Let love be fulfilled ..... Majnu and Prempujari pray in the temple of love which has a story of 600 years ago
बांदा : भारत विविध संस्कृती आणि चालीरितीनी परिपूर्ण देश आहे. सध्याचे दिवस यात्रा जत्रांचे दिवस असून देशात विविध ठिकाणी विविध प्रकारच्या जत्रा, यात्रा आणि मेळा भरू लागले आहेत, उत्तरप्रदेशातील बांदा जिल्ह्यतील भूरागड येथे दर मकरसंक्रांतीच्या काळात एक विशेष मेळा भरतो आणि त्याला मजनूंचा मेळा म्हटले जाते.
आशिक म्हणजे प्रेमाचा अनुरोध करणारा. केन नदी काठी भरणारा हा मेळा भूरागड किल्ल्याजवळ असलेल्या एका मंदिरात भरतो. प्रेमासाठी बलिदान केलेल्या प्रेमी जीवांची पार्श्वभूमी या मागे आहे. प्रेमासाठी प्राणार्पण केलेला नट महाबली बीतन याची ही कथा. त्याचे येथे मंदिर बांधले गेले असून त्याला प्रेम का मंदिर असेच नाव आहे.
दरवर्षी लाखोंच्या संखेने येथे प्रेमपुजारी येतात, प्रेमाच्या या देवाला खिचडीचा नैवैद्य अर्पण करतात आणि आपले प्रेम सिद्धीस जाऊदे अशी प्रार्थना करतात.
यामागची कथा अशी की 600 वर्षापूर्वी महोबाचा अर्जुनसिंग या भूरागडचा किल्लेदार होता. मध्यप्रदेशातील सरबई गावातील एक नट या किल्ल्यात नोकरीसाठी आला. या प्रदेशाच्या राजाची कन्या त्याच्या प्रेमात पडली. राजाला जेव्हा राजकन्या त्याचा प्रेमात पडल्याचे समजले तेव्हा त्याने बीतनला एक अट घातली.
भूरागड समोर नदीपलीकडे असलेल्या बाम्बेश्वर किल्ल्यापासून बीतनने कच्चा दोर या किल्लावर बांधायचा आणि त्या दोरावरून चालत यायचे. कच्चा दोर बांधला गेला आणि बीतनची पावले दोरावरून चालू लागली. तेव्हा राजाने एका बाजूने हा दोर कापून टाकला. बीतन उंचावरून खाली कोसळून मरण पावला आणि किल्ल्याच्या खिडकीतून हे दृश्य पाहत असलेल्या राजकन्येने त्याच्या प्रेमाला जागून खिडकीतून खाली उडी मारून जीव दिला. तेथे या दोघा प्रेमींची समाधी बांधली गेली त्यालाच प्रेम का मंदिर म्हणतात.
[read_also content=”पायलटच्या केबिनमध्ये घुसले मांजर… अथक प्रयत्न करुनही मांजर हाती न लागल्याने विमानात हलकल्लोळ https://www.navarashtra.com/latest-news/a-cat-enters-the-pilots-cabin-nrvk-96808.html”]
.png "Videos"){kind=small}
