फोटो सौजन्य - अमन सेहरावत सोशल मीडिया
अमन सेहरावत-दिलीप जोशी : पॅरिस ऑलिम्पिक २०२४ मध्ये भारताचा युवा कुस्तीपटू अमन सेहरावतने दमदार कामगिरी करून भारताला कांस्यपदक मिळवून दिले. त्यानंतर तो भारतामध्ये परतल्यानंतर त्याचे जंगी स्वागत करण्यात आले आहे. त्याचबरोबर १५ ऑगस्ट रोजी झालेल्या स्वातंत्र्यदिनी भारताचे पंतप्रधान नरेंद्र मोदी यांनी सर्व खेळाडूंची भेट घेतली होती. परंतु अमन सेहरावतने एका विशेष व्यक्तीची भेट तो जेव्हा भारतामध्ये परतला तेव्हा घेतली नाही. अमन सेहरावतने त्याच्या एका पॅरिसमध्ये झालेल्या मुलाखतीमध्ये सांगितले होते की, तो जेव्हा कुस्तीचा सराव करत नाही तेव्हा त्याला टेलिव्हिजनवरची प्रसिद्ध कॉमेडी कार्यक्रम “तारक मेहता का उलटा चश्मा” पाहायला आवडतो.
हेदेखील वाचा – वेदा आणि खेल खेल में चित्रपट बॉक्स ऑफिसवर वाईट स्थितीत! जाणून घ्या 8व्या दिवसाची कमाई
आता तारक मेहता का उलटा चश्मा मध्ये मुख्य भूमिकेत असलेला जेठालाल म्हणजेच दिलीप जोशी यांनी स्वतः अमन सेहरावतची भेट घेतली आहे. अमन सेहरावतने त्याच्या सोशल मीडियावर दिलीप जोशी यांच्यासोबतचे काही फोटो शेअर केले आहेत. यामध्ये त्यांनी त्यांनी त्याला विशेष भेटवस्तू देखील दिली आहे. अमन सेहरावतने फोटो शेअर करून कॅप्शन मध्ये लिहिले आहे की, “आज जेठालाल (दिलीप जोशीजी) @maakasamdilipjoshi यांना भेटून मला खूप आनंद झाला. “तारक मेहता का उल्टा चष्मा” मध्ये त्याला पाहून मला नेहमी हसायला आले आणि आनंद झाला, मला भेटल्याबद्दल तुमचे खूप खूप आभार.”
अमन सेहरावतने सोशल मीडियावर एक खास पोस्ट शेअर केली आहे. यामध्ये त्याला भेटण्यासाठी तारक मेहता का उलटा चश्माचे मुख्य अभिनेते दिलीप जोशी उर्फ जेठालाल यांनी त्यांची भेट घेतली आहे. यावेळी त्यांनी त्याला जलेबी फाफडा भेट म्हणून दिला आहे. त्याचबरोबर त्याच्यासोबत संवाद साधतानाचे काही फोटो शेअर केले आहेत.
.png "Videos"){kind=small}
