वडिलांशी मतभेद; कुटुंबात बहिणींसोबत बिघडलेले संबंध; अशाप्रसंगी रवींद्र जडेजाला आईची आठवण; स्वतः स्केच बनवत भावूक पोस्ट

टी-20 विश्चचॅम्पियन बनल्यानंतर भारतीय संघाचे देशभरात कौतुक होत आहे. चॅम्पियन टीम इंडियाचा अष्टपैलू खेळाडू रवींद्र जडेजाने विश्वचषकानंतर टी-20 फॉरमॅधून निवृत्ती घेतली. रवींद्र जडेजाने आपल्या आईला त्याच्या कर्तृत्वाचे श्रेय देत इन्स्टावर भावूक पोस्ट टाकली आहे.

Ravindra Jadeja Emotional Post of Mother : भारताचा अष्टपैलू खेळाडू रवींद्र जडेजाने आपल्या दिवंगत आईला भावपूर्ण श्रद्धांजली वाहिली आहे. जडेजाने सोशल मीडियावर एक स्केच शेअर केला आहे, ज्यामध्ये तो T-20 विश्वचषकासह तो आईशेजारी उभा आहे. रवींद्र जडेजाला बिकटप्रसंगी आपल्या आईची आठवण आली, यावर त्याने आपल्या कारकिर्दीचे श्रेय आईला दिले आहे. 34, रोहित शर्माच्या भारतीय संघाचा भाग होता ज्याने गेल्या महिन्यात कॅरेबियन बेटांवर T20 विश्वचषक जिंकला होता.

रवींद्र जडेजाने आईवर केली इमोशनल पोस्ट

See more

रवींद्र जडेजाच्या पत्नी रिवाबावर जड्डूच्या वडिलांचे गंभीर आरोप

भारताने केन्सिंग्टन ओव्हलवर झालेल्या रोमहर्षक फायनलमध्ये दक्षिण आफ्रिकेचा पराभव करून विजेतेपदाची 17 वर्षांची प्रतीक्षा संपवली. जडेजाने आपल्या आईसोबत स्केच शेअर करणेदेखील खास आहे कारण त्याचे कुटुंबासोबतचे नाते खूपच बिघडले आहे. काही महिन्यांपूर्वी जडेजाचे वडील अनिरुद्ध सिंह यांनी त्यांची आमदार सून रिवाबा यांच्यावर कुटुंब उद्ध्वस्त केल्याचा आरोप केला होता.

कलात्मक रेखाटन आणि भावनिक पोस्ट
2005 मध्ये, जेव्हा रवींद्र जडेजा फक्त 17 वर्षांचा होता आणि भारतीय अंडर 19 संघाचा भाग बनला तेव्हा त्याच्या आईचे निधन झाले. जडेजाने आपल्या इंस्टाग्राम अकाऊंटवर एका भावनिक पोस्टद्वारे आईची आठवण काढली. जडेजाने लिहिले, ‘मी मैदानावर जे काही करीत आहे, ती तुम्हाला श्रद्धांजली आहे.’ दिव्य भास्करला दिलेल्या मुलाखतीत जडेजाच्या वडिलांनी सांगितले होते की, त्यांचा रवी (रवींद्र सिंग जडेजा) किंवा त्याची पत्नी (रिवाबा जडेजा) यांच्याशी काहीही संबंध नाही. जामनगरमध्ये तो एकटाच राहतो, तर क्रिकेटपटू मुलाचा पंचवटीत वेगळा बंगला आहे. अनिरुद्ध सिंह जडेजा सून रिवाबाबद्दल पुढे म्हणाला होता की, तिने फसवणूक करून कुटुंब उद्ध्वस्त केले, तिला वेगळे राहायचे आहे आणि मुलालाही आपल्यापासून वेगळे केले आहे.

जडेजाने विश्वचषक जिंकताच निवृत्ती घेतली
भारताने T20 विश्वचषक जिंकल्यानंतर जडेजाने आपली T20 आंतरराष्ट्रीय कारकीर्द संपवण्याचा निर्णय घेतला होता. त्यांनी एका भावनिक पोस्टद्वारे निवृत्तीची घोषणा केली होती. त्यानंतर जडेजाने सोशल मीडियावर लिहिले की, ‘आभाराने भरलेल्या अंत:करणाने मी T20 आंतरराष्ट्रीयला निरोप देतो. अभिमानाने धावणाऱ्या अविचल घोड्याप्रमाणे, मी माझ्या देशासाठी नेहमीच माझे सर्वोत्तम दिले आहे आणि इतर फॉरमॅटमध्येही असेच करत राहीन. T20 विश्वचषक जिंकणे हे माझ्या टी-20 आंतरराष्ट्रीय कारकिर्दीतील शिखर ठरलेले स्वप्न पूर्ण झाले. आठवणी, उत्साह आणि अटूट पाठिंब्याबद्दल धन्यवाद.
2009 मध्ये पदार्पण केल्यापासून जडेजाची ही T20 आंतरराष्ट्रीय कारकीर्द आहे. भारतासाठी 74 T20I मध्ये, जडेजाने 21.45 च्या सरासरीने 515 धावा केल्या, ज्यामध्ये सर्वाधिक 46 नाबाद स्कोअर आहे. याशिवाय त्याने 7.13 च्या इकॉनॉमी रेटने 54 बळी घेतले. विराट कोहली आणि रोहित शर्मा यांनी T20 ला अलविदा केल्यानंतर जडेजाने निवृत्ती घेतली. मात्र, तो आता भारताच्या कसोटी आणि एकदिवसीय संघाचा भाग राहील.