थंडीमुळे ओठ फाटले आहेत? मग घरीच तयार करा लिपबाम, ओठ होतील मऊ गुलाबी

थंडीच्या दिवसांमध्ये ओठ फाटल्यानंतर अनेकदा ओठांमधून रक्त येऊ लागते. ओठांमधून रक्त आल्यानंतर ओठ कोरडे आणि रुक्ष दिसतात. त्यामुळे गुलाबी आणि मऊ ओठांसाठी घरीच लिपबाम तयार करा.

राज्यभरात सगळीकडे वातावरणात गारवा निर्माण झाला आहे. हिवाळा ऋतू सगळ्यांचं खूप आवडतो. पण या दिवसांमध्ये आरोग्याची जास्त काळजी घ्यावी लागते. थंडीच्या दिवसांमध्ये त्वचा पूर्णपणे कोरडी होऊन जाते. कोरड्या झालेल्या त्वचेची योग्य पद्धतीने काळजी घेतली नाहीतर त्वचा आणखीनच खराब होऊन जाते. त्यामुळे थंडीमध्ये त्वचेला सूट होतील असे प्रॉडक्ट वापरावे. थंडीमध्ये सर्वाधिक त्रास ओठांना होतो. ओठ पूर्णपणे सुकल्यासारखे आणि कोरडे होऊन जातात. अनेकदा थंडी वाढल्यानंतर ओठ जास्तच कोरडे होऊन जातात आणि ओठांमधून रक्त येऊ लागते. अशावेळी अनेक महिला व्हॅसलिन किंवा क्रीम्स लावतात.(फोटो सौजन्य-istock)

हे देखील वाचा: केस गळून पातळ झाले आहेत? मग मेथी दाण्यांचा ‘या’ पद्धतीने करा वापर, केसांची होईल झपाट्याने वाढ

थंडीच्या दिवसांमध्ये ओठ आणि त्वचेची जास्त काळजी घ्यावी. ओठांमधून रक्त आल्यानंतर किंवा ओठ कोरडे झाल्यानंतर अनेक महिला महागड्या क्रीम्स किंवा लिपबाम लावतात. पण विकतचे लिपबाम आणून लावण्यापेक्षा घरी बनवलेले लिपबाम लावावे. जेणेकरून ओठांची त्वचा कोरडी पडणार नाही. घरी बनवलेले होममेड लिपबाम ओठांमधील ओलावा कायम टिकवून ठेवण्यासाठी मदत करेल. त्यामुळे आज आम्ही तुम्हाला होममेड लिपबाम बनवण्याची सोपी पद्धत सांगणार आहोत. या पद्धतीने लिपबाम तयार केल्यास ओठ मऊ आणि गुलाबी होतील.

साहित्य:

• शिया बटर
• कोको बटर
• खोबऱ्याचे तेल
• गुलाबपाणी
• मध
• विटामिन ई तेल

कृती:

• घरच्या घरी लिपबाम बनवण्यासाठी वाटीमध्ये सगळ्यात आधी शिया बटर, कोको बटर घेऊन मिक्स करून घ्या.
• नंतर त्यात खोबरेल तेल टाकून मिक्स करा. हे सर्व साहित्य वितळण्यासाठी गॅसवर ठेवून वितळवून घ्या.
• नंतर तयार मिश्रण थंड झाल्यानंतर त्यात मध, गुलाबपाणी आणि विटामिन ई कॅप्सूल टाकून मिक्स करा.
• तयार केलेले लिपबामचे मिश्रण छोट्या डबीमध्ये ओतून सेट होण्यासाठी फ्रिजमध्ये ठेवा.
• तयार आहे सोप्या पद्धतीमध्ये बनवलेले घरगुती लिपबाम.

ओठांना लिपबाम लावण्याचे फायदे:

• ओठांना सर्वच ऋतूमध्ये लिपबाम लावावे. लिपबाम लावल्यामुळे ओठांमधील ओलावा कायम टिकून राहतो.
• लिपबाम लावल्यामुळे ओठांचे ऊन, वारा आणि प्रदूषणापासून नुकसान होत नाही.
• फाटलेले ओठ चांगले करण्यासाठी लिपबाम लावले जाते. लिपबाम लावल्यामुळे ओठांवरील कोरडेपणा कायमचा निघून जातो आणि ओठ मऊ होतात.
• लिपबाम म्हणून तुम्ही खोबऱ्याचे तेल किंवा तूप लावू शकता.

हे देखील वाचा: केस गळतीवर प्रभावी ठरतील ‘ही’ गुणकारी फुले, झपाट्याने होईल केसांची वाढ

लिपबाम लावण्याची योग्य पद्धत:

घरी तयार केलेले लिपबाम तुम्ही दिवसभरातून तीन ते चार वेळा लावू शकता. यामुळे ओठ जास्त कोरडे होणार नाहीत. ओठांमधील ओलावा कायम टिकून राहील. सुंदर आणि चमकदार ओठ हवे असल्यास नियमित ओठांना लिपबाम लावावे. घरगुती पदार्थांपासून बनवलेले लिपबाम ओठांच्या आरोग्यासाठी अतिशय प्रभावी आहे. यामुळे ओठांवर नैसर्गिक चमक टिकून राहील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.