रविवार, 25 ऑक्टोबर 2026
पश्चिम बंगाल निवडणूकीतील भाजप जाहीरनामा प्रसिद्ध झाला आहे (फोटो - सोशल मीडिया)
Bengal Election BJP Manifesto : कोलकाता : देशातील पाच राज्यांमध्ये विधानसभा निवडणूका होत आहे. यामधील सर्वात जास्त पश्चिम बंगालच्या निवडणूकांची चर्चा रंगली आहे. तृणमूल काँग्रेस आणि भाजपमध्ये (BJP Politics) जोरदार वाद-विवाद सुरु आहे. दरम्यान, भाजपने पश्चिम बंगालमधील जनतेला आश्वासनांची खैरात वाटली आहे. संकल्प पत्र जाहीर करत त्यांनी महिलांना आकर्षित योजना जाहीर केल्या आहेत. महाराष्ट्राप्रमाणे पश्चिम बंगालमध्ये (West Bengal Election) देखील दर महिना पैसे देण्याचे आश्वासन देण्यात आले आहे.
आगामी विधानसभा निवडणुकांच्या पार्श्वभूमीवर, पश्चिम बंगालच्या राजकारणात महिला आणि युवा मतपेढी हा सर्वात निर्णायक घटक बनला आहे. राज्यात सत्ता मिळवण्यासाठी भाजपने’संकल्प पत्र’ प्रसिद्ध केले आहे. ममता बॅनर्जी यांच्या लोकप्रिय ‘लक्ष्मी भंडार’ योजनेच्या प्रभावाला तोंड देण्यासाठी आणि मतदारांचा पाठिंबा मिळवण्यासाठी भाजपने अनेक मोठ्या आर्थिक घोषणा केल्या आहेत. यामध्ये, भाजपने मध्यम आणि निम्नवर्गीय महिलांना दरमहा ३००० रुपयांची आर्थिक मदत देण्याचे मोठे आश्वासन दिले आहे. त्यामुळे महाराष्ट्रातील लाडकी बहीण योजनेप्रमाणे पश्चिम बंगालमध्ये देखील महिलांना दरमहिना पैसे देण्याचे आश्वासन भाजपने दिले आहे.
हे देखील वाचा : “सरकारकडे पैसे नसतील, तर लाडकी बहीण योजना बंद करा…; हाय कोर्टाने फटकारले
महाराष्ट्रामध्ये विधानसभा निवडणूक जिंकण्यामध्ये लाडकी बहीण योजना गेमचेंजर ठरली होती. महायुतीच्या तिन्ही पक्षांनी या योजनेचा जोरदार प्रचार केला होता. याचप्रमाणे आता पश्चिम बंगालमध्ये देखील महिलांना दर महिन्याला तीन हजार रुपये दिले जाणार असल्याचे सांगण्यात आले आहे.
हे देखील वाचा : नाशिक महिला पोलिसांचे ‘अंडरकव्हर’ ऑपरेशन; ‘ते’ आठ दिवस अन् धर्मांतर रॅकेटचा पर्दाफाश
मध्यम आणि निम्नवर्गीय महिलांना आणि बेरोजगार तरुणांनाही दरमहा ३,००० रुपये देण्याचे आश्वासन देण्यात आले आहे. याशिवाय, माता आणि बाळ दोघांचेही आरोग्य आणि पोषण सुनिश्चित करण्यासाठी गर्भवती महिलांना २१,००० रुपयांची एक-वेळ मदत जाहीर करण्यात आली आहे. सत्तेत आल्यास ही मदत रक्कम आणखी वाढवण्याचे आश्वासन पक्षाने दिले आहे. पश्चिम बंगालच्या मुख्यमंत्री ममता बॅनर्जी यांना जोरदार राजकीय शह देण्यासाठी भाजपने डाव आखला आहे.
ममता बॅनर्जींच्या ‘लक्ष्मी भांडार’ आणि युवा साथी योजनेवर टीका
मुख्यमंत्री ममता बॅनर्जींची ‘लक्ष्मी भांडार’ योजना ही पश्चिम बंगालमधील तृणमूल काँग्रेसच्या (TMC) मजबूत पकडीमागील एक मोठा ‘मास्टरस्ट्रोक’ मानली जाते. या योजनेअंतर्गत राज्यातील महिलांना थेट त्यांच्या बँक खात्यात रोख रक्कम दिली जाते. बंगालमधील महिला मतदारांना TMC च्या बाजूने संघटित करण्यात या योजनेने मोठी भूमिका बजावली आहे.
काय आहे योजना?
लक्ष्मी भंडार योजना पश्चिम बंगालमध्ये ममता बॅनर्जी यांच्या टीएमसी सरकारने २०२१ मध्ये प्रथम सुरू केली. सुरुवातीला, सर्वसाधारण प्रवर्गातील महिलांना दरमहा ₹१,००० आणि अनुसूचित जाती/जमातीतील महिलांना ₹१,२०० दिले जात होते. फेब्रुवारी २०२६ च्या निवडणूक अर्थसंकल्पात, ही रक्कम सर्वसाधारण प्रवर्गातील महिलांसाठी ₹१,५०० आणि अनुसूचित जाती/जमातीतील महिलांसाठी ₹१,७०० पर्यंत वाढवण्यात आली. सध्या अंदाजे २४.२ दशलक्ष महिला या योजनेचा लाभ घेत आहेत.
