दुर्मिळ खवल्या मांजराची तस्करी, गुप्तधन शोधण्यासाठी करत होते उपयोग, दोन आरोपींना अटक

संबंधित आरोपी हे दुर्मिळ खवल्या मांजराचा उपयोग गुप्तधन शोधण्यासाठी करीत असल्याचे एका वनाधिका-याने सांगितले. माहिती मिळताच, वनाधिका-यांनी धाड टाकून कारवाई करीत सदर खवल्या मांजर ताब्यात घेतले.

Updated On: Feb 15, 2022 | 11:57 AM
Two suspects arrested for smuggling rare scaly cats

Two suspects arrested for smuggling rare scaly cats

Follow Us
Follow Us:
गडचिरोली : उत्तर धानोरा वनपरिक्षेत्र कार्यालयांतर्गत मुस्का उपक्षेत्रातील सालेभट्टी (भाकरोंडी) गावात दुर्मिळ खवल्या मांजर  असल्याची माहिती मिळताच, वडसा वनविभागाचे सहाय्यक उपवनसंरक्षक मनोज चव्हाण यांच्या पथकाने छापा टाकून दुर्मिळ खवल्या मांजर जप्त केले आहे. या प्रकरणी दोन आरोपींना अटक करण्यात आली. मात्र, एक आरोपी फरार झाला. एकनाथ शामराव सिडाम, मुकेश मारोती बोडगेवार (रा. धानोरा) अशी अटक करण्यात आलेल्या आरोपींची नावे आहेत. तर, रवींद्र घिसुजी होळी (रा. धानोरा) असे फरार आरोपीचे नाव आहे.
[read_also content=”देशातील दुसरा महाकुंभ असणाऱ्या मेडाराम यात्रेसाठी तेलंगाणातून बसेस सुरु https://www.navarashtra.com/latest-news/vidarbha/gadchiroli/buses-start-from-telangana-for-medaram-yatra-the-second-largest-amulet-in-the-country-nraa-237657.html”]
एकनाथ सिडाम यांच्या घरी दुर्मिळ खवल्या मांजर असल्याची गोपनीय माहिती वडसा वनविभागाला मिळाली. या माहितीच्या आधारे सहाय्यक उपवनसंरक्षक मनोज चव्हाण यांच्या नेतृत्वात वनविभागाच्या पथकाने त्याच्या घरी धाड टाकून तपासणी केली असता, खवल्या मांजर आढळून आले. खवल्या मांजराला वनविभागाने आपल्या ताब्यात घेवून तीन आरोपींना अटक केली आहे. सदर प्रकरण गडचिरोली वनविभागाकडे सोपविण्यात आले आहे.
[read_also content=”अखेर यो यो हनीसिंग नागपूर पोलिसांसमोर हजर, तब्बल साडेचार तास दिले आवाजाचे नमुने https://www.navarashtra.com/nagpur/vidarbha/nagpur/finally-yo-yo-honey-singh-appeared-before-the-nagpur-police-and-gave-voice-samples-for-four-and-a-half-hours-nraa-238433.html”]
मुख्य आरोपी रवींद्र होळी हा फरार
या प्रकरणी वडसा वनविभागाच्या पथकाने एकनाथ सिडाम व मुकेश बोडगेवार यांना चौकशीसाठी ताब्यात घेतले आहे. मात्र, आरोपी रवींद्र होळी हा वनविभागाच्या पथकाची चाहूल लागताच फरार झाला. या प्रकरणी गडचिरोली वनविभागाचे उपवनसंरक्षक कुमार स्वामी यांनी या प्रकरणी फरार रवींद्र होळी मुख्य आरोपी असल्याचे सांगितले आहे.
[read_also content=”आदित्य ठाकरे साहेब, मच्छीमार बांधवांची पण भेट घ्या….मच्छीमार संघटनेला का डावलताय ? https://www.navarashtra.com/chandrapur/vidarbha/chandrapur/aditya-thackeray-saheb-also-meet-the-fishermen-brothers-why-are-you-attacking-the-fishermens-association-nraa-237615.html”]
दोन आरोपींना एक दिवसाचा एफसीआर
वनविभागाच्या अधिका-यांनी सिडाम व बोडगेवार यांना चौकशीसाठी ताब्यात घेतले. चौकशी दरम्यान दोघेही आरोपी असल्याचे स्पष्ट झाले आहे. दोघांनाही अटक करुन न्यायालयात हजर केले असता, न्यायालयाने दोन्ही आरोपींना एक दिवस वनकोठडीत ठेवण्याचे आदेश दिले आहेत.

गुप्तधन शोधण्यासाठी खवल्या मांजराचा उपयोग
संबंधित आरोपी हे दुर्मिळ खवल्या मांजराचा उपयोग गुप्तधन शोधण्यासाठी करीत असल्याचे एका वनाधिका-याने सांगितले. याची माहिती मिळताच, वनाधिका-यांनी धाड टाकून कारवाई करीत सदर खवल्या मांजर ताब्यात घेतले. कारवाई दरम्यान दोन दुचाकी, दोन मोबाईल जप्त करण्यात आल्याची माहिती वनविभागाने दिली आहे.

Web Title: Two suspects arrested for smuggling rare scaly cats nraa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Feb 15, 2022 | 11:57 AM

Topics: