मल्टिनॅशनल कंपनीत गुंतवणुकीचे आमिष; १४ ग्राहकांना ८६ लाखांनी लुटले, वाचा सविस्तर…

ई-गेम एशिया कंपनीत गुंतवणुकीचे आमिष दाखवून १४ ग्राहकांना ८६ लाख रुपयांनी गंडा घालून फरार झालेला ठगबाज सुदत्त रामटेक (वय ४६ रा. लक्ष्मीनगर) याला आर्थिक गुन्हेशाखा पोलिसांनी गोवा येथे अटक केली.

नागपूर (Nagpur).   ई-गेम एशिया कंपनीत गुंतवणुकीचे आमिष दाखवून १४ ग्राहकांना ८६ लाख रुपयांनी गंडा घालून फरार झालेला ठगबाज सुदत्त रामटेक (वय ४६ रा. लक्ष्मीनगर) याला आर्थिक गुन्हेशाखा पोलिसांनी गोवा येथे अटक केली. याप्रकरणात पोलिसांनी कंपनीचा अन्य संचालक लोकेश जर्नादन वाघमारे याला आधीच अटक केली. सध्या तो कारागृहात आहे.

[read_also content=”नागपूर/ विदर्भातील डेल्टा प्लस विषाणूचा शास्त्रीय अभ्यास होणार; १०० नमुने तपासणीसाठी ‘राष्ट्रीय विषाणू प्रयोगशाळे’कडे रवाना नागपूर/ विदर्भातील डेल्टा प्लस विषाणूचा शास्त्रीय अभ्यास होणार; १०० नमुने तपासणीसाठी ‘राष्ट्रीय विषाणू प्रयोगशाळे’कडे रवाना”]

सुदत्त व लोकेश या दोघांनी ई-गेम एशिया नावाच्या कंपनीसारखीच दिसणारी वेबसाइट तयार केली. यात लुडो, फुटबॉल, क्रिकेट, टेबल पूल ,कॅरमसह १८ खेळ ऑनलाइन खेळले जातात. गजाननगर टी पॉइंट येथे दोघांनी कंपनीचे कार्यालय स्थापन केले. कंपनीत गुंतवणूक केल्यास १३ ते २० टक्क्यांपर्यंत नफा मिळवून देण्याचे आमिष त्यांनी ग्राहकांना दाखविले. साडेतीन हजार रुपयांपासून ते पाच लाख रुपयांपर्यंतच्या विविध योजना सादरा केल्या. साडेतीन ते अकरा हजार रुपये जमा केल्यास पहिल्या १५ महिन्यांपर्यंत १३ टक्के तर ५३ हजार व त्यापेक्षा अधिक रक्कम जमा केल्यास १६ ते २० टक्के व्याज देण्याचे आमिष दोघांनी ग्राहकांना दाखविले. या योजनांमध्ये १४ ग्राहकांनी ८६ लाख रुपये गुंतविले.

[read_also content=”Corona Update Nagpur/ नागपुरात बुधवारी १६ कोरोना पाॅझिटिव्ह रुग्णांची नोंद; तिसऱ्या लाटेला रोखण्यासाठी सर्वतोपरी प्रयत्न https://www.navarashtra.com/latest-news/16-corona-positive-patients-registered-in-nagpur-on-wednesday-every-effort-is-made-to-prevent-the-third-wave-nrat-149253.html”]

मुदत संपल्यानंतर दोघांनी गुंतवणूकदारांना पैसे परत केले नाही. कार्यालय बंद करून दोघेही पसार झाले. डॉ. सपना पंकज पाटील यांनी आर्थिक गुन्हेशाखेकडे तक्रार केली. एप्रिल महिन्यांत धंतोली पोलिस स्टेशनमध्ये दोघांविरुद्ध गुन्हा दाखल करण्यात आला. गुन्हा दाखल झाल्याचे कळताच दोघेही पसार झाले. पोलिसांनी वाघमारे याला अटक केली. सुदत्त हा फरार होता.

तो गोव्यातील एका हॉटेलमध्ये असल्याची माहिती आर्थिक गुन्हेशाखेचे उपायुक्त विवेक मसाळ यांना मिळाली. मसाळ यांच्या मार्गदर्शनाखाली पोलिस निरीक्षक महेंद्र अंभोरे, हेडकॉन्स्टेबल प्रशांत किंदर्ले, भारत ठाकूर व धीरज गायकवाड गोवा येथे गेला सापळा रचून सुदत्त याला अटक केली. त्याला नागपुरात आणले.

पोलिसांनी सुदत्त याला न्यायालयात हजर केले. न्यायालयाने त्याची १ जुलैपर्यंत पोलिस कोठडीत रवानगी केली. फसवणुकीचा आकडा आणखी वाढण्याची शक्यता आहे. फसवणूक झालेल्या ग्राहकांनी सिव्हिल लाइन्स येथील प्रशासकीय इमारतीत आर्थिक गुन्हेशाखा कार्यालयात तक्रार करावी, असे आवाहन पोलिस निरीक्षक महेंद्र अंभोरे यांनी केले.