नवी दिल्ली : १८ जुलै रोजी राष्ट्रपतीपदासाठी मतदान (President Election Voting) झाल्यानंतर आज २१ जुलै रोजी सकाळी ११ वाजता संसद भवनात (Parliament) मतमोजणीला सुरुवात होणार आहे. या निवडणुकीत एनडीएच्या (NDA) राष्ट्रपतीपदाच्या उमेदवार द्रौपदी मुर्मू (Draupadi Murmu) विजयी होण्याची अपेक्षा आहे. द्रौपदी मुर्मू राष्ट्रपतीपदाच्या निवडणुकीत जिंकल्या तर, त्या देशाच्या पहिल्या आदिवासी महिला (Tribal Woman) राष्ट्रपती म्हणून पदभार स्वीकारतील. १५ वर्षांपूर्वी २१ जुलै २००७ रोजी प्रतिभा पाटील (Pratibha Patil) यांच्या रूपाने देशाला पहिल्या महिला राष्ट्रपती मिळाल्या होत्या.
देशाचे विद्यमान राष्ट्रपती रामनाथ कोविंद (President Kovind) यांचा कार्यकाळ २४ जुलै रोजी संपणार असून, नवे राष्ट्रपती २५ जुलै रोजी शपथ घेणार आहेत. राष्ट्रपतीपदासाठी १८ जुलै रोजी मतदान पार पडल्यानंतर सर्व राज्यांतील मतपत्रिका संसद भवनात आणण्यात आल्या असून, संसदेच्या ६३ क्रमांकाच्या खोलीत मतमोजणी पार पडणार आहे.
.png "Videos"){kind=small}
