ज्योतिषशास्त्र (jyotishshastra) आणि वास्तूनुसार रंगांशी आपले अतूट नाते आहे. रंग आपल्या भावना प्रतिबिंबित करतात आणि प्रत्येक रंगाचा आपल्या मनाशी आणि शरीराशी खोल संबंध असतो. काही रंग आपल्याला उत्तेजित करतात, काही आपल्याला राग आणतात आणि काही रंग आपल्याला शांती आणि आनंद देण्यास मदत करतात. शरीर आणि मन निरोगी ठेवण्यासाठी रंगांचे योग्य संतुलन राखणे फार महत्वाचे आहे. प्रत्येक ग्रहाचे स्वतःचे वेगवेगळे रंग असतात ज्याचा आपल्या जीवनावर परिणाम होतो, रंगांच्या योग्य वापराने ग्रह देखील बरे होऊ शकतात. तुम्हाला माहित आहे का की आठवड्यातील प्रत्येक दिवस कोणत्या ना कोणत्या रंगाशी निगडीत असतो त्यामुळे प्रत्येक दिवसानुसार रंग परिधान करणे आपल्यासाठी खूप फायदेशीर ठरू शकते.
[read_also content=”अंजूला पाकिस्तानी कोट्याधीशाने 40 लाखांचा फ्लॅट केला गिफ्ट! म्हणाला- तिने इस्लामचा स्वीकार केल्याने आम्ही खूप आनंदी आहोत https://www.navarashtra.com/india/pakistani-busunessman-gidted-40-lakh-rupees-flat-to-anju-for-converted-in-muslim-nrps-438602.html”]
सोमवार
सोमवार हा चंद्राचा दिवस आहे. या दिवशी पांढऱ्या रंगाचे कपडे घालण्याचा सल्ला दिला जातो. या दिवशी आपण देखील फिकट रंगाचे कपडे घालू शकता. पण या दिवशी पांढरे कपडे घालणं देखील शुभ असतं. म्हणून दिवसाला यशस्वी आणि तेजस्वी बनविण्यासाठी पांढऱ्या रंगाच्या व्यतिरिक्त इतर कोणतेही रंग निवडू नका. तरच चांगले असणार आणि गडद रंगाला तर या दिवशी पूर्णपणे विसरूनच जा.
मंगळवार
मंगळवार हा मारुतीचा वार आहे. म्हणून या दिवशी लाल, नारंगी, गडद तपकिरी आणि चॉकलेटचा रंग उपयुक्त असतो. या दिवसाचा ग्रह मंगल आहे. म्हणून म्हरून रंग देखील खूप महत्त्वाचे आहे. या दिवशी हे रंग घातल्याने आपल्या व्यक्तिमत्त्वात एक वेगळंच आकर्षण निर्माण होतं आणि आपल्या गोष्टींचा समोरच्या वर सखोल परिणाम होतो.
बुधवार
हा दिवस गणपतीचा असतो, गणपतींना दुर्वा अधिक प्रिय आहे. या दिवशी हिरव्या रंगाचे विशेष महत्त्व आहे. हिरवा रंग बुध ग्रहाचा असतो. म्हणून या दिवशी हिरव्या रंगाचे कपडे घालणं विशेषतः फलदायी असतं. या मुळे व्यवसायात, नोकरीत अनुकूल वातावरण तयार होतं. या दिवशी पांढरा रंग देखील घालू शकता.
गुरुवार
गुरुवार हा गुरुदेव बृहस्पतींचा आहे. बृहस्पती देवांना पिवळा रंग फार आवडीचा आहे. हे मान- सन्मानाचे देव देखील मानले जातात. म्हणून या दिवशी पिवळा आणि सोनेरी रंग वापरणे अत्यंत उत्तम मानतात. या शिवाय गुलाबी, नारंगी देखील उत्तम मानले गेले आहेत. पण पिवळे आणि सोनेरी रंगाचे कपडे घातल्यानं हा दिवस आपल्यासाठीच असणार.
शुक्रवार
हा आई दुर्गेचा दिवस आहे. या दिवशी नेहमी स्वच्छ आणि धुतलेले कपडेच घालावे. या दिवशी रंगीत, प्रिंटेड कपडे घातल्यानं शरीरात चपळता आणि ऊर्जेचा प्रवाह होताना जाणवतो. या दिवशी फिकट लाल, गुलाबी, केशरी रंग, चौकड्याचे, धारी किंवा लाइन बनलेले कपडे घातल्यानं हे प्रत्येक क्षेत्रात फायदे देतात.
शनिवार
शनिवारचे आराध्य देव न्यायमूर्ती शनी महाराज आहे. शनिदेवांना काळा, निळा, गडद जांभळा आणि जांभळा रंग आवडतो. म्हणून या दिवशी या रंगाचे कपडे घातल्यानं शनी देवांची कृपा आपल्यावर राहते. हे गडद रंगाचे कपडे घातल्यानं माणसामध्ये आत्मविश्वास आणि संकल्प शक्तीची भावना प्रबळ होते. म्हणून आपण या दिवशी हे गडद रंग घालणं सुरू करा विश्वास ठेवा की आपण ज्या क्षेत्रात काम करत आहात आपण आपली छाप सोडण्यात यशस्वी व्हाल.
रविवार
रविवार हा सूर्यदेवाचा, तेजाचा, ऊर्जेचा दिवस आहे, म्हणून या दिवशी लाल, गडद पिवळा, सोनेरी, संत्री आणि गुलाबी रंग आपल्याला विशेष ऊर्जा देतात. या दिवशी नवीन कपडे घालत नाही पण रंगीत किंवा रंग बेरंगी कपडे घातल्यानं स्वतःला ताजेतवाने आणि उत्साहित अनुभवता.
