Zomato वर आता 2 दिवस आधीच ऑर्डर बुक करा, कसं ते जाणून घ्या…

Zomato ने त्यांच्या युजर्ससाठी एक नवीन फीचर लाँच केलं आहे. या नवीन फीचरमुळे Zomato युजर्स 2 दिवसांआधीच त्यांची ऑर्डर बुक करता येणार आहे. ऑर्डर कशी बुक करायची ते जाणून घ्या...

दिवस असो वा रात्र, पाऊस असो किंवा थंडी… भूक लागली असेल किंवा स्वयंपाक करण्याची इच्छा नसेल तर फक्त आपण मोबाईल फोन काढतो आणि काही मिनिटांत गरमा गरम अन्न दारात पोहोचवले कसं पोहचेल याची सोय करतो. डिजिटल जगात ऑनलाइन फूड ऑर्डर करण्याची संस्कृती वाढत आहे. रेस्टॉरंट्समधील खाद्यपदार्थ काही मिनिटांत कोणत्याही प्रयत्नाशिवाय घरासमोर येतं. आवडते पदार्थ खावेसे वाटत असल्यास तुम्हाला तुमच्या फोनवर कोणतेही फूड डिलिव्हरी ॲप उघडावे लागेल आणि जेवणाची ऑर्डर द्यावी लागेल.असा एक अॅपम्हणजे Zomato…

ऑनलाइन फूड डिलिव्हरी ॲप Zomato ने ग्राहकांसाठी खास फीचर लाँच केले आहे. या नवीन फीचरमुळे ग्राहकांना दोन दिवस अगोदर त्यांच्या ऑर्डर शेड्यूल करता येणार आहे. याचा अर्थ आता Zomato च्या माध्यमातून तुम्ही तुमच्या सोयीनुसार खाद्यपदार्थ आगाऊ बुक करू शकणार आहे.

आता Zomato ने 30 मोठ्या शहरांमध्ये ही सुविधा उपलब्ध करुन दिली आहे. Zomato वरून खाद्यपदार्थ ऑर्डर करत असाल आणि दिल्ली NCR, बेंगळुरू, मुंबई, अहमदाबाद, चंदीगड, पुणे, रायपूर, लखनौ आणि जयपूर येथे राहत असाल तर तुम्ही या सेवेचा लाभ घेऊ शकता. ही सुविधा या विविध शहरांमधील सुमारे 35,000+ रेस्टॉरंटमध्ये उपलब्ध असणार आहे.

हे वैशिष्ट्य कसे कार्य करेल?

Zomato च्या ऑर्डर शेड्युलिंगसह, तुम्ही तुमच्या जेवणाची आगाऊ योजना करू शकता. हे सुनिश्चित करेल की तुमची ऑर्डर तुम्हाला आवश्यक त्या वेळी येईल. तुमची ऑर्डर याप्रमाणे शेड्यूल करा:

1. तुमची ऑर्डर तुमच्या पसंतीच्या वेळी शेड्यूल करा, मग ती काही तासांत असो किंवा काही दिवसांत.

2. चेकआउट दरम्यान तुम्हाला टाइम स्लॉटची व्यवस्था करण्यास सांगितले जाईल.

3. तुमचे जेवण ताजे तयार केले जाईल आणि त्याची गुणवत्ता देखील राखली जाईल.

Zomato चे सीईओ दीपेंद्र गोयल यांनी सोशल मीडिया प्लॅटफॉर्म X वर पोस्ट करून या नवीन सेवेच्या लाँचिंगची माहिती दिली आहे. दीपेंद्र गोयल यांनी त्यांच्या पोस्टमध्ये म्हटलं आहे की, तुम्ही आता Zomato वर ऑर्डर शेड्यूल करू शकता. 2 दिवस अगोदर ऑर्डर देऊन तुमच्या जेवणाचे उत्तम नियोजन करा आणि आम्ही वेळेवर वितरण करू. आत्तासाठी, दिल्ली NCR, बेंगळुरू, मुंबई, अहमदाबाद, चंदीगड, लखनौ आणि जयपूरमधील सुमारे 13,000 आउटलेटवर 1,000 रुपयांवरील ऑर्डरसाठी शेड्युलिंग उपलब्ध आहे. या फीचरमध्ये अ‍ॅड करण्यात आलेल्या रेस्टॉरंटमध्ये ऐतिहासिकदृष्ट्या, मोठ्या प्रमाणात डिशेसचा साठा आहे. यामध्ये आणखी रेस्टॉरंट्स आणि शहरे जोडली जात आहेत.