बार्शी / नवराष्ट्र न्यूज नेटवर्क : बार्शी शहरात सध्या आगामी नगरपालिका निवडणुकीच्या पार्श्वभूमीवर विद्यमान सत्ताधाऱ्यांकडून विविध प्रकारची खोटी आश्वासने देऊन फसवणुकीचा प्रकार सुरू आहेत. यापासून नागरिकांनी सावध राहावे. शासकीय नियम पाहता प्लॉटमधील खुली जागा त्या प्लॉटधारकांच्या सोसायटीच्या मालकीचे असतात. त्यामुळे कोणीही फसवणुकीला बळी पडू नये, असे आवाहन माजी मंत्री दिलीप सोपल (Dilip Sopal) व विरोधी पक्षनेते नागेश अक्कलकोटे यांनी पत्रकार परिषदेत केले आहे.
सोपल यांनी सांगितले की, बार्शीमध्ये निवडणुका जवळ आल्या की खोट्या आश्वासनांची खैरात होत असते. याचाच भाग म्हणून गेल्या काही दिवसापासून बार्शी शहरातील लेआउटमधील खुली जागा विविध समाजाला देतो, आमदार कोट्यातून समाज मंदिर बांधून देतो, या नावाखाली भूमिपूजन कार्यक्रम सुरू आहेत. या पार्श्वभूमीवर सोपल यांनी पत्रकार परिषदेत शासकीय नियमांचे, जिल्हा नियोजन अधिकारी यांनी सर्व नगरपालिकांना लेआउटमधील ओपन स्पेसवर शासकीय निधीतून कामे प्रस्तावित न करण्याबाबतचे दिलेले पत्र तसेच तत्कालीन जिल्हाधिकारी प्रवीण गेडाम यांचेकडून ओपन स्पेस संदर्भाने केलेले ठराव रद्द करण्याच्या कार्यवाहीचे निकाल सादर केले.
माजी मंत्री सोपल म्हणाले, विद्यमान सत्ताधाऱ्यांकडून निवडणुकीच्या तोंडावर आश्वासनांचा पाऊस ही नियमित बाब झालेली आहे. ज्या गोष्टी आपल्या हातात नाहीत त्या गोष्टींचे आश्वासने देऊन फक्त मतावर डोळा ठेवणे हे या मंडळींचे काम आहे. यापूर्वी देखील नगरपालिका निवडणुकीत या अनुषंगाने घरपट्टीवरील व्याज माफ करण्याचं आश्वासन जाहीरनाम्यात देऊन ते पाळू शकले नाहीत.
नियमित पाणीपुरवठा आश्वासन ज्यांना पाळता आलेले नाही. ती मंडळी समाजाला खुला प्लॉट देण्याच्या नावाखाली सक्रिय झालेली आहेत. परंतु कोणत्याही समाजाने, यासंदर्भात जे शासकीय नियम आहेत जे सर्वांवर बंधनकारक आहेत ते पाहता कृपया आपली फसगत होऊ नये, यासाठी या माध्यमातून आपणास आवाहन करण्यात येते की संबंधित सत्ताधाऱ्यांनी ज्या समाजाला जे ओपन स्पेस देण्याचे आव्हान केले आहे. ते ओपन स्पेस दिल्या संदर्भात कोणताही शासकीय पत्रव्यवहार त्यांनी दाखवावा, त्या ठिकाणी शासकीय योजनेतून मिळालेली मंजुरी जिल्हाधिकारी अथवा जिल्हा नियोजन अधिकारी यांच्या स्वाक्षरी दाखवावी.
.png "Videos"){kind=small}
