथील रहिवासी आहे. त्यांनी बीएचयूमधून शिक्षण घेतले आहे. या आधी ईडीने दिल्लीतील अनेक बाबींची संबंधित त्यांची चौकशी केली आली. अण्णांच्या आंदोलनापूर्वीपासून ते अरविंद केजरीवाल यांच्याशी जोडले गेले होते. ते इंडिया अगेन्स्ट कॅप्शन मोहिमेशी सुरुवातीपासूनच संबंधित होते.

Web Title: Kejriwals colleague kicked me complaint filed by swati maliwal nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com