बार्शी / नवराष्ट्र न्यूज नेटवर्क : बार्शी नगरपालिकेचे माजी उपनगराध्यक्ष व कसबा पेठेतील प्रतिष्ठित व्यक्ती स्व. तुकाराम बापू शिंदे यांच्या अर्धाकृती पुतळ्याचे अनावरण माजी मंत्री दिलीप सोपल यांच्या हस्ते करण्यात आले. तुळजापूर रस्त्यावरील कदम वस्ती येथे हा पुतळा शिंदे कुटुंबियांच्या वतीने उभारण्यात आला आहे.
या कार्यक्रमास माजी नगराध्यक्ष विश्वास बारबोले, मंगल शेळवणे, ह.भ.प. गहिनीनाथ महाराज, आदी उपस्थित होते. यावेळी माजी मंत्री सोपल म्हणाले, राजकारणात तुकाराम बापू यांच्याकडून भरपूर शिकायला मिळाले. तुकाराम बापु शिंदे म्हणजे आठवणींचा खजिना होते. ते कौटुंबिक आयुष्यपेक्षा सार्वजनिक आयुष्य जास्त जगले.
यावेळी माजी नगराध्यक्ष विश्वास बारबोले, विरोधी पक्षनेते नागेश अक्कलकोटे यांनीही शिंदे यांच्या आठवणी सांगितल्या. शिंदे यांचे जावई सुरेश शेळके यांच्या संकल्पनेतून हा पुतळा तयार करण्यात आला आहे.
कार्यक्रमास यावेळी माजी नगराध्यक्ष कादर तांबोळी, मंगल शेळवणे, माजी उपनगराध्यक्ष दत्ता अण्णा शिंदे, अंबादास शिंदे, अमोल शिंदे, पंकज शिंदे, तानाजी बोकेफोडे यांच्यासह बार्शीतील नागरिक उपस्थित होते.
.png "Videos"){kind=small}
