Kolkata Doctor Case: 'संजय रॉयला जन्मठेप नव्हे फाशीच'; 'निर्भया'साठी ममता बॅनर्जी थेट मैदानात
कोलकाता: गेल्या वर्षी 9 ऑगस्ट रोजी कोलकातातील आरजी कार रुग्णालयात एका महिला डॉक्टरवर बलात्कार करून तिची हत्या करण्यात आली होती. देशाला हादरवून टाकणाऱ्या या घटनेनंतर जवळपास 162 दिवसांनी न्यायालयाने आरोपी संजय रॉयला दोषी घोषित करण्यात आले. सोमवारी (20 जानेवारी) सियालदाह न्यायालयाने त्याला जन्मठेपेची शिक्षा सुनावली. तसेच 50 हजार रुपयांचा दंड ठोठावण्यात आला. मात्र आता पश्चिम बंगाल सरकारने या प्रकरणात कोलकाता हायकोर्टात धाव घेतली आहे.
कोलकाता येथील आर जी कर रुग्णालयात झालेल्या अत्याचार प्रकरणात सियालदाह कोर्टाने आरोपीला जन्मठेपेची शिक्षा सुनावली, मात्र पश्चिम बंगाल सरकार आता या निर्णयाचा विरोधात हायकोर्टात पोहोचली आहे. पश्चिम बंगाल सरकारने या प्रकरणात याचिका दाखल करण्याची परवानगी हायकोर्टाकडे मागितली होती. दरम्यान ही विनंती कोलकाता हायकोर्टाने मान्य केली आहे.
या प्रकरणातील एकमेव दोषी संजय रॉय याला फाशीची शिक्षा व्हावी यासाठी महाधीवक्ता किशोर दत्ता यांनी न्यायमूर्ती देबांग्सु बसक यांच्या अध्यक्षतेखालील खंडपीठासमोर याचिका दाखल केली आहे. या याचिकेतून सियालदाह कोर्टाने सुनावलेल्या जन्मठेपेच्या शिक्षेला आव्हान देण्यात आले आहे. दरम्यान राज्य सरकारने हायकोर्टात याचिका दाखल करून आरोपीला फाशीची शिक्षा व्हावी अशी मागणी केली आहे.
मुख्यमंत्री ममता बॅनर्जी सियालदाह कोर्टाच्या निर्णयावर नाराज
संजय रॉयला जन्मठेपेची शिक्षा सुनावण्यात आल्यानंतर परंतु पश्चिम बंगालच्या मुख्यमंत्री ममता बॅनर्जी यांनी यावर प्रतिक्रीया दिली आहे. ” मी न्यायालयाच्या या निर्णयावर समाधानी नाही. आम्ही सर्वांनी आरोपीला मृत्युदंडाची मागणी केली होती, पण न्यायालयाने जन्मठेपेची शिक्षा सुनावली. मी समाधानी नाहीये.” ममता बॅनर्जी यांनी नाराजी व्यक्त करताना म्हटले होते की, “आम्ही सुरुवातीपासूनच मृत्युदंडाची मागणी करत होतो, परंतु न्यायालयाने जन्मठेपेची शिक्षा सुनावली आहे. जर हे प्रकरण सीबीआयकडे सोपवले गेले नसते आणि आमच्या हाती असते तर खूप आधीच आम्ही त्याला फाशीची शिक्षा सुनावली असती.”
भाजपही समाधानी नाही
एवढेच नाही तर भारतीय जनता पक्षाच्या नेत्या आणि केंद्रीय मंत्री सुकांता मजुमदार यांनीदेखील प्रतिक्रीया दिली आहे. “आरोपीला मृत्युदंड द्यायला हवा होता. पण तसेघडले नाही. पीडितेच्या कुटुंबाला पैसे नकोत. बंगालच्या लोकांना असे वाटत नाही की यामध्ये फक्त एकच व्यक्ती सामील होती, याची चौकशी झाली पाहिजे. संजयने ज्या लोकांची नावे घेतली आहेत त्यांचीही चौकशी झाली पाहिजे, असेही न्यायालयाने म्हणायला हवे होते.
न्यायालयाच्या निर्णयाविरुद्ध निषेध
दरम्यान, न्यायालयाच्या या निर्णयाविरोधात पश्चिम बंगाल ज्युनियर डॉक्टर्स फ्रंट, जॉइंट फोरम ऑफ डॉक्टर्स आणि अभय मार्च निदर्शकांनी सियालदाह न्यायालयाबाहेर निदर्शने केली आहेत.
आरोपी संजय रॉयला जन्मठेपेची शिक्षा
कोलकाताच्या सियालदाह सत्र न्यायालयाने अखेर आज (20 जानेवारी) या प्रकरणातील आरोपीला शिक्षा सुनावली. न्यायालयाने आरोपी संजय रॉयला जन्मठेपेची शिक्षा सुनावली आहे. तथापि, संजय रॉय म्हणतात की त्यांनी काहीही चुकीचे केलेले नाही. न्यायालयात, आरोपीने एक विचित्र युक्तिवाद केला आणि म्हटले की त्याने काहीही चुकीचे केले नाही. तो रुद्राक्षाची माळ घालतो, जर त्याच्याकडून काही चूक झाली असती तर घटनेच्या वेळीच माळ तुटली असती.
.png "Videos"){kind=small}
