सौजन्य - ICC Asia Cricket बांगलादेश टीमचे मुख्य प्रशिक्षकांना तत्काळ केले बडतर्फ, खेळाडूला कानाखाली मारल्यानंतर मोठी कारवाई
Bangladesh Head Coach Chandika Hathurusinghe : बांगलादेशचे मुख्य प्रशिक्षक चंडिका हथुरुसिंघे बांगलादेश क्रिकेट संघाचे मुख्य प्रशिक्षक चंडिका हथुरुसिंघे यांना शिस्त न पाळल्याबद्दल निलंबित करण्यात आले आहे. प्रथम त्यांना 48 तासांसाठी निलंबित करण्यात आले आणि नंतर तत्काळ प्रभावाने बडतर्फ करण्यात आले. अशा परिस्थितीत फिल सिमन्स 2025 च्या चॅम्पियन्स ट्रॉफीपर्यंत बांगलादेश संघाचे अंतरिम मुख्य प्रशिक्षक म्हणून जबाबदारी सांभाळतील. बांगलादेशचे प्रशिक्षक एका खेळाडूला थप्पड मारल्यामुळे वादात सापडले आहेत.
बांगलादेशच्या मुख्य प्रशिक्षकांना केले बडतर्फ
JUST IN: Bangladesh head coach Chandika Hathurusinghe has been suspended following allegations he slapped a player at last year's ODI World Cup. His contract will be terminated after 48 hours of suspension, with Phil Simmons to take over until next year's Champions Trophy pic.twitter.com/7Jq7uXuDW4 — ESPNcricinfo (@ESPNcricinfo) October 15, 2024
हथुरुसिंघे यांच्या नेतृत्वाखाली चांगले क्रिकेट
अलीकडच्या काळात बांगलादेशच्या संघाने हथुरुसिंघे यांच्या नेतृत्वाखाली चांगले क्रिकेट खेळले आहे, परंतु मुख्य प्रशिक्षकाच्या हकालपट्टीमागे त्याचे वर्तन कारणीभूत आहे. 2023 च्या एकदिवसीय क्रिकेट विश्वचषकादरम्यान नसुम अहमदला थप्पड मारल्याबद्दल तो वादात सापडल्याचे आठवते. बीसीबीचे अध्यक्ष फारुख अहमद यांनी पत्रकार परिषदेत सांगितले की, नसुम अहमद यांना थप्पड मारणे हे देखील हथुरुसिंघे यांना प्रशिक्षकपदावरून हटवण्याचे एक प्रमुख कारण आहे. प्रशिक्षकपद भूषवताना त्यांनी कोणाचीही परवानगी न घेता रजेवर जाण्याचा निर्णयही घेतला होता.
प्रथमच बांगलादेशचे मुख्य प्रशिक्षक बनवण्यात आले
चंडिका हथुरुसिंघे यांना 2014-2017 दरम्यान प्रथमच बांगलादेशचे मुख्य प्रशिक्षक बनवण्यात आले होते, परंतु त्यावेळी त्यांनी करार संपण्यापूर्वीच आपल्या पदाचा राजीनामा दिला होता. हथुरुसिंघेच्या या कारवाईनंतरही बीसीबीने त्याच्यावर कोणतीही कठोर कारवाई केली नाही.
