केसांचे सौंदर्य आणखीन वाढवण्यासाठी केसांना लावा काकडीपासून बनवलेले ‘हे’ हेअर मास्क

केसांच्या मजबूत आणि चमकदार वाढीसाठी आपण बाजारात मिळणारी अनेक उत्पादने वापरतो. पण त्याचा फारसा परिणाम आपल्या केसांवर दिसून येत नाही. त्यामुळे केसांच्या मजबूत वाढीसाठी घरगुती पदार्थांचा देखील वापर केला पाहिजे. केसांच्या मजबूत वाढीसाठी काकडीपासून बनवलेले हेअर मास्क नक्की वापरून पहा. यामुळे केस मऊ आणि सुंदर दिसतील.

केसांची वाढ ही केसांच्या गुणवत्तेवर अवलंबून असते. त्यामुळे जर तुमच्या केसात कोंडा,घाण,केस कोरडे होणे, केस सतत गळणे इत्यादी अनेक समस्या जाणवत असतील तर त्याचा परिणाम केसांच्या वाढीवर लगेच दिसून येतो. त्यामुळे केसांची योग्य ती निगा राखणे आवश्यक आहे. केसांचे आरोग्य निरोगी ठेवण्यासाठी केसांना योग्य ते पोषण मिळणे आवश्यक आहे. केसांना हायड्रेट ठेवणे सुद्धा तितकेच आवश्यक आहे. निरोगी केसांसाठी नेहमी 7 ते 8 लिटर पाणी प्यायले पाहिजे.

उन्हाळा किंवा इतर ऋतूंमध्ये शरीराला थंड ठेवण्याचे काम काकडी करते. यामुळे शरीरातील उष्णता कमी होऊन शरीर थंड राहते. काकडीमध्ये असलेल्या गुणधर्मांमुळे शरीरासोबत केसांना देखील त्याचे फायदे होतात. टाळूवरील कोंडा, कोरडे केस, सतत टाळूला खाज येणे इत्यादी सर्व समस्या कमी होऊन केसांची वाढ होते. आज आम्ही तुम्हाला केसांच्या मजबूत वाढीसाठी आणि केस गळती होऊ नये, यासाठी काकडीपासून हेअर मास्क कसा तयार करायचा, याबद्दल काही टिप्स सांगणार आहोत. ज्या नक्की वापरून पाहा.(फोटो सौजन्य- istock) 

काकडी लिंबू हेअर मास्क:

• काकडी लिंबू हेअर मास्क बनवण्यासाठी एका भांड्यात काकडी किसून तिचा रस काढून घ्या.
• काकडीच्या रसात दोन चमचा लिंबूचा रस टाकून व्यवस्थित मिक्स करा.
• मिक्स करून झाल्यानंतर केसांच्या मुळांपासून टोकांपर्यंत सगळीकडे हेअर मास्क लावा.
• ३० मिनिटं ठेवून केस स्वच्छ पाण्याने धुवून घ्या.

काकडी मध हेअर मास्क:

• काकडी मध हेअर मास्क तयार करण्यासाठी काकडी बारीक कापून तिची पेस्ट तयार करा.
• पेस्ट तयार करून झाल्यानंतर त्यात मध टाका. हे मिश्रण व्यवस्थित मिक्स करून घ्या.
• मिक्स करून झाल्यानंतर संपूर्ण केसांना व्यवस्थित लावून घ्या.
• २० ते २५ मिनिटं ठेवून केस स्वच्छ पाण्याने धुवा. यामुळे केस गळती थांबून केस मजबूत होतील.

काकडी दही हेअर मास्क:

• हेअर मास्क तयार करण्यासाठी काकडीचा रस काढून त्यात १ चमचा दही मिक्स करून घ्या.
• मिक्स करून झाल्यानंतर व्यवस्थित केसांना लावा.
• ३० मिनिटं ठेवून केस स्वच्छ धुवा. केस धुवताना शॅम्पूचा वापर करा.

 

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.