आमदार कितीही वेळा व्हा राव पण पेन्शन मिळणार एका टर्मचीच, पंजाबचे मुख्यमंत्री भगवंत मान यांचा धडाकेबाज निर्णय

पंजाबचे मुख्यमंत्री भगवंत मान (Chief Minister Bhagwant Mann) म्हणाले की, एखादा व्यक्ती किती वेळाही निवडून आला तरी त्याला फक्त एकाच टर्मची पेन्शन (Pension) मिळेल. यामुळं पंजाब सरकारचे (Punjab Government) कोट्यवधी रुपये वाचणार आहेत. हे पैसे लोक कल्याणासाठी राबवली जाणार आहे.

चंदीगढ : पंजाबमध्ये (Punjab) आम आदमी पक्षाचं (AAP) सरकार आहे. सत्तेवर येताच मुख्यमंत्री भगवंत मान (Chief Minister Bhagwant Mann) यांनी मोठा निर्णय जाहीर केला आहे. भगंवत मान यांनी राज्यातील आमदारांना मिळणाऱ्या पेन्शन (MLA Pension) संदर्भात माहिती दिली आहे. पंजाबच्या आमदारांना आता एका वेळेची पेन्शन मिळणार आहे. आमदार कितीही टर्म निवडून आले असली तरी त्यांना केवळ एका टर्मची पेन्शन मिळणार आहे.

भगवंत मान यांच्या निर्णयामुळं पंजाब सरकारचे कोट्यवधी रुपये वाचणार आहेत. हा वाचणारा निधी पंजाबच्या आणि विद्यार्थ्यांच्या हितासाठी वापरणार असल्याचं भगवंत मान म्हणाले. भगवंत मान यांच्या या निर्णयाचं आपच्या कार्यकर्त्यांनी स्वागत केलं आहे. आपकडून पंजाबची सत्ता मिळाल्यावर धडाकेबाज निर्णयांची मालिका पंजाबच्या आपच्या सरकारकडून सुरु आहे.

See more

Today, we have taken another big decision. The pension formula for Punjab’s MLAs will be changed. MLAs will now be eligible for only one pension.

Thousands of crores of rupees which were being spent on MLA pensions will now be used to benefit the people of Punjab. pic.twitter.com/AdeAmAnR7E

— Bhagwant Mann (@BhagwantMann) March 25, 2022

भगवंत मान म्हणाले की, आमदार लोकांना हात जोडून मत मागतात. अनेक जण तीन ते चार वेळा आमदार होतात. सहा वेळा आमदार होतात. काही कारणामुळं ते पराभूत होतात. मात्र, अनेक टर्म निवडून आल्यानंतर त्यांना लाखो रुपयांची पेन्शन मिळते. काही आमदारांना ५ लाख, ४ लाख रुपये दरमहा पेन्शन मिळते. तर, काही जण आमदार झाल्यानंतर खासदार देखील होतात. ते दोन्ही पेन्शन घेतात. त्यामुळं पंजाब सरकारनं आमदारांच्या पेन्शनसंदर्भात निर्णय घेतला आहे, असं भगवंत मान म्हणाले.

[read_also content=”राज्यात गुटखा आणि सुगंधी तंबाखूवर बंदी असताना नागपुरात सापडला ९ लाखांचा माल, अन्न आणि औषध प्रशासन विभागाची जप्तीची कारवाई https://www.navarashtra.com/maharashtra/gutkha-and-aromatic-tobaaco-seized-in-nagpur-nrsr-259739/”]

भगवंत मान यांनी बेरोजगारीचा मोठा मुद्दा असल्याचं देखील म्हटलं. विद्यार्थी पदवी घेऊन घरी बसले आहेत. ज्यांनी नोकरी मागितली त्यांच्यावर लाठीचार्ज करण्यात आला. पाणी फेकण्यात आलं. विद्यार्थ्यांना नोकऱ्या मिळाल्या नाहीत. यामुळं आम्ही या समस्या सोडवण्यासाठी मोठी पावलं उचलत असल्याचं ते म्हणाले. भगवंत मान म्हणाले की, एखादा व्यक्ती किती वेळाही निवडून आला तरी त्याला फक्त एकाच टर्मची पेन्शन मिळेल. यामुळं पंजाब सरकारचे कोट्यवधी रुपये वाचणार आहेत. हे पैसे लोक कल्याणासाठी राबवली जाणार आहे. आमदारांच्या फॅमिली पेन्शनमध्येही कपात करण्याचा निर्णय घेतला जाण्याची शक्यता आहे.