पुणे : कुख्यात गुंड संदीप मोहोळ खून प्रकरणी माेक्का न्यायालयाचे न्यायाधीश ए.एन. शिरसीकर यांनी तीन जणांना जन्मठेप सुनावली. तर बारा जणांची निर्दाेष मुक्तता केली. सचिन पाेटे, जमीर शेख, संताेष लांडे अशी दाेषी ठरविण्यात आलेल्यांची नावे आहे.
मारणे आणि माेहाेळ टाेळीतील वैमनस्यातून मारणे टाेळीने मोहोळ याचा ऑक्टोबर २००६ रोजी पौड फाटा येथे गोळ्या घालून खून केला हाेता. मारणे टाेळीतील अनिल मारणे याच्या खुनाचा बदला घेण्यासाठी संदीप माेहाेळचा खुन केला गेला हाेता. या गुन्ह्यात पाेिलसांनी टाेळीप्रमुख गणेश मारणे, सचिन पोटे , संजय कानगुडे, समीर शेख, सोपान मारणे, राहुल तारू, अनिल खिलारे, विजय कानगुडे, शरद विटकर, नीलेश माझीरे, राहील शेख, दत्तात्रेय काळभोर, दीपक मोकाशी अादींना अटक केली हाेती. या खटल्यातील आराेपी पांडुरंग मोहोळ, दिनेश खडकसिंग आवजी आणि इंद्रनील चंद्रभूषण मिश्री यांचा सुनावणीच्या कालावधीत मृत्यू झाला.
या खटल्यात सरकारी वकील म्हणून तत्कालीन जिल्हा सरकारी वकील अ‍ॅड. उज्ज्वला पवार, ॲड. विलास पठारे यांनी काम पाहिले. तर आरोपींकडून अ‍ॅड. सुरेशचंद्र भोसले, ॲड. डॉ. चिन्मय भोसले, अ‍ॅड. सुधीर शहा, अ‍ॅड. हर्षद निंबाळकर, ॲड. एन. डी. पवार अ‍ॅड. ॲड. संदीप पासबोला, अ‍ॅड. राहुल वंजारी, अ‍ॅड. अतुल पाटील, अ‍ॅड. धैर्यशील पाटील, अ‍ॅड. जितेंद्र सावंत, अ‍ॅड. राहुल भरेकर, अ‍ॅड. विपुल दुशिंग यांनी बाजू मांडली.
.png "Videos"){kind=small}
