नवी दिल्ली : दिल्लीतील मद्य घोटाळ्याप्रकरणी ईडीने बुधवारी आपचे राज्यसभा खासदार संजय सिंह (Sanjay Singh) यांच्या अटकेनंतर दुसऱ्या दिवशी गुरुवारी ईडी आणि आयकर विभागाने चार राज्यांमध्ये मोठ्या प्रमाणावर छापे टाकले.
पालिका भरती घोटाळ्याप्रकरणी पश्चिम बंगाल सरकारमधील मंत्री रथिन घोष यांच्या घरावर, चेन्नईतील डीएमके खासदाराच्या घरावर तर तेलंगणातील बीआरएस आमदार याशिवाय कर्नाटकातील शिवमोगा येथील डीसीसी बँकेचे चेअरमन यांच्या घरावर छापेमारी करण्यात आली आहे.
पश्चिम बंगालमधील ममता सरकारमधील मंत्री रथिन घोष यांच्या निवासस्थानावर ईडीने छापा टाकला. ते मध्यग्राम मतदारसंघाचे आमदार असून, ममता सरकारमध्ये अन्न पुरवठा मंत्री आहेत. पालिका भरती घोटाळ्यातील सहभागाबाबत ही कारवाई करण्यात आली आहे. रथिनच्या कोलकाता निवासस्थानासह १३ ठिकाणी छापे टाकण्यात आले.
तामिळनाडूत खासदाराच्या घरी झाडाझडती
तामिळनाडूतील डीएमके खासदार एस जगतरक्षकन यांच्या परिसराची आयकर विभागाने झडती घेतली आहे. विभागाने 40 हून अधिक ठिकाणी छापे टाकले. एकॉर्ड डिस्टिलर्स अँड ब्रूअर्स प्रायव्हेट लिमिटेडवरही आयटीने छापे टाकले आहेत.
.png "Videos"){kind=small}
